പ്രായം പ്രശ്നമല്ല, ബഹിരാകാശത്ത് കല്യാണം; എന്തൊക്കെയായിരുന്നു, അവസാനം 9 മാസത്തെ ഡേറ്റിങ് അവസാനിച്ചു!

Authored by: അശ്വിനി പി|Samayam Malayalam•17 Oct 2025, 4:27 pm

പ്രണയം നഷ്ടപ്പെട്ടു കഴിഞ്ഞാൽ പിന്നെ ഒരുമിച്ച് മുന്നോട്ടു പോകുന്നതിൽ അർത്ഥമില്ല. അത് ഇപ്പോൾ തിരിച്ചറി‍ഞ്ഞിരിയ്ക്കുകയാണ് ഹോളിവുഡ് താരം ടോം ക്രൂയിസും അന ഡി അർമാസും. ഒൻപത് മാസത്തെ ഡേറ്റിങ് റിലേഷൻഷിപ് ഇരുവരും അവസാനിപ്പിച്ചതായി റിപ്പോർട്ടുകൾ.

ഇരുവരുടെയും പ്രായ വ്യത്യാസം കൊണ്ട് തുടക്കം മുതലേ ശ്രദ്ധ നേടിയ ബന്ധമായിരുന്നു അത്. 67 കാരനായ ടോം ക്രൂയിസിന്റെയും 37 കാരി ക്യൂബൻ, സ്പാനിഷ് നടിയായ അന ഡി അർമാസിന്റെയും ബന്ധം ചർച്ചയായത് ഇരുവരും ഒന്നിച്ചുള്ള ചിത്രങ്ങൾ പുറത്ത് വന്നതിന് ശേഷമാണ്. ഉടനെ വിവാഹിതരാകും എന്നായിരുന്നു വാർത്തകൾ. അതും വളരെ വ്യത്യസ്തമായി ബഹിരാകാശത്ത് വച്ച് നടക്കും എന്നും പറയപ്പെട്ടു.

Also Read: ഹാട്രിക് ഹിറ്റടിച്ച് പ്രദീപ് രംഗനാഥൻ! ദീപാവലി തൂക്കി 'ഡ്യൂഡ്; മമിതയുടെ സിനിമയ്ക്ക് മികച്ച പ്രതികരണം

എന്നാൽ ഇരുവർക്കും പരസ്പരം സ്പാർക്ക് നഷ്ടപ്പെട്ട സാഹചര്യത്തിൽ വേർപിരിയാൻ തീരുമാനിക്കുകയായിരുന്നുവത്രെ. കമിതാക്കൾ എന്ന ബന്ധം അവസാനിപ്പിക്കുകയാമെങ്കിലും, സുഹൃത്തുക്കൾ എന്ന നിലയിലുള്ള സൗഹൃദം തുടരും എന്നാണ് പുറത്തുവരുന്ന വിവരങ്ങൾ. ഒരുമിച്ച് മുന്നോട്ടു പോകുന്നതിലും നല്ലത് അല്പം അകന്ന് കഴിയുന്നതാണ് എന്ന തിരിച്ചറിവിലാണ് ഈ തീരുമാനമത്രെ.

ഇരുവരും ഡേറ്റിങിൽ ആയിരുന്ന സമയത്ത് ഒരുമിച്ച് വർക്ക് ചെയ്യാൻ തീരുമാനിച്ചിരുന്നു. ഡീപർ എന്ന പേരിൽ ഒരു സൂപ്പർ നാച്വറൽ ത്രില്ലർ സിനിമയാണ് പ്ലാൻ ചെയ്തിരുന്നത്. എന്നാൽ പ്രണയ ബന്ധം ബ്രേക്കപ് ആയ സാഹചര്യത്തിൽ സിനിമയും താത്കാലികമായി നിർത്തിവച്ചിരിയ്ക്കുകയാണ്. അതേ സമയം ടോം ക്രൂയിസിന്റെ പുതിയ ചിത്രത്തിൽ നേരത്തെ തന്നെ അന ഡി അർമാസിനെ കാസ്റ്റ് ചെയ്തിരുന്നു, ആ വർക്ക് തുടരും.

Also Read: ഇതുവരെ ആരും ചെയ്യാത്ത രീതി! അച്ഛനാകാൻ പോകുന്ന സന്തോഷ വാർത്ത ചാർലി പുത്ത് അറിയിച്ചത് എങ്ങനെയാണെന്നോ?

വെർമോണ്ട് ഗെറ്റ്വേയിൽ ഒരുമിച്ച് കൈകോർത്തു പിടിച്ചു നടക്കുന്ന ചിത്രങ്ങൾ വന്നതിന് പിന്നാലെയാണ് പ്രണയ ഗോസിപ്പുകൾ പുറത്തുവന്നത്. പിന്നീട് ഒരുമിച്ചുള്ള അവധി ആഘോഷത്തിന്റെ ചിത്രങ്ങളെല്ലാം പുറത്തുവന്നു. ടോം ക്രൂയിസിനൊപ്പം ഹെലികോപ്റ്റർ റൈഡ് നടത്തിയ വിശേഷങ്ങളും സോഷ്യൽ മീഡിയയിൽ വൈറലായിരുന്നു.