ബിടിഎസിന്റെ പുതിയ ആൽബത്തിന്റെ പ്രവർത്തനം നിലച്ചോ? ആർമിയെ നിരാശരാക്കിയ വാർത്ത, എന്താണ് സംഭവിച്ചത്?

Authored by: അശ്വിനി പി|Samayam Malayalam•14 Aug 2025, 12:13 pm

ലോകമെമ്പാടുമുള്ള ബിടിഎസ് ആരാധകർ വളരെ അധികം പ്രതീക്ഷയോടെ കാത്തിരിയ്ക്കുകയാണ് ടീമിന്റെ പുതിയ ആൽബത്തിനായി. രണ്ട് രണ്ടര വർഷത്തിന് ശേഷം, സൈനിക സേവനം പൂർത്തിയാക്കി പുറത്തിറങ്ങിയതിന് ശേഷം ബിടിഎസ് ഒരുക്കുന്ന ആദ്യത്തെ ആൽബം എന്ന് പറയുന്നത് ആർമിയുടെ (ആരാധകരുടെ) വലിയ കാത്തിരിപ്പും പ്രതീക്ഷയുമാണ്. എന്നാൽ പുതിയ ആൽബത്തിന്റെ പ്രവർത്തനങ്ങൾ നിർത്തിവച്ചു എന്ന വാർത്ത ആരാധകരെ മൊത്തത്തിൽ നിരാശരാക്കുകയാണ്.

കൊറിയൻ എന്റർടൈൻമെന്റ് ഇന്റസ്ട്രിയെ മൊത്തത്തിൽ പിടിച്ചു കുലുക്കിയ സ്റ്റോക്ക് ഫ്രോഡ് കേസിന്റെ ഭാഗമായിട്ടാണ് ബിടിഎസിന്റെ പുതിയ ആൽബത്തിന് തിരിച്ചടി കിട്ടിയത്. കേസുമായി ബന്ധപ്പെട്ട് ബിടിഎസ് ഏജൻസിയായ ബിഗ്ഹിറ്റ് മ്യൂസിക്കിന്റെ സ്ഥാപകൻ ബാങ്ക് സി ഹ്യുക്കിന് സൗത്ത് കൊറിയയിലേക്ക് മടങ്ങി വരേണ്ടി വന്നു. ഇതിന്റെ ഭാഗമായി ആൽബത്തിന്റെ പണികൾ എല്ലാം നിർത്തി വയ്ക്കേണ്ടി വന്നു എന്നാണ് കേൾക്കുന്നത്.

Also Read: ഒരുപാട് ആലോചിച്ചെടുത്ത തീരുമാനമാണത്, ഒട്ടും കംഫർട്ട് അല്ലാതെയാണ് ആ റോൾ ചെയ്തത് എന്ന് അനുപമ പരമേശ്വരൻ

പുതിയ ആൽബത്തിന് വേണ്ടി ജിൻ ഒഴികെയുള്ള ബിടിഎസ് താരങ്ങൾ ഇപ്പോൾ ലോസ് ആഞ്ചൽസിലാണ്. അവിടെ റെക്കോഡിങും, ആൽബത്തിന്റെ മറ്റ് വർക്കുകളും നടക്കുന്നതിനൊപ്പം, തങ്ങളുടേതായ സ്വകാര്യ നിമിഷങ്ങളും യാത്രകളും അനുഭവങ്ങളും ബിടിഎസ് താരങ്ങൾ സോഷ്യൽ മീഡിയയിലൂടെ പങ്കുവയ്ക്കുന്നുണ്ടായിരുന്നു. ഇതെല്ലാം കണ്ട് ആനന്ദിച്ചിരിക്കവെയാണ് ആർമിയെ നിരാശരാക്കി ഇങ്ങനെ ഒരു വാർത്ത വന്നിരിയ്ക്കുന്നത്.

Also Read: അവർക്ക് പരമാവധി റീച്ച് ലഭിച്ചു ഞങ്ങൾ ബലിയാടുകളായി അത്രമാത്രം; വൈറൽ വീഡിയോ മറുപടിയുമായി ശോഭ വിശ്വനാഥ്


ഒന്നര മാസത്തോളമായി ലോസ് ആഞ്ചൽസിൽ കഴിയുന്ന ബിടിഎസ് താരങ്ങൾക്ക് വീട്ടിലേക്ക് തിരിച്ചുവരാനുള്ള തോന്നലുകളൊക്കെയുണ്ടെങ്കിലും, തങ്ങലെ പ്രതീക്ഷിച്ചിരിയ്ക്കുന്ന ആർമിയ്ക്ക് വേണ്ടി ഏറ്റവും മികച്ച ഒരു ആൽബം ഒരുക്കുന്ന തിരക്കിൽ ഏഴു പേരും അത്രയധികം ആത്മാർത്ഥത പുലർത്തുകയാണ്. സോളോ ടൂർ കഴിഞ്ഞ് ജിൻ കൂടെ തിരിച്ചെത്തിയാൽ ഏഴ് പേരും ഒന്നിച്ചുള്ള ഒരു ലൈവ് വീഡിയോയോ മറ്റോ വരും എന്ന പ്രതീക്ഷയിലാണ് ആർമി. എത്രയും പെട്ടന്ന് പ്രശ്നങ്ങൾ പരിഹരിച്ച് ഏജൻസി സ്ഥാപകൻ തിരിച്ചെത്തുമെന്നും പറഞ്ഞത് പോലെ, 2026 ൽ തന്നെ പുതിയ ആൽബം പുറത്തുവരും എന്നുമാണ് ആർമിയുടെ പ്രതീക്ഷ.