ബെഡ്ഡിൽ ഇരുന്ന് ഭക്ഷണം കഴിക്കാനൊന്നും പാടില്ല; തന്റെ ശീലങ്ങളെ കുറിച്ച് നിക്ക് ജോനസ്, ഭാര്യ പ്രിയങ്ക ചെയ്താൽ തടയാറില്ല!

Authored by: അശ്വിനി പി|Samayam Malayalam•22 Aug 2025, 1:50 pm

ടിക് ടോക്ക് സ്പെഷ്യൽ ആർ യു ഓകെ എന്ന ഷോയിൽ നിക്ക് ജോനസ് സംസാരിച്ച കാര്യങ്ങളാണ് ഇപ്പോൾ സോഷ്യൽ മീഡിയയിലെ പ്രധാന ചർച്ചകളിലൊന്ന്. തന്റെ കിടക്കയിൽ പാലിക്കേണ്ട ചില ശീലങ്ങളെ കുറിച്ചുള്ള നിക്ക് ജോനസിന്റെ ശീലങ്ങളും അച്ചടക്കങ്ങളും യുവ തലമുറയെ ചിന്തിപ്പിയ്ക്കുന്നതാണ്.

ടിവി കാണാനോ, മൊബൈൽ നോക്കാനോ, വായിക്കാനോ, ഭക്ഷണം കഴിക്കാനോ ഉള്ള സ്ഥലമല്ല കിടപ്പുമുറിയിലെ കിടക്ക. അത് കിടന്നുറങ്ങാൻ ഉള്ള ഇടമാണ് എന്ന് നിക്ക് ജോനസ് പറയുന്നു. ഞാൻ ബെഡ്ഡിൽ ഇരുന്ന് ഭക്ഷണം കഴിക്കാറില്ല, ഫോൺ ഉപയോഗിക്കുകയോ ടിവി കാണുകയോ പുസ്തകം വായിക്കുകയോ ചെയ്യാറില്ല. എന്നെ സംബന്ധിച്ച് അതൊരു വലിയ കാര്യം തന്നെയാണ്.

Also Read: 33 വർഷങ്ങൾ ഒന്നിച്ച് ജീവിച്ചു, പക്ഷേ ആ പ്രണയ കഥ ഇപ്പോഴാണ് ഞാൻ അറിയുന്നത് എന്ന് പാർവ്വതി; പഴയ പ്രണയത്തെ കുറിച്ച് ജയറാം

ഭാര്യ പ്രിയങ്ക ചോപ്ര ബെഡ്ഡിൽ ഇരുന്ന് ടിവി കാണുകയാണെങ്കിൽ ഞാനത് തടയാറില്ല. ഇരിക്കാൻ മറ്റെന്തെങ്കിലും എടുത്ത് അടുത്തോട്ടിട്ട് അവരോടൊപ്പം ഇരുന്ന് കാണും. നല്ല ഒരു ശീലമായി തനിക്കത് തോന്നിയിട്ടില്ല എന്നാണ് നിക്ക് ജോനസ് പറഞ്ഞത്

ഇങ്ങനെയൊക്കെ ശീലങ്ങളും, അച്ചടക്കങ്ങളും ഉള്ളവരുണ്ടോ എന്നാണ് ആരാധകരുടെ ചോദ്യം. അമേരിക്കൻ മ്യൂസിക് ബാന്റ് ആയ ജോനസ് ബ്രദേഴ്സിന്റെ ഇരുപതാം വാർഷികം ആഘോഷിക്കുന്ന വേളയിൽ സംസാരിക്കുകയായിരുന്നു 32 കാരനായ ഗായകൻ.

Also Read: ഇങ്ങനെ സുന്ദരിയാരിക്കുന്നതിന്റെ കാരണം എന്റെ പുരുഷൻ തന്നെ! സൂര്യ തേജസ്സോടെ രാധിക; ജ്യോതികയുടെ വാക്കുകൾ കടമെടുത്ത് ഫാൻസ്‌

സ്റ്റേജ് ഷോകളും മറ്റ് റെക്കോഡിങുമൊക്കെയായി തിരക്കുകളിൽ ആണെങ്കിലും, വർക്ക് ലൈഫും പേഴ്സണൽ ലൈഫും ബാലൻസ് ചെയ്യാൻ എനിക്ക് സാധിക്കാറുണ്ട് എന്ന് നിക്ക് പറയുന്നു. എന്തൊക്കെ തിരക്കാണെങ്കിലും ഞായറാഴ്ച പ്രിയങ്ക ചോപ്രയ്ക്കും മകൾ മൾട്ടിയ്ക്കുമൊപ്പമുള്ള നിമിഷങ്ങൾ ജീവിതത്തിൽ വളരെ പ്രധാനമാണെന്നാണ് നിക്ക് പറഞ്ഞത്.


2017 ൽ ആണ് പ്രിയങ്ക ചോപ്രയും നിക്ക് ജോനസും തമ്മിൽ പ്രണയത്തിലായത്. 2018 ൽ ഗംഭീരമായി വിവാഹവും നടന്നു. 2022 ൽ വാടക ഗര്ഡഭധാരണത്തിലൂടെ ദമ്പതികൾക്ക് മകൾ മൾട്ടി പിറക്കുകയും ചെയ്തു. കരിയറിൽ എത്ര തിരക്കാണെങ്കിലും കുടുംബത്തിന് വേണ്ടിയുള്ള സമയം പ്രിയങ്ക ചോപ്രയും മാറ്റിവയ്ക്കും