ഭൂമിയോളം ഞാന്‍ ക്ഷമിക്കും, പക്ഷേ ഒരു ലിമിറ്റുണ്ട്; ബാന്‍ കരിയറിനെ ബാധിച്ചു എന്ന് ഷെയിന്‍ നിഗം

സിനിമയില്‍ ചെറിയൊരു കാലയളിവില്‍ ബാന്‍ ഒക്കെ നേരിട്ടതിന് ശേഷം ഷെയിന്‍ നിഗം തിരിച്ചെത്തുന്ന ചിത്രമാണ് ദൃഢം. സിനിമയുമായുടെ പ്രമോഷനുമായി ബന്ധപ്പെട്ട് രഞ്ജിനി ഹരിദാസിന് നല്‍കിയ അഭിമുഖത്തില്‍ ബാന്‍ തന്നെ എങ്ങനെ ബാധിച്ചു എന്നും, തന്റെ ദേഷ്യത്തെ കുറിച്ചുമൊക്കെ നടന്‍ സംസാരിക്കുകയുണ്ടായി.

നിയന്ത്രിക്കാന്‍ കഴിയാത്ത ദേഷ്യമുള്ള ആളാണോ ഷെയിന്‍ എന്ന ചോദ്യത്തോട് പ്രതികരിക്കുകയായിരുന്നു നടന്‍. എനിക്ക് ഭയങ്കരമായ ക്ഷമയുണ്ട്, പക്ഷേ എന്റെ ക്ഷമ വല്ലാതെ തെറ്റിദ്ധരിക്കപ്പെടുന്നു. ഭൂമിയോളം ഞാന്‍ ക്ഷമിക്കും. പക്ഷേ ഒരു ലിമിറ്റുണ്ട്, അത് കടന്നു കഴിഞ്ഞാല്‍ പിന്നെ എന്താണ് എന്ന് എനിക്ക് പോലും പിടികിട്ടില്ല. അതിന് ശേഷം ഈ ഭൂമിയില്‍ ആരെയും ഞാന്‍ കേള്‍ക്കില്ല എന്ന ലെവലാണ് എനിക്ക്. പിന്നെ ഞാന്‍ ചാവേറാണ്.

Also Read: തൃഷയുടെ പ്രാര്‍ത്ഥനയുടെ ഫലമോ? റിസള്‍ട്ടിന് മുന്‍പേ തിരുപ്പതി ദര്‍ശനം, നിറഞ്ഞ ചിരിയോടെ താരം

അങ്ങനെ പല അവസ്ഥകളും ജീവിതത്തിലുണ്ടായി. പക്ഷേ ഇപ്പോള്‍ സമാധാനമാണ് എന്ന് ഷെയിന്‍ പറയുന്നു. ഈ സമാധാനം എങ്ങനെ വന്നതാണ് എന്ന് ചോദിച്ചപ്പോള്‍ നടന്‍ പറഞ്ഞത്, പ്രായം കൂടുമ്പോള്‍ വന്ന പക്വതയാണെന്നാണ്. പലതും റിയലൈസ് ചെയ്യാന്‍ സാധിച്ചു എന്ന് ഷെയിന്‍ നിഗം പറയുന്നു.

തന്നെ കുറിച്ച് കേട്ട ഏറ്റവും വന്യമായ ഗോസിപ് എന്താണ് എന്നതിനെ കുറിച്ചും ഷെയിന്‍ സംസാരിക്കുന്നുണ്ട്. വെയില്‍ എന്ന സിനിമയെ സംബന്ധിച്ച പ്രശ്‌നം നടന്നുകൊണ്ടിരിയ്ക്കുന്ന സമയത്ത് ഞാന്‍ എന്തോ കൈയ്യില്‍ എടുത്ത് കൊറിച്ചു കൊണ്ടിരിക്കുകയാണ്. എന്റെ അടുത്ത് എന്റെ അമ്മയുമുണ്ട്. അമ്മയ്ക്കും കൊടുക്കുന്നുണ്ട്. പക്ഷേ അത് പിന്നീട് വീഡിയോ ആയി പുറത്ത് വന്നപ്പോള്‍, ഞാന്‍ പാന്‍പരാഗ് കഴിക്കുകയായിരുന്നു എന്ന്. എന്താണിതൊക്കെ എന്ന് തോന്നിപ്പോയി- ഷെയിന്‍ പറഞ്ഞു.

Also Read: എന്നും എന്റെ ആദ്യത്തെ പ്രണയം, സുന്ദരിയായ ഉമ്മിച്ചിയ്ക്ക് പിറന്നാള്‍ ആശംസകളുമായി ദുല്‍ഖര്‍ സല്‍മാന്‍

ബാന്‍ കരിയറിനെ ബാധിച്ചോ എന്നായിരുന്നു രഞ്ജിനി ഹരിദാസിന്റെ മറ്റൊരു ചോദ്യം. തീര്‍ച്ചയായും അത് എന്റെ കരിയറിനെ ബാധിച്ചു. ആറ് മാസത്തോളമായിരുന്നു ബാന്‍. പക്ഷേ എന്ത് ഉദ്ദേശത്തോടെയാണോ എനിക്ക് അവര്‍ പണി തന്നത്, അത് നടന്നില്ല, അതുകൊണ്ട് ഇപ്പോഴും ഞാന്‍ ഇവിടെ തന്നെയുണ്ട് - എന്നാണ് ഷൈന്‍ നിഗത്തിന്റെ മറുപടി