ബിടിഎസിന്റെ വി ഡിജെ പെ​ഗ്​ഗി ​ഗൗവിനൊപ്പം ചേരുകയാണോ? അങ്ങനെ ചോദിക്കാനുള്ള കാരണം

Authored by: അശ്വിനി പി|Samayam Malayalam•29 Jul 2025, 1:10 pm

സൈനിക സേവനം കഴിഞ്ഞ് പുറത്തിറങ്ങിയതിന് ശേഷം ബിടിഎസ് താരങ്ങൾ എന്ത് ചെയ്യുന്നു എന്നത് ആരാധകരെ സംബന്ധിച്ച് വലിയ കൗതുകമുള്ള ഒന്നായിരുന്നു. ഏഴ് പേരും ഒന്നിക്കുന്ന ആൽബം 2026 മാർച്ചിൽ പുറത്തുവരും എന്ന ഔദ്യോഗിക സ്ഥിരീകരണത്തിന് പിന്നാലെ, ആൽബത്തിന്റെ ഭാഗമായി ഏഴ്വർ സംഘം ലോസ് ആഞ്ചൽസിൽ എത്തിയതും ആരാധകർക്ക് വലിയ പ്രതീക്ഷയായി.

സെനിക സേവനത്തിന് ശേഷം ഒന്നിച്ചുള്ള പെർഫോമൻസുകൾ ഒന്നും വന്നില്ല എങ്കിലും, ഓരോരുത്തരുടെയും സോളോ പെർഫോമൻസുകൾ മുറയ്ക്ക് നടക്കുന്നുണ്ട്. ജിന്നിന്റെ സോളോ പെർഫോമൻസിന് ബിടിഎസ് അംഗങ്ങൾ എല്ലാം എത്തി പിന്തുണ അറിയിച്ചതെല്ലാം സോഷ്യൽ മീഡിയയിൽ വൈറലായിരുന്നു. ഇനി എന്നാണ് വി യുടെ സോളോ പെർഫോമൻസ് എന്നാണ് ആരാധകരുടെ ചോദ്യം.

Also Read: പറഞ്ഞ് മനസ്സിലാക്കാൻ നോക്കും, കേട്ടില്ലെങ്കിൽ അവരുടെ ഇഷ്ടം; അമ്മയ്ക്കെതിരെയുള്ള കേസിനെ കുറിച്ച് കിച്ചു, അച്ഛന് രണ്ടാം വിവാഹം നടന്നിട്ടുണ്ട്!

അതിനിടയിൽ കൊറിയയിൽ പ്രശസ്തയായ ഡിജെ പെഗ്ഗി ഗൗ എന്നറിയപ്പെടുന്ന കിം മിൻ-ജിയുമായി ചേർന്ന് വി ഒരു പ്രോഗ്രാം നടത്താൻ പോകുന്നതായി വാർത്തകൾ. അരുവരും ഒന്നിച്ച് കൂടിക്കാഴ്ച നടത്തിയെന്നും, ഒരുമിച്ചുള്ള ഷോ ഉടന്‌ വരുമെന്നുമൊക്കെയാണ് വാർത്തകൾ.

ആൽബത്തിന്റെ വർക്കുകൾ ലോസ് ആ‍ഞ്ചൽസിൽ നടന്നുകൊണ്ടിരിയ്ക്കെ ഒരു ബ്രേക്ക് എടുത്ത് വി ദക്ഷിണ കൊറിയയിലേക്ക് തിരിച്ചെത്തിയിരുന്നു. ഈ സാഹചര്യത്തിലാണ് ഡിജെ പെഗ്ഗി ഗൗവും ഒന്നിച്ച് പ്രവൃത്തിക്കാൻ പോകുന്നു എന്ന വാർത്തകൾ പുറത്തുവന്നത്.

Also Read: ഗർഭിണിയായ ഭാര്യയുടെ വയറ്റിൽ തൊട്ട് സത്യം ചെയ്തതാണ് ഇനി അഭിനയിക്കില്ല എന്ന്; അന്ന് സംഭവിച്ചതിനെ കുറിച്ച് വിജയ് സേതുപതി

ദക്ഷിണ കൊറിയയിലേക്ക് തിരിച്ചെത്തിയ വി, തന്റെ പഴയ സൈനിക താവളത്തിൽ കറങ്ങുകയും തന്റെ STD ജൂനിയറുകളുടെ സൈനിക സേവനത്തിൽ നിന്നുള്ള വിരമിക്കൽ ചടങ്ങിൽ പങ്കെടുക്കുകയും ചെയ്തിരുന്നു. അതിന്റെ ചിത്രങ്ങൾ സോഷ്യൽ മീഡിയയിൽ വൈറലായത് വി യെ തന്നെ അത്ഭുതപ്പെടുത്തിയ ഒന്നാണ്.


പിന്നാലെ പെഗ്ഗി ഗൗവുമൊപ്പമുള്ള ചിത്രങ്ങൾ വൈറലായി. പ്രശസ്ത സംവിധായകൻ പാർക്ക് ചാൻ വൂക്ക്, പിയാനിസ്റ്റ് ചോ സിയോങ് ജിൻ എന്നിവർക്കൊപ്പം വിയും പെഗ്ഗി ഗൗവും ഒന്നിച്ച് ഭക്ഷണം കഴിക്കുന്ന ചിത്രങ്ങളാണ് പുറത്തുവന്നത്. ഇതോടെ ഇരുവരും ഒന്നിച്ചുള്ള പുതിയ പ്രോഗ്രാം എന്തെങ്കിലും പദ്ധതിയിടുകയാണോ എന്ന ചോദ്യവും ആവേശവുമായി ആരാധകർക്ക്. എന്നാൽ ഇതുവരെ വിഷയത്തിൽ ഒരു ഔദ്യോഗിക സ്ഥിരീകരണം വന്നിട്ടില്ല.