പ്രിയപ്പെട്ടതൊന്ന് പോയപ്പോൾ കിട്ടിയ സന്തോഷമാണ് അനശ്വര; 23 വർഷം, മകൾക്ക് പിറന്നാൾ ആശംസകളുമായി അമ്മ

Authored by: അശ്വിനി പി|Samayam Malayalam•8 Sept 2025, 2:17 pm

ഇന്ന് അനശ്വര രാജന്റെ ഇരുപത്തി മൂന്നാം ജന്മദിനമാണ്. മലയാള സിനിമയുടെ ഭാവിവാഗ്ദാനം എന്ന് വിശേഷിപ്പിക്കപ്പെടുന്ന നായിക നടി, കിട്ടിയ വേഷങ്ങൾ എല്ലാം ഏറ്റവും മികച്ച രീതിയിൽ ചെയ്ത് പ്രശംസകളും പുരസ്കാരങ്ങളും വാരിക്കൂട്ടുന്ന നടി. താരത്തിന് ആശംസകളുമായി താരങ്ങളും സുഹൃത്തുക്കളും ആരാധകരും എത്തി. അതിൽ ഏറ്റവും കൂടുതൽ ഇമോഷണലായ പോസ്റ്റ് അമ്മ ഉഷയുടെയും സഹോദരി ഐശ്വര്യയുടെയും സുഹൃത്ത് സാനിയ ജോഷിയുടേതുമാണ്

അനശ്വരയുടെ ഒരു ഫോട്ടോയ്ക്കൊപ്പമാണ് അമ്മയുടെ പോസ്റ്റ്. പ്രിയപ്പെട്ടതൊന്നു പോയപ്പോൾ പ്രിയമുള്ള ഒന്നിനെ കിട്ടിയ ദിവസമാണ് ഇന്ന്, 23 വർഷം! ആയുരാരോഗ്യവും സന്തോഷവും ഉണ്ടാവട്ടെ എൻ്റെ കുട്ടിക്ക്. അമ്മയുടെ കിങ്ങിണിക്ക് ഒരായിരം പിറന്നാൾ ആശംസകൾ നേരുന്നു- എന്ന് ഉഷ രാജൻ ഇൻസ്റ്റഗ്രാമിൽ കുറിച്ചു.

Also Read: ഞങ്ങളുടെ തങ്കക്കുട്ടി, 11 വയസ്സായി എന്ന് വിശ്വസിക്കാൻ കഴിയുന്നില്ല എന്ന് സുപ്രിയ, എന്റെ ബ്ലോക്ബസ്റ്റർ ഹിറ്റാണ് അല്ലി എന്ന് പൃഥ്വിരാജും

താൻ കണ്ട ഏറ്റവും വലിയ യാതാർഥ്യമാണ് അനുജത്തി അനശ്വര എന്നാണ് ചേച്ചി ഐശ്വര്യ രാജൻ പറയുന്നത്. ഹാപ്പി ബർത്ത് ഡേ മൈ ബിഗ്ഗസ്റ്റ് റിയാലിറ്റി. എല്ലാ ചിരിയ്ക്കും, വഴക്കുകൾക്കും കണ്ണീരിനും നമ്മൾക്ക് എത്ര പറഞ്ഞാലും തീരാത്ത സ്നേഹത്തിനും.. ഹാപ്പി ബർത്ത് ഡേ അനൂ- എന്നാണ് ഒരുമിച്ചുള്ള ചിത്രങ്ങൾക്കൊപ്പം ഐശ്വര്യ പങ്കുവച്ചത്.

Also Read: എനിക്കു നല്ല പേടി ഉണ്ടായിരിന്നു രാജേ ഷിനെ! അദ്ദേഹം ഇംഗ്ളീഷിൽ ഒക്കെ എന്നോട് വല്ലതും ചോദിക്കുമോ എന്ന്; അഷ്‌റഫ് പറയുന്നു

പതിമൂന്നാം വയസ്സ് മുതൽ തുടരുന്ന സൗഹൃദത്തെ കുറിച്ചാണ് കൂട്ടുകാരി സാനിയയുടെ പോസ്റ്റ്. നമ്മൾ പരസ്പരം സുഹൃത്തുക്കളാവാൻ തീരുമാനിക്കുമ്പോൾ 13 വയസ്സായിരുന്നു. വരാൻ പോകുന്ന വർഷങ്ങൾ എങ്ങനെയായിരിക്കും എന്തായിരിക്കും എന്നൊന്നും നമുക്കന്ന് അറിയില്ല. എല്ലാ മാറ്റങ്ങൾക്കും ചിരികൾക്കും കണ്ണീരുകൾക്കും ശേഷം നമ്മളിപ്പോൾ നമ്മുടെ ഇരുപതുകളിലാണ്. ഇപ്പോഴും ആയിരം തവണ നിന്നെ തന്നെ ഞാൻ തിരഞ്ഞെടുക്കും. എന്റെ ഉറ്റ സുഹൃത്തിന്, മാറ്റമില്ലാതെ ഒപ്പമുള്ള ആൾക്ക്, എന്നോടൊപ്പം വളർന്ന ഹൃദയത്തിന് പിറന്നാൾ ആശംസകൾ- എന്നാണ് സാനിയയുടെ പോസ്റ്റ്.


2017 പുറത്തിറങ്ങിയ ഉദാഹരണം സുജാത എന്ന ചിത്രത്തിൽ മഞ്ജു വാര്യരുടെ മകളായി അഭിനയ ലോകത്തേക്ക് എത്തിയതാണ് അനശ്വര രാജൻ . പിന്നീടിങ്ങോട്ട് തണ്ണീർ മത്തൻ ദിനങ്ങൾ, സൂപ്പർ ശരണ്യ, നേര്, രേഖാ ചിത്രം, ഓസ്ലർ എന്നിങ്ങനെ ഒരുപാട് മികച്ച സിനിമകളിലൂടെ അനശ്വര മലയാള സിനിമയിൽ തന്റെ സ്ഥാനം നിലനിർത്തുകയായിരുന്നു.