ഭര്‍ത്താവിനൊപ്പം ന്യൂയോര്‍ക്ക് സിറ്റിയില്‍ അടിച്ച് പൊളിച്ച് ആഘോഷിച്ച ബര്‍ത്ത്‌ഡേ; ചിത്രങ്ങള്‍ പങ്കുവച്ച് പ്രിയാമണി

തന്റെ സ്വകാര്യ ജീവിതം വളരെ സ്വകാര്യമായി തന്നെ സൂക്ഷിക്കുന്ന നടിയാണ് പ്രിയാമണി . ഭര്‍ത്താവ് മുസ്തഫ രാജിനൊപ്പമുള്ള ചിത്രങ്ങള്‍ പോലും അധികം പങ്കുവയ്ക്കാറില്ല. തന്റെ ഓരോ ഫോട്ടോഷൂട്ട് ചിത്രങ്ങളും നിരന്തരം പങ്കുവയ്ക്കുന്ന പ്രിയാമണി മുസ്തഫയ്‌ക്കൊപ്പമുള്ള ചിത്രങ്ങള്‍ ഏതെങ്കിലും വിശേഷ ദിവസങ്ങളില്‍ മാത്രമാണ് പങ്കുവയ്ക്കുന്നത്. അങ്ങനെ ഒരു ആഘോഷ ദിവസത്തില്‍ എടുത്ത ചിത്രങ്ങളാണ് ഇപ്പോള്‍ നടി പങ്കുവച്ചിരിയ്ക്കുന്നത്

ജൂണ്‍ 4 ന് ആയിരിന്നു പ്രിയാമണിയുടെ ജന്മദിനം. മുസ്തഫ രാജിനൊപ്പം ന്യൂയോര്‍ക്ക് സിറ്റിയിലാണ് ഇത്തവണ പ്രിയ ബര്‍ത്ത്‌ഡേ ആഘോഷിച്ചത്. അവസാനം ടൈം സ്വക്യറില്‍ നടന്ന മഡോണയുടെ പ്രോഗ്രാമിലും പങ്കെടുത്തു. ആ ചിത്രങ്ങളാണ് ഒരാഴ്ചയ്ക്ക് ശേഷം ഇപ്പോള്‍ പ്രിയമണി പങ്കുവച്ചിരിയ്ക്കുന്നത്.

Also Read: അവസാനശ്വാസം വരെ പരസ്പരം കൈവിടില്ല എന്ന് വാക്ക് കൊടുത്ത ദിവസം, നീ ഇല്ലാതെ ഒരു നിമിഷം പോലും വയ്യ എന്ന് ഷംന

എന്റെ ക്രൈം ഇന്‍ പാര്‍ട്ണര്‍ക്കൊപ്പം ന്യൂയോര്‍ക്ക് സിറ്റിയില്‍ ബര്‍ത്ത് ഡേ ആഘോഷം. ടൈംസ് സ്‌ക്വയറില്‍ മഡോണയുടെ അത് ഗംഭീര സാന്നിധ്യത്തിനൊപ്പം- എന്നാണ് ചിത്രങ്ങള്‍ക്കൊപ്പം പ്രിയാമണി പങ്കുവച്ച ക്യാപ്ഷന്‍. മുസ്തഫ രാജിനൊപ്പം മൂന്ന് ഫോട്ടോകള്‍ മാത്രമേയുള്ളൂവെങ്കിലും, ബര്‍ത്ത്‌ഡേ ഗേളിന്റെ ഒരുപാട് ചിത്രങ്ങളുണ്ട്. പോസ്റ്റിന് താഴെ പ്രിയയ്ക്ക് ആശംസകള്‍ അറിയിച്ച് നിരവധി കമന്റുകളാണ് വരുന്നത്.

Also Read: അന്നെന്റെ കൈ മുറുകെ പിടിച്ചിരുന്ന കുഞ്ഞു കൈ, ഇന്ന് വലിയ ചെറുക്കനായി; മകനെ കുറിച്ച് സിമ്രനും ഭര്‍ത്താവും

കണ്‍കള്‍ കൈതി സെയ് എന്ന ഭാരതിരാജ ചിത്രത്തിലൂടെ സിനിമയില്‍ അരങ്ങേറിയതാണ് പ്രിയാമണി. പക്ഷേ ആദ്യം റിലീസായത് എവരെ അടങ്കാത് എന്ന തെലുങ്ക് ചിത്രമാണ്. സത്യം എന്ന ചിത്രത്തിലൂടെയാണ് മലയാളത്തിലേക്കുള്ള അരങ്ങേറ്റം. തുടര്‍ന്ന് ഒറ്റനാണയം, തിരക്കഥ, പുതിയമുഖം, പ്രാഞ്ചിയേട്ടന്‍ പോലുള്ള സിനിമകളിലൂടെ കരുത്തുറ്റ നായികയായി മാറി. ഇന്ന് ബോളിവുഡ് സിനിമ ലോകത്തും സജീവമാണ് പ്രിയ. 2017 ല്‍ ആണ് മുസ്തഫ രാജുമായുള്ള വിവാഹം കഴിഞ്ഞത്, വിവാഹത്തിന് ശേഷമാണ് പ്രിയ പഴയതിലും അധികം സജീവമായത്. തന്റെ കരിയറിന് ഏറ്റവും അധികം പിന്തുണയ്ക്കുന്ന ആളാണ് മുസ്തഫ രാജ് എന്ന് പലപ്പോഴും പ്രിയ പറഞ്ഞിട്ടുണ്ട്.