പർക്ക് ഗോ ഗമ്മിന് ബിടിഎസിൻറെ വി നൽകിയ സർപ്രൈസ്: താനൊരു ബെസ്റ്റ് ഫ്രണ്ട് ആണ് എന്ന് വീണ്ടും തെളിയിച്ചിരിയ്ക്കുന്നു

Authored by: അശ്വിനി പി|Samayam Malayalam•2 Aug 2025, 3:27 pm

സൌഹൃദങ്ങൾ സൂക്ഷിക്കുന്ന കാര്യത്തിൽ ബിടിഎസ് താരങ്ങൾ എന്നും പ്രശംസകൾ നേടിയിട്ടുണ്ട്. അത് ബിടിഎസിൻറെ ഏഴ് പേർ പരസ്പരം സ്നേഹിക്കുന്നതും സൌഹൃദം പങ്കിടുന്നതും മാത്രമല്ല, പുറത്തുള്ള ഏഴുപേരുടെയും സൌഹൃദം പലപ്പോഴും വാർത്തകളിൽ ഇടം നേടാറുണ്ട്. അങ്ങനെയുള്ള സൌഹൃദമാണ് ബിടിഎസിൻറെ വിയും നടനും ഗായകനുമായ പാർക്ക് ഗോ ഗമും.

ഇരുവരും സൈനിക സേവനം എല്ലാം പൂർത്തിയാക്കി പുറത്തിറങ്ങിയ പുതിയ ഷോകളും പ്രൊജക്ടുകളുമൊക്കെയായി തിരക്കിലാണ്. വി ബിടിഎസിൻറെ പുതിയ ആൽബത്തിൻറെ വർക്കുമായി ബന്ധപ്പെട്ട് അമേരിക്കയിലേക്ക് പോകുന്നതു വരെ പാർക്ക് ഗോ ഗമ്മിനൊപ്പമുള്ള ചിത്രങ്ങളെല്ലാം സോഷ്യൽ മീഡിയയിൽ വൈറലായിരുന്നു. ഒരു ഫാഷൻ ഷോയ്ക്ക് വേണ്ടി പാർക്കും വിയും ഒന്നിച്ചാണ് പാരീസിലേക്ക് പോയിരുന്നത്.

Also Read: അമ്മയാകുക എന്നത് പവിത്രമായ ഒന്നാണ്, അത് വച്ച് എന്നെ അവഹേളിച്ചു; ആ ഒരൊറ്റ സംഭവത്തിന് മാത്രമേ കേസ് കൊടുത്തിട്ടുള്ളൂ എന്ന് ലക്ഷ്മി നക്ഷത്ര

ഇപ്പോഴിതാ പാർക്ക് ഗോ ഗമ്മിന് ഒരു സർപ്രൈസുമായി എത്തിയിരിക്കുകയാണ് വി. The Seasons: Park Bo Gum 's Cantabile എന്ന ഷോയുടെ അവാസന എപ്പിസോഡിൽ വീഡിയോ വീഡിയോ സന്ദേശത്തിലൂടെ എത്തിയാണ് വി ഞെട്ടിച്ചത്. നേരിട്ട് എത്താനായിരുന്നു ആഗ്രഹം, പക്ഷേ അമേരിക്കയിൽ പുതിയ ആൽബത്തിൻറെ വർക്കുമായി നിൽക്കുന്നതിനാൽ സാധിച്ചില്ല എന്ന് വി പറയുന്നു.

Also Read: മരണം മുന്നിൽ കണ്ടാണോ രഹ്നയെ കൊണ്ടുവന്നത്! അയ്യോ എന്റെ മോൾ ഇതെങ്ങനെ സഹിക്കുമെന്ന പ്രിയങ്കയുടെ വാക്കുകളും


ഹലോ ഞാൻ നിങ്ങളുടെ വി. എന്നോട് പാർക്ക് ഗോ ഗം എപ്പോഴും ചോദിയ്ക്കും നീ എപ്പോഴാണ് എൻറെ പരിപാടിയ്ക്ക് വരുന്നത് എന്ന്. പക്ഷേ അടുത്ത ആൽബത്തിൻറെ പണിപ്പുരയിൽ ആയതിനാൽ അമേരിക്കയിലാണ്. എത്തിച്ചേരാൻ സാധിക്കാത്തതിൽ എനിക്ക് വിഷമമുണ്ട്. എന്നിരുന്നാലും ഭാവിയിൽ ഒരു ഷോ ഒന്നിച്ച് ചെയ്യാൻ സാധിയ്ക്കും എന്ന് പ്രതീക്ഷിക്കുന്നു. The Seasons: Park Bo Gum's Cantabile നെ ഇത്രയും കാലം സ്നേഹിച്ചവർക്ക് പാർക്ക് ഗോ ഗമ്മിനൊപ്പം നല്ല കുറച്ച് സമയം ഉണ്ടായിക്കാണും എന്ന് പ്രതീക്ഷിക്കുന്നു. അടുത്ത തവണ ഞങ്ങൾ ഒന്നിച്ചുള്ള ആൽബം പുറത്തിറങ്ങും. ബിടിഎസിൻറെ ആൽബത്തിനായി കാത്തിരിക്കുക, ഞാൻ അതിന് വേണ്ടി കഷ്ടപ്പെടുന്നുണ്ട്- വി പറഞ്ഞു.