ഭാര്യ കൊല്ലാന്‍ ശ്രമിച്ചു, കനക എന്തുകൊണ്ട് തന്നില്‍ നിന്ന് അകന്നു കഴിയുന്നു എന്ന് വെളിപ്പെടുത്തി അച്ഛന്‍ ദേവദാസ്; ഉപദേശിച്ചിട്ട് നേരെയായില്ല!

Authored byഅശ്വിനി പി | Samayam Malayalam | Updated: 10 May 2025, 3:10 pm

ഗോഡ്ഫാദര്‍, വിയത്‌നാം കോളനി പോലുള്ള ഒരുപാട് സിനിമകളിലൂടെ മലയാളികളുടെയും ഇഷ്ടം നേടിയെടുത്ത നടിയാണ് കനക. ആദ്യകാല നടി ദേവികയുടെ മകള്‍! അമ്മയുടെ പാരമ്പര്യം പിന്‍തുടര്‍ന്ന് കരകാട്ടക്കാരി എന്ന ചിത്രത്തിലൂടെ അഭിനയ ലോകത്തേക്ക് വന്ന കനക പിന്നീട് തമിഴ് - തെലുങ്ക് സിനിമാ ലോകത്ത് നിറഞ്ഞു നിന്നു. പെട്ടന്നാണ് നടി കരിയറില്‍ നിന്നും അപ്രത്യക്ഷയായത്. പിന്നീട് അച്ഛനുമായുള്ള പ്രശ്‌നങ്ങളൊക്കെ വാര്‍ത്തയായി. ഇപ്പോള്‍ ക്യാമറയില്‍ നിന്നെല്ലാം അകന്ന് ഒറ്റയ്‌ക്കൊരു വീട്ടില്‍, പുറത്തേക്ക് പോലും ഇറങ്ങാതെ കഴിയുകയാണ് കനക എന്നാണ് റിപ്പോര്‍ട്ടുകള്‍.

സമീപകാലത്ത് കനകയെ സംബന്ധിച്ച പല വാര്‍ത്തകളും പുറത്തുവന്നിരുന്നു. കനകയുടെ മാനസിക നിലയെ സംബന്ധിച്ച വാര്‍ത്തകള്‍ക്കൊന്നും ഒരു അടിസ്ഥാനവും ഉണ്ടായിരുന്നില്ല. ഇപ്പോഴിതാ കനകയുടെ അച്ഛനും മുന്‍ സംവിധായകനുമായ ദേവദാസ് മകളെ കുറിച്ചും ഭാര്യയെ കുറിച്ചും സംസാരിക്കുന്നു. വാര്‍ധക്യ സഹജമായ പ്രയാസങ്ങളെ നേരിടുന്ന ദേവദാസ് ലൈലൈറ്റില്‍ നിന്നെല്ലാം അകന്ന് സ്വസ്തവും ശാന്തവുമായ ജീവിതം നയിച്ചുവരികയാണ്.

Also Read: രണ്ട് മക്കളെയും ഭാര്യയെയും ഉപേക്ഷിച്ച് ഗായികയ്‌ക്കൊപ്പം കല്യാണം കൂടിയ രവി മോഹനെതിരെ സോഷ്യല്‍ മീഡിയ; ആര്‍തിയ്ക്ക് പിന്തുണയുമായി നടിമാര്‍, ധൈര്യമായിരിക്കുക!

അസിസ്റ്റന്റ് ഡയരക്ടറായി കരിയര്‍ ആരംഭിച്ചതാണ് ഞാന്‍, പിന്നാലെ സംവിധായകനായി. ദേവിക എന്റെ പിന്നാലെ നടന്ന് പ്രണയിച്ച് വിവാഹം ചെയ്തതാണ്. അന്നവര്‍ വലിയ പ്രതിഫലം വാങ്ങുന്ന മുന്‍നിര നായിക, എനിക്ക് 200 രൂപയേ ശമ്പളം ഉണ്ടായിരുന്നുള്ളൂ. ഒത്തുപോകില്ല എന്നൊക്കെ ഞാന്‍ പറഞ്ഞിട്ടും പിന്നാലെ വന്നു, കാലു പിടിച്ചു. 1968 ല്‍ ആണ് ഞങ്ങളുടെ വിവാഹം കഴിഞ്ഞത്. പിന്നീട് എന്ത് സംഭവിച്ചു എന്നറിയില്ല, ദേവികയെ വഴിതെറ്റിക്കാന്‍ മാത്രം ആരോ ശ്രമിച്ചിരുന്നു. പലതും പറഞ്ഞ് പിന്‍തിരിപ്പിച്ചു. അത് ഞങ്ങളുടെ വേര്‍പിരിയലിന് കാരണമായി.

കനകയ്ക്ക് മൂന്ന് വയസ്സ് പ്ലായമുള്ളപ്പോഴാണ് എന്റെ അടുത്ത് നിന്ന് കൂട്ടിക്കൊണ്ടുപോയത്. പിന്നീട് മകളെ കാണാനുള്ള എല്ലാ സാഹചര്യങ്ങളും ദേവിക ഒഴിവാക്കി. സ്‌കൂളില്‍ പോയി കാണുന്നത് മറ്റ് കുട്ടികള്‍ക്കിടയില്‍ മകള്‍ക്ക് പ്രയാസമാവും എന്നതിനാല്‍ അതും ചെയ്യാതിരുന്നു. പിന്നീട് വളര്‍ന്ന് വലുതായപ്പോള്‍, എന്നെ കണ്ടിട്ട് മകള്‍ക്ക് തിരിച്ചറിയാന്‍ കഴിയില്ലായിരുന്നു. നിങ്ങളാരാണ് എന്ന് മകള്‍ മുഖത്ത് നോക്കി ചോദിച്ചപ്പോള്‍ അനുഭവിച്ച വേദനയെ കുറിച്ച് ദേവദാസ് പറഞ്ഞു.

അതിനിടയില്‍ ദേവിക തന്നെ കൊല്ലാന്‍ പോലും ശ്രമിച്ചിട്ടുണ്ട് എന്നാണ് ദേവദാസ് പറഞ്ഞത്. എന്തിനാണ് എന്ന് ചോദിച്ചാല്‍, സ്വത്തിന് വേണ്ടി. സ്വത്ത് തര്‍ക്കം കോടതി വരെ എത്തി, അവസാനം ഞാന്‍ തന്നെ ജയിച്ചു. ദേവികയുടെ മരണത്തിന് ശേഷം മകള്‍ കനകയോട് എനിക്കൊപ്പം വന്ന് നില്‍ക്കാനും വിവാഹം ചെയ്യാനും എല്ലാം ഒരുപാട് ഉപദേശിച്ചിരുന്നു. നിങ്ങള്‍ക്ക് കൂട്ട് വേണമെങ്കില്‍ നിങ്ങള്‍ കല്യാണം കഴിച്ചോളൂ എന്നാണ് കനക പറഞ്ഞത്. ആറാം ക്ലാസ് വരെ മാത്രമേ കനക പഠിച്ചുള്ളൂ, അതിന്റെ കുറവുകള്‍ കനകയ്ക്കുണ്ട്. ഇപ്പോള്‍ വിളിക്കുകയോ കാണുകയോ ചെയ്യാറില്ല എന്ന് ദേവദാസ് പറഞ്ഞു