പുലർച്ചെ നാല് മണിക്ക് ഉണരുന്ന കാവ്യ! ആ രണ്ടുദിവസം എനിക്ക് മാത്രമുള്ളതാണ്; കാവ്യയുടെ രീതികളും ചിട്ടകളും

എണീക്കുന്നത് പലസമയത്താണ്. നാലുമണിക്കും എണീക്കും. ബെഡിൽ നിന്നും എണീറ്റാൽ അപ്പോൾ തന്നെ കണ്ണ് തുറന്നു പ്രാർത്ഥിച്ച ശേഷം മാത്രമേ ബെഡിൽ നിന്നും ഇറങ്ങാറുള്ളൂ. പ്രാർത്ഥന എപ്പോഴും ഉണ്ട്. എന്നുകരുതി ഫുൾ ടൈം പൂജാ റൂമിൽ ഇരുന്നു പ്രാർത്ഥിക്കുന്ന കൂട്ടത്തിൽ അല്ല. പക്ഷെ എന്ത് ചെയ്താലും ദൈവത്തെ വിളിച്ചിട്ടു മാത്രമേ ഞാൻ ചെയ്യൂ. നല്ല കാര്യം ഉണ്ടായാലും ചീത്ത കാര്യവും ഉണ്ടായാലും എല്ലാം ദൈവത്തെ ആണ് വിളിക്കുന്നത്.

ഷൂട്ട് ഇല്ലാത്ത ദിവസം വീട്ടിൽ ഉണ്ടെങ്കിൽ ആരും എന്നെ വിളിക്കാറില്ല. എനിക്ക് ഒരു ഡയറ്റും ഉണ്ടാകില്ല. രണ്ടുമൂന്നുദിവസത്തെക്ക് എനിക്ക് ഇഷ്ടം ഉള്ളതൊക്കെ കഴിക്കാം. എനിക്ക് അന്ന് എക്സർസൈസ് ഒന്നും ഉണ്ടാകില്ല. ആ രണ്ടോ മൂന്നോ ദിവസം എന്റെ മാത്രമാണ് എന്ന് ഞാൻ നേരത്തെ തന്നെ പറയും. രണ്ടുദിവസം കഴിഞ്ഞാൽ അമ്മ തുടങ്ങും, എക്സർസൈസ് കറക്ട് ആക്കാൻ പറയും, ഡയറ്റ് എടുക്കാൻ പറയും അങ്ങനെ എല്ലാ കാര്യങ്ങളും എന്നോട് പറയും.

നമ്മുടെ വീട്ടിലും പെൺപിള്ളേർ അങ്ങനെ കിടന്ന് ഉറങ്ങിക്കൂടാ എന്ന താത്പര്യം തന്നെ ആണ്. ഈ ലൊക്കേഷനിൽ ഒക്കെ പോകുന്ന ദിവസം എത്ര നേരത്തെ എണീക്കുന്നു എന്നൊക്കെ കാണുന്നത് ആണല്ലോ. അപ്പോൾ ഉറങ്ങിക്കോട്ടെ എന്ന പോലെ അങ്ങ് വിടും. ഒരു ഏഴ് ഏഴര വരെയൊക്കെ പോട്ടെ എന്ന് വയ്ക്കും. അത് കഴിഞ്ഞാൽ മുട്ടി വിളിക്കാൻ തുടങ്ങും. പക്ഷേ ചിട്ടകൾ എനിക്ക് ഭയങ്കര ഇഷ്ടമാണ്.

ഞാൻ വളരെ ചിട്ടയോടെ ജീവിക്കുന്ന ആളാണ്. ഒരു സമയം വച്ചിട്ടാണ് എന്റെ ഭക്ഷണരീതികൾ ഒക്കെ മുൻപോട്ട് കൊണ്ട് പോകുന്നത്. അതിൽ വ്യായാമത്തിനും പ്രാർഥനക്കും ഒക്കെ സമയം മാറ്റിവയ്ക്കും. വീട്ടിൽ ഇരിക്കുമ്പോൾ ആണ് ഞാൻ കഥകൾ കേൾക്കുന്നത്. പിന്നെ ബാക്കിയുള്ള സമയം ഒരു കമ്മിറ്റ്മെന്റും ഏറ്റെടുക്കാതെ ഞാൻ അങ്ങനെ ഇരിക്കും. ശരിക്കും അങ്ങനെ വേണം എന്നാണ് ഞാൻ ആഗ്രഹിക്കുന്നത്..നടത്തം ആണ് മെയിൻ ജിമ്മിൽ പോയാലും ഞാൻ അങ്ങനെ വെയിറ്റ് ട്രെയിനിങ് ഒന്നും ചെയ്യില്ല. കാർഡിയോ ആണ് മെയിൻ- ഒരിക്കൽ ജീവിതരീതികൾ പങ്കുവച്ചുകൊണ്ട് കാവ്യ പറഞ്ഞ വാക്കുകൾ ആണിത്