ഭര്‍ത്താവ് മരിച്ച സ്ത്രീയാണ്, ഒരുപാട് നെഗറ്റീവ് കേള്‍ക്കുമ്പോള്‍ കുറച്ച് കാര്യങ്ങള്‍ രേണുവിന് ശ്രദ്ധിക്കാം എന്ന് പ്രിയങ്ക

ഒരു കുടുംബം നല്ല നിലയില്‍ കൊണ്ടു പോകണമെങ്കില്‍ സ്ത്രീകള്‍ പലതും സഹിക്കണം ക്ഷമിക്കണം എന്നൊക്കെയുള്ള പ്രിയങ്ക യുടെ പ്രസ്താവനകള്‍ പലപ്പോഴും വിവാദങ്ങളായിട്ടുണ്ട്. എന്നാല്‍ അത് എന്റെ കാഴ്ചപ്പാടാണ്, അങ്ങനെ അല്ലാത്തവര്‍ക്ക് അവരുടെ ഇഷ്ടങ്ങള്‍ക്ക് അനുസരിച്ച് ജീവിക്കാം എന്നാണ് പ്രിയങ്ക പറയാറുള്ളത്. ഇപ്പോഴും അത് തന്നെയാണ് നടി പറയുന്നത്.

ഒറ്റയ്ക്ക് ഒരാളുടെയും പിന്തുണയില്ലാതെ കുടുംബം നോക്കാന്‍ വേണ്ടി ശ്രമിക്കുന്ന സ്ത്രീകളെയും പ്രിയങ്ക അഭിനന്ദിക്കുന്നുണ്ട്. രേണു സുധി യുടെ കാര്യത്തില്‍ ആരുടെയും മുന്നില്‍ കൈ നീട്ടാതെ അവര്‍ ജീവിക്കുന്നത് നല്ല കാര്യമാണെന്ന് പ്രിയങ്ക പറയുന്നു. പക്ഷേ കുറച്ചു കാര്യങ്ങളില്‍ രേണു സുധി ശ്രദ്ധിക്കേണ്ടതുണ്ട് എന്നാണ് പ്രിയങ്കയുടെ അഭിപ്രായം.

Also Read: വാനിഷ് ആയത് പോലെ റീമ സെന്‍ എങ്ങോട്ടു പോയി? ഗ്ലാമര്‍ നായിക അഭിനയം നിര്‍ത്തിയതിന് കാരണം

രേണു സുധി ഐശ്വര്യ റായിയുടെ അത്രയും സൗന്ദര്യമുള്ള ആളല്ല എന്നത് എനിക്കും അറിയാം നിങ്ങള്‍ക്കും അറിയാം. പക്ഷേ എന്നിട്ടും തന്റെ സൗന്ദര്യത്തില്‍ ആത്മവിശ്വാസമുള്ള അവര്‍ റീലുകള്‍ ചെയ്യുകയും, അതിലൂടെ അവര്‍ക്ക് നിരവധി അവസരങ്ങള്‍ വരികയും സമ്പാദിക്കുകയും ചെയ്യുന്നില്ലേ. ആരുടെയും മുന്നില്‍ കൈ നീട്ടാതെ, മറ്റ് യാതൊരു തര പണിക്കും പോകാതെ അവര്‍ സമ്പാദിക്കുന്നു, പണമുണ്ടാക്കുന്നു, മക്കളെ നോക്കുന്നു.

രേണു സുധിക്ക് ഇപ്പോള്‍ ഒരു ബാങ്ക് ബാലന്‍സുണ്ട്. അവരത് നേടിയെടുത്തത് തന്നെയാണ്. ഈ വിമര്‍ശിക്കുന്നവര്‍ ഒരു കാര്യം ചെയ്യട്ടെ, മാസാ മാസം രേണുവിനും കുടുംബത്തിനും ചെലവിനുള്ള കാശ് കൊടുക്കട്ടെ, അവര്‍ വീട്ടിലിരിക്കട്ടെ. അത് പറ്റില്ലല്ലോ. അങ്ങനെ പറ്റുമെങ്കില്‍ മാത്രം വിമര്‍ശിക്കുക.

Also Read: വിജയ് യുടെ പേരില്‍ തൃഷ എന്തൊക്കെ അപവാദം കേട്ടു; ഇതുകൊണ്ടെങ്കിലും നിര്‍ത്തുമോ? നിയമത്തിന്റെ വഴിയേ തൃഷ

പക്ഷേ ഒരു കാര്യമുണ്ട്, ഭര്‍ത്താവ് മരിച്ച സ്ത്രീയാണ്. ഒരുപാട് നെഗറ്റീവികള്‍ വരുമ്പോള്‍ കുറച്ച് കാര്യങ്ങള്‍ നമ്മള്‍ ശ്രദ്ധിക്കേണ്ടതുണ്ട്. അത് എന്റെ അഭിപ്രായം മാത്രമാണ്. ഞാന്‍ എന്ത് ഡ്രസ്സ് ഇടണം എന്നത് ഞാന്‍ തീരുമാനിക്കുന്നതാണ്. പക്ഷേ സമൂഹത്തിലിറങ്ങി നടക്കുന്ന ഞാന്‍, അറിയപ്പെടുന്ന ഒരാളായിരിക്കുമ്പോള്‍ വസ്ത്രധാരണത്തില്‍ കുറച്ച് അച്ചടക്കം പാലിക്കണം എന്നതാണ് എന്റെ അഭിപ്രായം- പ്രിയങ്ക പറഞ്ഞു.