വിവാഹത്തിന് മുന്പ് കുടുംബാംഗങ്ങളെയും സുഹൃത്തുക്കളെയും എല്ലാം ഉള്പ്പെടുത്തി ഗംഭീരമൊരു സംഗീത് സെറമണി ഉണ്ടായിരുന്നു. റെഡ് തീമില് ചെയ്ത സംഗീത് ചടങ്ങിന്റെ വിശേഷങ്ങള് ഒരാഴ്ചയോളം സോഷ്യല് മീഡിയയില് ചര്ച്ചയാവുകയും ചെയ്തു. കുടുംബത്തില് ഓരോരുത്തരും ധരിച്ചിരുന്ന വേഷം, ഡാന്സ്, പെര്ഫോമന്സ് അങ്ങനെ എല്ലാം വലിയ ശ്രദ്ധയും ചര്ച്ചയുമായി. ആ ഫോട്ടോകളും വീഡിയോകളും പുറത്തുവിട്ട്, അതിന്റെ ആവേശം ഒന്ന് ശമിച്ചപ്പോള് ഇതാ വിവാഹത്തിനും സംഗീത് ചടങ്ങിനും മുന്പ് നടന്ന ആഘോഷത്തിന്റെ ഫോട്ടോകള് അഹാന പങ്കുവച്ചിരിക്കുന്നു.
വിവാഹ തട്ടിപ്പുകാരനായ അച്ഛനോടുള്ള വെറുപ്പ് പുരുഷ വിരോധിയാക്കി; എൻറെ ജനനം, അതാണ് എന്നെ ഇവിടെ എത്തിച്ചത് എന്ന് ശ്രീലക്ഷ്മി
അമ്മുവിന്റെയും നിമ്മുവിന്റെയും കാര്ണിവല് എന്നാണ് ഇതേ കുറിച്ച് അഹാന പറഞ്ഞത്. ഒരുപാട് തമാശകള് നിറഞ്ഞ ഒരു രാത്രിയായിരുന്നു എന്ന് നിമിഷ് രവിയും പറയുന്നു. റൈഡുകളും, ഗെയിമുകളും നിറഞ്ഞ രസകരമായ, ഏറ്റവും മികച്ച ദിവസമായിരുന്നു. ഭാവിയില് ഞങ്ങളുടെ മക്കളോട് പറയാന് എനിക്കും നിമിഷിനും ഒരു മാസ് കഥയുണ്ട് എന്ന് അഹാന പറയുന്നു. തനിക്കായി ഈ ലോകം സൃഷ്ടിച്ച ഡെക്കോര് ടീമിനും അഹാന നന്ദി അറിയിക്കുന്നുണ്ട്. പ്രതീക്ഷിച്ചതിലും അധികം ഗംഭീരമായി നല്കിയ എന്നാണ് നടി പറയുന്നത്.
പേസ്റ്റല് നിറത്തിലുള്ള, കാര്ണിവല് തീം നല്കിക്കൊണ്ടുള്ള വേഷവിധാനങ്ങളാണ് നിമിഷും അഹാനയും ധരിച്ചത്. അത് ഡിസൈന് ചെയ്ത ടീമിനും നടി നന്ദി അറിയിക്കുന്നു. ധരിച്ച ആഭരണം ഡിസൈന് ചെയ്തവര്ക്കും, ഈവന്റ് മാനേജ്മെന്റ് ടീമിനും, മേക്കപ്പിനും എല്ലാത്തിനും പറഞ്ഞറിയിക്കാന് കഴിയാത്ത നന്ദിയാണ് അഹാനയ്ക്ക്. ഏറ്റവും മനോഹരമായ ദിനമാക്കി ആ ദിവസത്തെ മാറ്റി. തന്റെ വിവാഹത്തെ കുറിച്ച് വര്ഷങ്ങളോളമായി താന് പ്ലാന് ചെയ്യുകയായിരുന്നു എന്നാണ് അഹാന പറഞ്ഞിട്ടുള്ളത്. വിവാഹത്തിലും സംഗീത് ചടങ്ങിലും ഇപ്പോള് കാര്ണിവലിലും എല്ലാം ആ പ്ലാനിങിന്റെ മികവ് കാണാനുണ്ട് എന്ന് ആരാധകരും പറയുന്നു




English (US) ·