ബിടിഎസ് താരം ജിമിൻ പ്രണയത്തിലോ, സോങ് ഡാ യൂൺ എന്തിനാണ് ആ വീഡിയോ ഡിലീറ്റ് ചെയ്തത്

Authored by: അശ്വിനി പി|Samayam Malayalam•29 Aug 2025, 2:43 pm

കൊറിയൻ മ്യൂസിക് ബാന്റായ ബിടിഎസിലെ ഏഴ് അംഗങ്ങലെ കുറിച്ചുള്ള വിശേഷങ്ങളും വളരെ ആവേശത്തോടെയാണ് ആരാധകർ സ്വീകരിക്കുന്നത്. സൈനിക സേവനം പൂർത്തിയാക്കി തിരിച്ചെത്തിയ ബിടിഎസിന്റെ ആദ്യത്തെ ആൽബം 2026 ൽ പുറത്തിറങ്ങും. ലോസ് ആഞ്ചൽസിൽ വച്ച് ആൽബത്തിന്റെ വർക്കുകൾ പൂർത്തിയാക്കിയ ടീം കഴിഞ്ഞ ദിവസം നാട്ടിലേക്ക് തിരിച്ചെത്തിയ വാർത്ത പുറത്തു വന്നിരുന്നു.

ഇപ്പോഴിതാ ബിടിഎസിലെ ജിമിനെ സംബന്ധിച്ച ചില വിവരങ്ങളാണ് പുറത്തുവരുന്നത്. ഹാർട്ട് സിഗ്നൽ 2 എന്ന ചിത്രത്തിലെ നടി സോങ് ഡാ യൂണുമായി പ്രണയത്തിലാണ് എന്ന വാർത്തകൾ വർഷങ്ങൾക്ക് മുൻപേ പുറത്തു വന്നിരുന്നു. ഒരു ടിക് ടോക് വീഡിയോ ആണ് അതിന് വഴിയൊരുക്കിയത്. ആ വീഡിയോ സോങ് ഡാ യൂൺ ഡിലീറ്റ് ചെയ്തു എന്നതാണ് ഇപ്പോഴത്തെ പ്രശ്നം.

Also Read: എനിക്കും അതേ ഫീലിങ്സ് ആണ് കെന്നി; പങ്കാളിയെ കുറിച്ച് ജയം രവി, വിമർശിച്ചും പ്രശംസിച്ചും കമന്റുകൾ

വർഷങ്ങൾക്ക് മുൻപ്, കൃത്യമായി പറഞ്ഞാൽ 2022 മുതൽ സോങ് ഡാ യൂണും ജിമിനും പ്രണയത്തിലാണ് എന്ന വാർത്തകൾ വന്നിരുന്നു. ജിമിൻ താമസിച്ചിരുന്ന സ്ഥലത്ത് നിന്ന് ലിഫ്റ്റിൽ ഇറങ്ങി വരുന്നതും, പുറത്ത് കാത്തിരുന്ന നടി ഗായകന് മുന്നിൽ ചാടി വീണ് ഞെട്ടിക്കുന്നതുമായ ഒരു ടിക് ടോക് വീഡിയോ വൈറലായതോടെയാണ് ആ പ്രണയ ഗോസിപ്പുകളും പുറത്തുവന്നത്.

Also Read: ഒടുക്കം നിശ്ചയം കഴിഞ്ഞു! തന്റെ പ്രണയസഖിയുമായി ജീവിതം മുൻപോട്ടെന്ന് വിശാൽ; പിറന്നാൾ ദിനം സന്തോഷം

അതേ സമയം ലിഫ്റ്റിൽ നിന്ന് പുറത്ത് വന്നത് ജിമിൻ തന്നെ ആണ് എന്ന കാര്യത്തിൽ വ്യക്തതയും ഇല്ല. മാസ്ക് ധരിച്ച ആളായിരുന്നു, ഒറ്റ നോട്ടത്തിൽ ഡ്രസ്സിങും സ്റ്റൈലും എല്ലാം ജിമിനിനെ പോലെ തന്നെ. ലിഫ്റ്റിന് പുറത്ത് വന്നതും സോങ് ഡാ യൂണിനെ കണ്ടപ്പോൾ‍, ഹോ, ഞാൻ നിന്നെ ഇവിടെ പ്രതീക്ഷിച്ചില്ല, ഞാനാണ് ലിഫ്റ്റിൽ വരുന്നത് എന്ന് നീ എങ്ങനെ അറിഞ്ഞു എന്നാണ് പുറത്തു വന്ന ആള്‌‍ ചോദിച്ചത്.


ഈ വീഡിയോ അന്ന് വൻ വൈറലായിരുന്നു. ഇപ്പോൾ നടി അത് ഡിലീറ്റ് ചെയ്തു എന്നതാണ് ബിടിഎസ് ആരാധകരെ ചൊടിപ്പിക്കുന്നത്. തങ്ങളും ഏറെ സന്തോഷത്തോടെ സ്വീകരിച്ച വീഡിയോ എങ്ങനെ ഡിലീറ്റ് ചെയ്യും എന്ന് ചോദിച്ച് ചിലർ രംഗത്ത് എത്തിയിട്ടുണ്ട്. ഇതുവരെയും ജിമിനോ സോഡ് ഡാ യൂണോ സ്ഥിരീകരിച്ചിട്ടില്ലാത്ത ഈ പ്രണയ ബന്ധം ബ്രേക്കപ് ആയോ എന്നാണ് മറ്റു ചിലരുടെ സംശയങ്ങളും ചോദ്യങ്ങളും