പ്രണയിക്കുന്നത് വലിയ പാടാ, അതും സെലിബ്രേറ്റിയായിരിക്കുമ്പോൾ പ്രണയിക്കുന്നത് മാലിന്യ കൂമ്പാരത്തിൽ തീയിടുന്നത് പോലെയാണെന്ന് കെല്ലി

Authored by: അശ്വിനി പി|Samayam Malayalam•22 Jul 2025, 3:09 pm

2002 ലെ പ്രഥമ അമേരിക്കൻ മ്യൂസിക് റിയാലിറ്റി ഷോയിലെ വിജയ് എന്ന നിലയിലാണ് കെല്ലി ക്ലാർക്സൺ ശ്രദ്ധ നേടിയത്. അതിലൂടെ കരിയർ ആരംഭിച്ച ഗായിക ഇന്ന് ക്യൂൻ ഓഫ് കവേർസ് എന്നാണ് അറിയപ്പെടുന്നത്. പാട്ടുകാരി എഴുത്തുകാരി എന്നീ നിലകളിൽ എല്ലാം ക്ലാർക്സൺ ശ്രദ്ധേയയാണ്. താൻ എന്തുകൊണ്ട് ഇപ്പോൾ സിംഗിൾ ആയി തുടരുന്നു എന്ന ചോദ്യത്തിന് ഉത്തരമായി ഗായിക പറഞ്ഞ കാര്യങ്ങളാണ് ഇപ്പോൾ ശ്രദ്ധ നേടുന്നത്.

ലാസ് വെഗാസിലെ കൊളോസിയം വേദിയിൽ കെല്ലി ക്ലാർക്സൺ സംസാരിച്ച വീഡിയോ സോഷ്യൽ മീഡിയയിലൂടെ വൈറലാവുകയാണ്. ഞാനിപ്പോള്‌ ഭയങ്കര തിരക്കിലാണെന്നും അതുകൊണ്ട് പ്രണയ ബന്ധങ്ങൾ തിരയുന്നില്ല എന്നും പറഞ്ഞുകൊണ്ടാണ് കെല്ലി സംസാരിച്ചു തുടങ്ങിയത്.

Also Read: ബിടിഎസിന്റെ ഫ്ളൈറ്റ് വിവരങ്ങൾ ചോർത്തി വിറ്റു, എയലൈൻ ഉദ്യോഗസ്ഥനടക്കം രണ്ടു പേർ പിടിയിൽ! കോടികളുടെ ബിസിനസ്സാണിത്

ഡേറ്റിങ് വളരെ അധികം ബുദ്ധിമുട്ടുള്ള ഒന്നാണ്. അതുകൊണ്ടാണ് ഇപ്പോൾ ഞാൻ ആ പണിക്ക് പോകാത്തത്. പ്രത്യേകിച്ചും ഒരു സെലിബ്രേറ്റി എന്ന നിലയിൽ നിൽക്കുമ്പൾ. പ്രശസ്തിയുടെ വെളിച്ചം വരുമ്പോൾ മാലിന്യ കൂമ്പാരത്തിന് തീയിടുന്നത് പോലെയാണ് ഡേറ്റിങ് എന്നാണ് ഗായികയുടെ ഉപമ.

ബന്ധങ്ങളെ കുറിച്ച് നമ്മൾ പഠിക്കുന്നത് നമ്മുടെ മാതാപിതാക്കളിൽ നിന്നാണ്, അവർ അവരുടെ മാതാപിതാക്കളിൽ നിന്ന് പഠിച്ചതാണ് നമുക്ക് കാണിച്ചു തരുന്നത്. ഇത് ദാരുണമാണ് എന്നറിഞ്ഞിട്ടും നമ്മൾ വീണ്ടും വീണ്ടും ആവർത്തിച്ചുകൊണ്ടേയിരിക്കുകയാണ്. ഞാനും അതേ പാതയിലാണെന്ന് തോന്നുന്നു- കെല്ലി ക്ലാർക്സൺ പറഞ്ഞു.

2013 ൽ ആണ് കെല്ലി തന്റെ മുൻ മാനേജർ ആയിരുന്ന ബ്രാൻഡോൺ ബ്ലാക്ക്സ്റ്റോക്കിനെ വിവാഹം ചെയ്തത്. രണ്ട് കുട്ടികളും ആ ബന്ധത്തിൽ പിറന്നു. എന്നാൽ പരസ്പരം ഒത്തു പോകാൻ കഴിയാത്ത സാഹചര്യത്തിൽ 9 വർഷത്തെ ദാമ്പത്യ ജീവിതത്തിനൊടുവിൽ 2022 ൽ കെല്ലിയും ബ്രാൻഡോണും വേർപിരിഞ്ഞു. അതിന് ശേഷം മറ്റൊരു ബന്ധത്തെ കുറിച്ച് കെല്ലി ചിന്തിച്ചിട്ടില്ല. എനിക്കൊരു പുതിയ തുടക്കം ആവശ്യമാണെന്ന് തോന്നി. ലോസ് ആഞ്ചൽസിൽ എനിക്ക് തുടരാൻ കഴിഞ്ഞില്ല, അതുകൊണ്ട് അടുത്ത ചോയിസ് ആയ ന്യൂയോർക് ഞാൻ തിരഞ്ഞെടുത്തും എന്നാണ് വിവാഹ മോചനത്തിന്റെ സമയക്ക് കെല്ലി ക്ലാർക്സൺ പറഞ്ഞിരുന്നത്.