പ്രണയം അഭ്യര്‍ത്ഥിച്ച ബെസ്റ്റ് ഫ്രണ്ടിന്റെ കരണത്തടിച്ച ശ്രുതി ഹാസന്‍; സിംപതി പ്രണയം എനിക്ക് വേണ്ട എന്ന്

ഇന്ന് ശ്രുതി ഹാസന്റെ ജന്മദിനമാണ്. അച്ഛന്റെയും അമ്മയുടെയും പാരമ്പര്യം പിന്‍തുടര്‍ന്ന് ശ്രുതിയും അഭിനയത്തിലേക്ക് തന്നെയാണ് എത്തിയത്. അഭിനേത്രി എന്നതിനപ്പുറം ഗായികയും ഗാനരചയിതാവുമൊക്കയാണ് ശ്രുതി. അഭിനയത്തോടൊപ്പം എഴുത്തും തനിക്ക് ഏറെ ഇഷ്ടമാണെന്ന് ശ്രുതി ഹാസന്‍ പറയുന്നു.

അച്ഛന്റെയും അമ്മയുടെയും വിവാഹ ജീവിതം കണ്ടതുകൊണ്ടു തന്നെ ലിവിങ് ടുഗെദര്‍ റിലേഷന്‍ഷിപ്പിനോടാണ് ശ്രുതി ഹാസന് താത്പര്യം. കല്യാണത്തിന് താത്പര്യമില്ലത്രെ. അതേ സമയം ഒരു നല്ല അമ്മയാവണം എന്ന ആഗ്രഹമുള്ളതായും ശ്രുതി ഹാസന്‍ വര്‍ഷങ്ങള്‍ക്ക് മുന്‍പ് ഖുശ്ബു സുന്ദറിന് നല്‍കിയ ഒരു അഭിമുഖത്തില്‍ പറഞ്ഞിട്ടുണ്ട്.

Also Read: മാമാട്ടിക്കുട്ടിക്കും അമ്മയ്ക്കുമൊപ്പം കാവ്യ എത്തി, മൂത്ത ചേച്ചിയുടെ വരവിനെ കുറിച്ച് അനു സിത്താര

ഇതേ അഭിമുഖത്തിലാണ് പ്രണയം പ്രപ്പോസ് ചെയ്ത ബെസ്റ്റ് ഫ്രണ്ടിന്റെ മുഖത്തടിച്ചതിനെ കുറിച്ചും ശ്രുതി ഹാസന്‍ വെളിപ്പെടുത്തിയത്. കമല്‍ ഹാസന്റെ മകളാണ് എന്നതുകാരണം എല്ലാവരും വന്ന് അച്ഛന്റെ വിശേഷം ചോദിക്കുന്നത് ശ്രുതി ഹാസന് വലിയ പ്രയാസമായിരുന്നു. അതുകൊണ്ട് തന്റെ പേര് പൂജ രാമചന്ദ്രന്‍ ആണെന്ന് പലപ്പോഴും മാറ്റി പറഞ്ഞിട്ടുമുണ്ട്. എന്നാല്‍ എത്രയൊക്കെയായാലും ഉലകനായകന്റെ മകളാണ് എന്ന് പിന്നീട് എല്ലാവരും തിരിച്ചറിയും.

കമല്‍ ഹാസന്റെ മകളായതുകൊണ്ടു തന്നെ ആരും തന്നോട് ചെന്നൈയില്‍ പഠിക്കുമ്പോഴൊന്നും പ്രണയം പ്രപ്പോസ് ചെയ്തിരുന്നില്ല. അമേരിക്കയില്‍ പോയ സമയത്ത് പ്രപ്പോസല്‍സ് കിട്ടിയിട്ടുണ്ട്. പഠിക്കുന്ന കാലത്ത് പ്രണയ ദിനത്തില്‍ എനിക്ക് മാത്രം പ്രപ്പോസല്‍ കിട്ടിയില്ലല്ലോ എന്ന് സഹതാപപ്പെട്ട് ഉറ്റ സുഹൃത്ത് പ്രണയാഭ്യര്‍ത്ഥന നടത്തി. കരണത്ത് ഒറ്റ അടിയായിരുന്നു അതിനുള്ള മറുപടി.

Also Read: 40 കഴിഞ്ഞ പ്രിയങ്കയ്ക്കും ദീപികയ്ക്കും ഇവിടെ നായികയാവാം; തനിക്ക് വരുന്ന അമ്മ റോളിനെ കുറിച്ച് ഭൂമിക ചൗള

Also Read: അവന്‍ നിന്നെ ഇട്ടിട്ട് പോകും എന്ന് പറഞ്ഞവര്‍ ഇത് കാണണം; അരുണ്‍ രാവണിനെ കുറിച്ച് സായി ലക്ഷ്മി

അത് സീരിയസ് പ്രണയമായിരുന്നില്ല, സങ്കടം തോന്നി അവന്‍ പ്രപ്പോസ് ചെയ്തതാണ്. അതുകൊണ്ടാണ് അടിച്ചത്. ഇന്നും അത് തന്റെ അടുത്ത സുഹൃത്താണ് എന്ന് ശ്രുതി ഹാസന്‍ പറയുന്നു. ഈ കാലയളവില്‍ പല റിലേഷന്‍ഷിപ്പുകളും ഉണ്ടായിട്ടുണ്ടെങ്കിലും ഇന്ന് ശ്രുതി ഹാസന്‍ സിംഗിളാണ്.