പ്രിയങ്ക ചോപ്രയുടെ ഭർത്താവ്, നിക്ക് ജോനസിനെ പ്രണയിച്ചതിലൂടെ എനിക്ക് കിട്ടിയത്; സെലീന ​ഗോമസ് വെളിപ്പെടുത്തുന്നു

Authored by: അശ്വിനി പി|Samayam Malayalam•8 Aug 2025, 3:57 pm

പ്രിയങ്ക ചോപ്രയുടെ ഭർത്താവ് എന്ന നിലയിലാണ് അമേരിക്കൻ ഗായകൻ നിക്ക് ജോനസിനെ ഇന്ത്യക്കാർക്ക് പരിചയം. ജോനസ് ബ്രദേഴ്സ് എന്നാൽ ലോക സംഗീതത്തിൽ തങ്ങളുടേതായ ഇടം കണ്ടെത്തിയവരാണ്. അതിൽ നിക്ക് ജോനസിനെ നടിയും ഗായികയുമായ സെലീന ഗോമസും, ജോയെ ഗായിക ടെയിലർ സ്വിഫ്റ്റും പ്രണയിച്ചിരുന്ന ഒരു കാലമുണ്ടായിരുന്നു. അത് വളരെ മനോഹരമായിരുന്നു എന്ന് സെലീന ഗോമസ് പറയുന്നു.

സെലീന ഗോമസും ബെന്നി ബ്ലാങ്കോയും തമ്മിലുള്ള വിവാഹ ഒരുക്കങ്ങൾ നടന്നുകൊണ്ടിരിയ്ക്കുകയാണ്. ഇതിനടയിലാണ് ഒരു പോട്കാസ്റ്റിൽ തന്റെ പഴയ പ്രണയ ബന്ധത്തിലൂടെ ഉണ്ടായ ഏറ്റവും വലിയ നേട്ടത്തെ കുറിച്ച് സെലീന ഗോമസ് വാചാലയായത്. ജോനസ് ബ്രദേഴ്സുമായുള്ള പ്രണയ ബന്ധം തനിക്കും ടെയിലർ സ്വിഫ്റ്റിനും ഇടയിൽ നല്ലൊരു സൗഹൃദ ബന്ധമുണ്ടാക്കി എന്ന് സെലീന ഗോമസ് പറയുന്നു.

Also Read: ഇതിപ്പോൾ ആദ്യത്തെ സംഭവമല്ല, വീണ്ടും ജേക്കബ് എലോർഡിയും ഒലിവിയ ജേഡ് ജിയാനുള്ളിയും വേർപിരിയുന്നു

അന്ന് ഞാൻ നിക്കിനെയും ടെയിലർ‍ സ്വിഫ്റ്റ് ജോയെയും പ്രണയിക്കുകയായിരുന്നു. ഞങ്ങൾ വളരെ ചെറുപ്പമായിരുന്നു, ഒരുപാട് സംസാരിക്കും, നല്ല സൗഹൃദമായിരുന്നു, വളരെ ക്യൂട്ടായിരുന്നു അതൊക്കെയും. എന്താണ് ചെയ്തുകൊണ്ടിരിയ്ക്കുന്നത് എന്ന് ഞങ്ങൾക്ക് പോലും അറിയില്ലായിരുന്നു. എന്തൊക്കെയാണെങ്കിലും ആ ബന്ധത്തിന് വല്ലാത്ത ഒരു സൗന്ദര്യമുണ്ടായിരുന്നു. പതിനാറ് വർഷങ്ങളായി, ഇന്നും ആ സൗഹൃദം ഞഖങ്ങൾ മുന്നോട്ടുകൊണ്ടു പോകുന്നു.

Also Read: കേണൽ തമ്പുരാന്റെ ഭാര്യ നവാബിന്റെ ജീവിത സഖി! അമേരിക്കയിലെ ജീവിതവും തിരിച്ചുവരവും; പൂജ ബത്രയെ മറന്നോ

അന്ന് എനിക്ക് പതിനഞ്ച് വയസ്സേ ഉണ്ടായിരുന്നുള്ളൂ. നിക്ക് ജോനസിന് 18 ഉം. ഞങ്ങൾ വേർപിരിഞ്ഞതിന് ശേഷം ആശ്വാസവുമായി എനിക്ക് എത്തിയതാണ് ടെയിലർ സ്വിഫ്റ്റ് . ആ സമയത്താണ് ഞങ്ങളുടെ സൗഹൃദവും കൂടുതൽ ശക്തമായത് എന്നാണ് സെലീന ഗോമസ് പറഞ്ഞത്.


വരുന്ന സെപ്റ്റംബറിലാണ് സെലീന ഗോമസിന്റെയും ബെന്നി ബ്ലാങ്കോയുടെയും വിവാഹം നിശ്ചയിച്ചിരിയ്ക്കുന്നത്. വിവാഹ ഒരുക്കങ്ങൾ നടക്കുകയാണ്. കല്യാണത്തിന് ക്ഷമിക്കപ്പെടുന്നവരുടെ ലിസ്റ്റിൽ തീർച്ചയായും ടെയിലർ സ്വിഫ്റ്റും പങ്കാലി ട്രാവിസ് കെൽസിയുടെയും പേര് തീർച്ചയായും ഉണ്ട്.