പ്രതീക്ഷിച്ചതിലും അധികം കുറഞ്ഞു പോയി! എന്തുപറ്റി, പെട്ടന്ന് മെലിയാൻ അസുഖം ബാധിച്ചോ; ചോദ്യങ്ങൾക്ക് മറുപടിയുമായി പാർക് മിൻ യങ്

Authored by: അശ്വിനി പി|Samayam Malayalam•8 Sept 2025, 4:06 pm

കൊറിയൻ ഡ്രാമ ഫോളോ ചെയ്യുന്നവരുടെ ഇഷ്ടതാരങ്ങളിൽ ഒരാളാണ് നടി പാർക് മിൻ യങ് . കോൺഫിഡൻസ് ക്വീൻ എന്ന താരത്തിൻ പുതിയ കെ ഡ്രാമയ്ക്ക് വേണ്ടി കാത്തിരിയ്ക്കുകയാണ് ആരാധകർ. ഇതിനിടയിൽ വൈറലായ ചിത്രവും, അതുമായി ബന്ധപ്പെട്ട് പ്രചരിച്ച ഗോസിപ്പുകൾക്കും ചോദ്യങ്ങൾക്കും ഉള്ള മറുപടിയുമായി എത്തിയിരിക്കുകയാണ് പാർക് മിൻ യങ്

കഴിഞ്ഞ ദിവസം കോൺഫിഡൻസ് ക്വീനിന്റെ പ്രസ് മീറ്റ് നടന്നിരുന്നു. സംവിധായകൻ നം കീ ഹൂൺ, സഹതാരങ്ങളായ ഹാർക് ഹീ സൂൺ, ജൂ ജങ് ഹ്യൂക്ക് എന്നിവർക്കൊപ്പം പാർക് മിൻ യങും പ്രസ് മീറ്റിൽ പങ്കെടുത്തു. നന്നായി ക്ഷീണിച്ച് മെലിഞ്ഞ രൂപത്തിൽ നടിയെ കണ്ടതോടെ, താരത്തിന്റെ ആരോഗ്യ അവസ്ഥയെ കുറിച്ച് ആരാധകർക്ക് ആശങ്കയായി. എന്തെങ്കിലും അസുഖമാണോ, എന്തൊകൊണ്ട് പെട്ടന്ന് മെലിഞ്ഞു എന്നൊക്കെയായിരുന്നു ആരാധകരുടെ സംശയം.

Also Read: വീണ്ടും അമ്മയായി! മക്കൾ മൂന്നുപേർ; ഏവരെയും ഞെട്ടിപ്പിച്ച ആ ലൈവ്; വിവാദവും വിവാഹവും കുഞ്ഞുങ്ങളുടെ വരവും; സാക്ഷിയുടെ ജീവിതത്തിലൂടെ

എല്ലാ ചോദ്യങ്ങൾക്കും മറുപടി നൽകി സോഷ്യൽ മീഡിയയിൽ എത്തിയിരിക്കുകയാണ് ഇപ്പോൾ പാർക് മിൻ യങ്. തനിക്കൊരു കുഴപ്പവും ഇല്ല എന്നും, പൂർണ ആരോഗ്യവതിയാണ് എന്നും നചി വ്യക്തമാക്കി. സൈറൻ എന്ന പുതിയ ചിത്രത്തിലെ കഥാപാത്രത്തിന് വേണ്ടി ഞാൻ വളരെ കർക്കശവും ആരോഗ്യപരവുമായ ഒരു ഡയറ്റ് ഫോളോ ചെയ്തു വരികയായിരുന്നു. എന്നാൽ വിശ്രമിക്കാൻ നേരമില്ലാത്ത ഷൂട്ടിങ് തിരക്കുകൾ കാരണം പ്രതീക്ഷിച്ചതിലും കൂടുതലായി തടി കുറഞ്ഞു പോയി.

Also Read: പ്രിയപ്പെട്ടതൊന്ന് പോയപ്പോൾ കിട്ടിയ സന്തോഷമാണ് അനശ്വര; 23 വർഷം, മകൾക്ക് പിറന്നാൾ ആശംസകളുമായി അമ്മ

ഞാൻ പൂർണമായും ആരോഗ്യവതിയാണ്. ഇപ്പോൾ മൂന്ന് നേരം മുഴുവനായും ഭക്ഷണം കഴിക്കുന്നുണ്ട്. ആരും വിഷമിക്കേണ്ട. നിങ്ങൾ വരാനിരിക്കുന്ന എന്റെ കോൺഫിഡൻഷ്യൽ ക്വീനും സൈറിനും അടക്കമുള്ള എന്റെ വരാനിരിയ്ക്കുന്ന ഡ്രാമകൾക്ക് വേണ്ടി കാത്തിരിയ്ക്കുകയാണ് എന്ന് ഞാൻ പ്രതീക്ഷിക്കുന്നു- എന്നാണ് പാർക് മിൻ യങ് ഇൻസ്റ്റഗ്രാമിൽ കുറിച്ചത്.


ഇതാദ്യമായല്ല ഇതിപോലെ അതിശയിപ്പിക്കുന്ന തരത്തിൽ പാർക് മിൻ യങ് ശരീരം കുറയ്ക്കുന്നത്. നേരത്തെ മാറി മൈ ഹസ്ബന്റ് എന്ന കെ ഡ്രാമയിൽ കാൻസർ രോഗിയായി അഭിനയിക്കാൻ വേണ്ടിയും തടി കുറച്ച് എല്ലാവരെയും അമ്പരപ്പിച്ചിരുന്നു. കഥാപാത്രത്തിന് വേണ്ടി എന്തിനും തയ്യാറായ നടിയുടെ ആത്മസമർപ്പണത്തെ പ്രശംസിക്കുകയാണ് ഇപ്പോൾ ആരാധകർ.