പ്രണവിന് അഭിനയിക്കാൻ അറിയില്ല എന്ന് പറഞ്ഞവർ ഇവിടെ കമോൺ! ഇതുവരെ കാണാത്ത അവതാരമായി താരപുത്രൻ!

Authored by: അശ്വിനി പി|Samayam Malayalam•1 Oct 2025, 12:46 pm

പ്രണവ് മോഹൻലാലിനെ നായകനാക്കി രാഹുൽ സദാശിവൻ സംവിധാനം ചെയ്യുന്ന ചിത്രമാണ് ഡീയസ് ഈറെ. ഭൂതകാലം, ഭ്രമയുഗം പോലെ തന്നെ ഒരു ഹൊറർ, ത്രില്ലർ ചിത്രമാണ് ഡീയസ് ഈറെ എന്ന ട്രെയിലറിൽ വ്യകം. 1 മിനിറ്റ് 59 സെക്കന്റ് ദൈർഘ്യമുള്ള ട്രെയിലറിലെ ആകർഷണവും എക്സൈറ്റ്മെന്റും എല്ലാം പ്രണവ് മോഹൻലാൽ തന്നെയാണ്.

പ്രണവിന് അഭിനയിക്കാൻ അറിയില്ല, ഒരേ ഭാവം മാത്രമേ മുഖത്ത് വരൂ എന്നൊക്കെ പറയുന്നവർ തീർച്ചയായും ഈ ട്രെയിലർ ഒന്ന് കാണണം എന്നാണ് ആരാധരുടെ പക്ഷം. ഇതുവരെ കാണാത്ത വിധം ഭാവപ്പകർച്ചകൾ പ്രണവിന്റെ മുഖത്ത് വന്ന് പോകുന്നു. എല്ലാ സിനിമകളിലും മോഹൻലാലിന്റെ മാനറിസങ്ങൾ പ്രണവിൽ നിരീക്ഷിക്കുന്നവരാണ് ആരാധകർ, എന്നാൽ ഈ ട്രെയിലറിലോ ലുക്കിലോ ഒന്നും അങ്ങനെ എടുത്ത് പറയാൻ മാത്രമൊന്നും ഇല്ല.

Also Read: എന്നെ അഭിമാനം കൊള്ളിക്കാനല്ല മകൾ വളരേണ്ടത്, അവൾക്ക് സ്വയം അഭിമാനം തോന്നണം; സുപ്രിയ മേനോൻ പറയുന്നു

എക്സൈറ്റിങ് ആയിട്ടുള്ള ട്രെയിലർ കണ്ടു തന്നെ സിനിമയുടെ വിജയം ഉറപ്പിക്കുകയാണ് ആരാധകർ. കഥ എന്താണ് എന്നതിന്റെ ഒരു സൂചന പോലും തരാതെ, ത്രില്ലിങ് എലമന്റ്സ് ഒക്കെ ഉൾപ്പെടുത്തിക്കൊണ്ടാണ് ഷഫീഖ് മുഹമ്മദ് അലി ട്രെയിലർ എഡിറ്റ് ചെയ്തിരിയ്ക്കുന്നത്. ഷെഹ്നാദ് ജലാൽ ആണ് ചിത്രത്തിന്റെ ക്യാമറ. നൈറ്റ് ഷിഫ്റ്റ് സ്റ്റുഡിയോസും വൈനോട്ട് സ്റ്റുഡിയോസും ചേർന്ന് നിർമിയ്ക്കുന്ന സിനിമയ്ക്ക് സംഗീതമൊരുക്കിയിരിക്കുന്നത് ക്രിസ്റ്റോ സേവ്യറാണ്.

Also Read: നവാസ് മരിക്കുന്നതിന്റെ തലേ ദിവസം പങ്കെടുത്ത ചടങ്ങ്, അവസാനമായി രഹന കണ്ടതും ഇവിടെ വച്ചാണ്; മകന്റെ ഇമോഷണൽ കുറിപ്പ്


കോപത്തിന്റെ ദിവസം 'Day of Wrath' എന്ന ടൈറ്റിൽ ടാഗോടുകൂടെയാണ് ചിത്രം വരുന്നത്. മധ്യകാല ലാറ്റിൻ കവിതയാണ് 'Day of Wrath', അതുമായി സിനിമയ്ക്ക് എന്താണ് ബന്ധം എന്നതാണ് ആരാധകർ നോക്കുന്നത്. ചിത്രം ഒക്ടോബർ 31 ന് വേൾഡ് വൈഡ് ആയി റിലീസ് ചെയ്യും. നൂറ് ശതമാനം വിജയം ഉറപ്പിച്ചുകൊണ്ടാണ് ആരാധകർ ഈ സിനിമയ്ക്ക് വേണ്ടി കാത്തിരിയ്ക്കുന്നത്, പ്രണവിന്റെ ആദ്യ നൂറ് കോടി ഇതായിരിക്കും എന്ന് അഭിപ്രായമുള്ളവരും ഉണ്ട്.