ഭര്‍ത്താവ് മദ്യപിച്ച് ഉപദ്രവിച്ചപ്പോള്‍ പോലീസിനെ വിളിക്കേണ്ടി വന്നിട്ടുണ്ട്! വിവാഹ ജീവിതത്തിലെ കയ്‌പേറിയ അനുഭവങ്ങളെക്കുറിച്ച് സുമ ജയറാം

Edited byഅനുപമ നായർ | Samayam Malayalam | Updated: 3 Apr 2025, 6:27 pm

Samayam Malayalamമദ്യപിച്ചതിന് ശേഷം ഉപദ്രവിച്ചതിന് പോലീസിനെ വിളിച്ചിട്ടുണ്ട്!

വിവാഹം വേണ്ടെന്ന് വെച്ച് ജീവിക്കുന്നതിനിടയിലായിരുന്നു അറിയാവുന്ന കുടുംബത്തിലെ പയ്യന്റെ ആലോചന വന്നത്. അദ്ദേഹത്തെ പരിചയമില്ലായിരുന്നുവെങ്കിലും ആ കുടുബത്തെ അടുത്തറിയാമായിരുന്നു. അങ്ങനെയാണ് ലല്ലുഷുമായുള്ള വിവാഹം നടക്കുന്നതെന്ന് സുമ ജയറാം പറഞ്ഞിരുന്നു.

പ്രതീക്ഷയോടെയാണ് തുടങ്ങിയതെങ്കിലും അത്ര നല്ല കാര്യങ്ങളായിരുന്നില്ല സംഭവിച്ചത്. ഭർത്താവിനെയും കുടുംബത്തെക്കുറിച്ചുമൊക്കെ വ്‌ളോഗിലൂടെ സംസാരിക്കാറുണ്ട്. പല കാരണങ്ങൾ കൊണ്ടാണ് ഞാൻ ഭർത്താവിന്റെ വീട്ടിലേക്ക് പോവാത്തതും, അവിടെ അധികം നിൽക്കാത്തതും. ഒത്തിരി കാരണങ്ങളുണ്ട്. അവിടെ ഒരു സ്ഥലത്ത് ഇരിക്കാൻ പോലും പറ്റില്ല. ഇത് എന്റെ സ്ഥലം എന്നൊക്കെ പറഞ്ഞ് വരും. അങ്ങനെ കുറേ നിബന്ധനകളുണ്ട്.

Also Read: ഹി ഈസ് വെരി ഡെയ്ഞ്ചറസ് എന്ന് പറഞ്ഞ് പരിചയപ്പെടുത്തി! എല്ലാം ഞാന്‍ ഏറ്റു ഡാഡ എന്ന് അലംകൃതയും! അല്ലിയുടെ പാട്ട് ഒരു വരിയില്‍ നിര്‍ത്തിയതിന്റെ കാരണം?

എന്റെ കുടുംബത്തെക്കുറിച്ചുള്ള പ്രശ്‌നങ്ങളും വിഷമങ്ങളും എല്ലാം ഞാൻ സഹോദരനോടും നാത്തൂനോടും സഹോദരിയോടുമൊക്കെ പറയാറുണ്ട്. ഞങ്ങൾ എല്ലാം ഓപ്പണായി സംസാരിക്കുന്നവരാണ്. കല്യാണം കഴിഞ്ഞ് ചെന്ന സമയത്ത് അദ്ദേഹത്തിന്റെ സഹോദരിമാരുടെ സുഖ വിവരങ്ങളൊക്കെ തിരക്കുമായിരുന്നു. അങ്ങനെ ചോദിക്കുന്നത് മമ്മിക്ക് ഇഷ്ടമല്ലെന്നായിരുന്നു സഹോദരിമാർ പറഞ്ഞത്. പിന്നീട് ഞാൻ കേട്ടത് എനിക്ക് സഹോദരിമാരെ ഇഷ്ടമല്ല എന്ന് പറഞ്ഞ് നടക്കുന്നതാണ്. എനിക്ക് എല്ലാവരെയും ഇഷ്ടമാണ്. എല്ലാവരും ഉള്ള കുടുംബത്തിൽ നിന്നാണ് ഞാൻ ചെന്നത്. ഇതൊക്കെ ഒരു തെളിവാണ്, വീഡിയോ ആയി ഇവിടെ കിടക്കട്ടെ.


ചെറിയതാണെന്ന് തോന്നുമെങ്കിലും ഇതൊക്കെ മനസിൽ കിടക്കുന്ന കാര്യങ്ങളാണ്. എനിക്ക് യൂട്യൂബ് ചാനൽ ഉള്ളതുകൊണ്ട്‌ ഇതേക്കുറിച്ചൊക്കെ ഇവിടെ പറയുന്നു. നാളെ മക്കളൊക്കെ വലുതായാല് അവരും കാര്യങ്ങളെല്ലാം മനസിലാക്കണമല്ലോ. അന്ന് സംഭവിച്ചതും, അമ്മ അനുഭവിച്ചതുമായ കാര്യങ്ങളെല്ലാം അവരും അറിഞ്ഞിരിക്കണമല്ലോ. കുര്‍ബാന കാണുന്നവരല്ലേ ക്ഷമിച്ചൂടേ എന്നൊക്കെ എന്നോട് ചോദിക്കുന്നവരോട് അവര്‍ക്കും അങ്ങനെ ചെയ്തൂടേ എന്നാണ് എനിക്ക് ചോദിക്കാനുള്ളത്. ഒരു ടേബിളിനപ്പുറം ഇരുന്ന് കാര്യങ്ങളെല്ലാം സംസാരിക്കാനായി ഞാന്‍ തയ്യാറാണ്.

പപ്പ സിഗരറ്റ് വലിക്കുകയാണെങ്കില്‍ അവിടെ ഇരിക്കരുത് എന്ന് ഞാന്‍ മക്കളോട് പറഞ്ഞിട്ടുണ്ട്. പപ്പാ നോ സിഗരറ്റ് എന്ന് പറഞ്ഞാണ് അവര്‍ അദ്ദേഹത്തിനൊപ്പം ഇരിക്കാറുള്ളത്. ചെയ്യരുത് എന്ന് പറയുന്ന കാര്യം ചെയ്താല്‍ ശിക്ഷിക്കാം. അഞ്ചോ പത്തോ മിനിറ്റോ മക്കളുടെ കൂടെ ചെലവഴിച്ചാലായി. സ്റ്റാഫുകള്‍ക്ക് അറിയാം അതൊക്കെ. ഇഷ്ടം പോലെ സമയം കിട്ടും, പക്ഷേ, അദ്ദേഹം ശ്രമിക്കണ്ടേ. എന്റെ ഭര്‍ത്താവ് കുടിച്ച് കഴിഞ്ഞ് എന്നെ അടിച്ചിട്ട് ഞാന്‍ പോലീസിനെ വിളിച്ച സംഭവമുണ്ടായിട്ട്. നാല് തവണ ഞാന്‍ അടികൊണ്ട് പോലീസിനെ വിളിച്ച് വരുത്തിയിട്ടുണ്ട്. അതേക്കുറിച്ച് പോലും ഇതുവരെ മിണ്ടാതിരുന്നതാണ് ഞാന്‍. പൈസയുണ്ടെന്ന് കരുതി ഇത്തരത്തിലുള്ള അനുഭവങ്ങളൊന്നും സഹിക്കാനാവില്ല എന്നുമായിരുന്നു സുമ ജയറാം പറഞ്ഞത്.