പഞ്ചാബില്‍ ജനിച്ച മിനി നായർ! ദുഃഖസാന്ദ്രമായ ആ മുഖം മറന്നോ; 54 കാരി ഭർത്താവിനൊപ്പം യു എസില്‍; വിശേഷങ്ങൾ

Authored by: ഋതു നായർ|Samayam Malayalam•24 Jul 2025, 5:04 pm

ദുഃഖസാന്ദ്രമായ ഒരു മുഖഭാവം ആയിരുന്നു നടി മിനി നായർക്ക്. സഹജമായ അവരുടെ ആ മുഖഭാവം തന്നെയാണ് പിന്നീട് മലയാള സിനിമയിൽ ഒട്ടനവധി കഥാപാത്രങ്ങളായി വന്ന് അതിശയിപ്പിക്കാൻ അവരെ സഹായിച്ചതും. പൊതുവെ നായിക നടിമാരിൽ കാണാത്ത ഒരു മുഖഭാവം കൊണ്ടാകണം മിനി നായരെന്ന നടിയെ അടൂര്‍ ഗോപാലകൃഷ്ണന്റെ ‘കഥാപുരുഷന്‍’, ജയരാജിന്റെ ‘ദേശാടനം’ എന്നീ സിനിമകളിലേക്ക് കാസ്റ്റ് ചെയ്യാൻ കാരണവും.

ദേശാടനത്തിലെ മിനിയുടെ അസാമാന്യപ്രകടനത്തിനു കേരളസംസ്ഥാന അവാർഡും ലഭിച്ചിരുന്നു. ദേശാടനത്തിലെ പാച്ചുവിൻറെ അമ്മയുടെ മുഖം തന്നെയാണ് ഇന്നും മലയാളികളുടെ മനസ്സിൽ മിനി നായർക്ക്. സന്യാസത്തിലേക്ക് വിധിക്കപ്പെട്ട മകനെ നഷ്ടമാകുന്ന അമ്മയുടെ തീരാ വേദന മിനി നായർ സ്‌ക്രീനിൽ അത്യന്തം ഗംഭീരമാക്കി അവതരിപ്പിച്ചു. തിരുവനന്തപുരം സ്വദേശിയായ മിനിക്ക് ഇന്ന് അന്പതിനാല് വയസായി. പഞ്ചാബിലെ പത്താന്‍കോട്ടിലായിരുന്നു താരത്തിന്റെ ജനനം. പിന്നീട് തിരുവനന്തപുരത്ത് വിദ്യാഭ്യാസം.

ALSO READ: വിവാഹം കഴിഞ്ഞിട്ട് രണ്ടുവർഷം! കാത്തിരിക്കുന്ന പുത്തൻ സന്തോഷം റിലീസ് ആകാൻ ദിവസങ്ങൾ
നിരവധി സിനിമകളിൽ വലുതും ചെറുതുമായ വേഷങ്ങൾ. അവർ ചായം പതിപ്പിച്ച വേഷങ്ങൾ ഇന്നും മലയാളികളുടെ മനസ്സിൽ മായാതെ നിലനിൽക്കുന്നു. ദൂരദർശൻ പരമ്പരകളിൽ നിറ സാന്നിധ്യം ആയിരുന്ന മിനി നായർ. സീരിയലുകളിൽ നിന്നാണ് സിനിമയിലേക്ക് എത്തിയത്. ‘ദൈവസഹായം ലക്കിസെന്റര്‍’ എന്ന ചിത്രത്തിലൂടെ ആണ് താരത്തിന്റെ അരങ്ങേറ്റം.

സത്യമേവജയതേ, കൃഷ്ണാ ഗോപാലകൃഷ്ണ ‘മൂക്കുത്തി ആന്ദോളനം പാവ തിരകള്‍ക്കപ്പുറം സിദ്ധാര്‍ത്ഥ നിയോഗം വര്‍ണച്ചിറകുകള്‍ ആയിരംമേനി കണ്ണാടിക്കടവത്ത്എ ന്നിങ്ങനെ നിരവധി ചിത്രങ്ങൾ ചെയ്ത മിനി പക്ഷേ വേഗം തന്നെ സിനിമയിൽ നിന്നും വിടപറഞ്ഞു. ഒരുപക്ഷേ താൻ പ്രതീക്ഷിച്ച വിജയം സിനിമയിൽ നിന്നും അവരെ തേടി വരാഞ്ഞതോ, അല്ലെങ്കിൽ കുടുംബത്തിന് പ്രാധാന്യം കൊടുത്തത് കൊണ്ടോ ആകണം മിനി നായർ സിനിമയിൽ നിന്നും മാറിനിന്നു.

2002 ല്‍ അമേരിക്കയിലേക്ക് ചേക്കേറിയ മിനി നായർ ഭർത്താവിനും മകനും ഒപ്പമാണ് അവിടെ സെറ്റിൽഡ് ആയിരിക്കുന്നത്.