ബിസിനസ് ക്ലാസിലെ യാത്ര! തമിഴൻ ഷെഫ് പറഞ്ഞ വാക്കുകൾ; 23 വർഷം കഴിഞ്ഞിട്ടും ഇന്നുംഅഭിമാനം സന്തോഷം; കാവ്യയുടെ വാക്കുകൾ

Authored by: ഋതു നായർ|Samayam Malayalam•26 Oct 2025, 3:05 pm

പൊതുവേദിയിൽ മീശമാധവനെകുറിച്ച് വാചാലയായി കാവ്യാ മാധവൻ .

എനിക്ക് ഒട്ടും ഹിന്ദി സംസാരിക്കാൻ അറിയില്ല, ഇനി സ്‌കൂളിൽ പഠിച്ചപ്പോൾ ഉണ്ടായിരുന്ന ഹിന്ദി പദ്യം വല്ലതും ഓർമ്മ ഉണ്ടോ എന്നുപോലും ഞാൻ അവിടെ ഇരുന്ന് ചിന്തിച്ചു എന്നാൽ അതുപോലും എനിക്ക് ഓർമ്മ കിട്ടുന്നില്ല. ഹിന്ദി വേണം എന്ന് എനിക്ക് അറിയില്ലായിരുന്നു. അല്ലെങ്കിൽ ഒരു വരി എങ്കിലും പറയാൻ ശ്രമിച്ചേനെ.

ഒരു വ്യക്തിയുടെ കാര്യത്തിൽ ആണേലും മറ്റെന്ത് കാര്യത്തിലും ആണേലും സമൂഹത്തിനു കൊടുക്കുന്ന ഒരു സന്ദേശത്തിന്റെ കാര്യത്തിൽ ആണ് അത് വിജയിക്കുന്നത്. അതിനു ഉത്തമ ഉദാഹരണം ആണ് ഹരിച്ചേട്ടന്റെ വിജയം. ദിലീപേട്ടന്റെ അടുത്ത കൂട്ടുകാരൻ ആണ്. ഞാൻ പക്ഷെ ആദ്യമായിട്ടാണ് കാണുന്നത്. ഇപ്പോൾ നേരിട്ട് കണ്ടറിയാൻ ആയി.

ഒരു സിനിമയിൽ ആണേൽ പോലും നമ്മൾ അതിൽ നന്നായി എന്ന് പ്രശംസിക്കുമ്പോൾ ഞാൻ ചിന്തിക്കാറുണ്ട് എത്രത്തോളം ആഴത്തിൽ ആണ് അത് ജനങ്ങളിൽ പതിഞ്ഞിട്ടുണ്ടാവുക എന്ന്. അത് പറയാൻ ഉള്ള കാരണം, ഞാൻ ചെന്നൈയിൽ നിന്നുമാണ് വന്നത്, ബിസിനസ് ക്ലാസിന്റെ ലോഞ്ചിൽ ഒരു ഷെഫ് ഉണ്ടായിരുന്നു തമിഴ് നാട്ടുകാരൻ ആണ്, അദ്ദേഹം എന്റെ അടുത്ത് വന്നു പറഞ്ഞു ഞാൻ നിങ്ങളുടെ കടുത്ത ഫാൻ ആണ് എന്ന്.

സത്യത്തിൽ ഇനി ആള് മാറിയതാണോ എന്ന് ഞാൻ ചിന്തിച്ചു. കാരണം ഞാൻ തമിഴിൽ സിനിമ ഒന്നും ചെയ്തിട്ടില്ല, പിന്നെ ഇയാൾക്ക് എങ്ങനെ എന്നെ അറിയാം എന്നാണ് ഞാൻ ചിന്തിച്ചത്. എന്നാൽ അപ്പോഴേക്കും അയാൾ പറഞ്ഞു, ആദ്യമായി അയാൾക്ക് ജോലി കിട്ടു വന്നത് കൊച്ചിയിൽ ആണെന്ന്. മീശമാധവൻ കാലത്താണ് എന്നും പറഞ്ഞു. ആദ്യമായി ഞാൻ കണ്ട മലയാള സിനിമ മീശമാധവൻ ആണ്. നിങ്ങളെ ഒക്കെ കണ്ടിട്ടാണ് നിങ്ങളുടെ ഒക്കെ സിനിമ കണ്ടിട്ടാണ് ഞാൻ മലയാളം പഠിച്ചത് എന്ന് അദ്ദേഹം പറഞ്ഞു.

ALSO READ: ഒറ്റ പത്ത് നൂറ് ആയിരം..വായിക്കാൻ പറ്റൂല്ല; ജോണി ചേട്ടന്റെ ആസ്തി 20 മില്യൺ ഡോളർ; ഭാര്യക്കൊപ്പമുള്ള യൂട്യൂബും വമ്പൻ ഹിറ്റ്

23 വർഷമായി അത് റിലീസ് ആയത്. ഇന്നലെ അദ്ദേഹം മീശമാധവനെ കുറിച്ച് പറഞ്ഞപ്പോൾ ഇന്നലെ റിലീസ് ചെയ്ത സിനിമയെ കുറിച്ച് അദ്ദേഹം പറയുന്ന പോലെ അഭിമാനവും സന്തോഷവും എനിക്ക് തോന്നി.അപ്പോൾ ഞാൻ ആലോചിച്ചു ആ സിനിമ എത്രത്തോളം ആണ് ആളുകളിൽ പതിഞ്ഞത് എന്ന്. അത് സിനിമ മാത്രമല്ല എന്ത് ആശയവും അങ്ങനെ തന്നെ ആണ്.