മകന്റെ കണ്ണിൽ അമ്മയ്ക്ക് ഇത്ര ഭം​ഗിയോ; സംവൃത സുനിലിന്റെ ഈ ഫോട്ടോയ്ക്ക് പിന്നിൽ ?

Authored by: അശ്വിനി പി|Samayam Malayalam•28 Jul 2025, 8:27 pm

സംവൃത സുനിൽ അഭിനയത്തിൽ നിന്ന് മാറി നിൽക്കുകയാണെങ്കിലും, മലയാളി മനസ്സിൽ നടിയ്ക്കുള്ള സ്ഥാനം ഒന്ന് വേറെ തന്നെയാണ്. സോഷ്യൽ മീഡിയയിൽ സജീവമായ നടി തന്റെ ഭംഗിയുള്ള ചിത്രങ്ങളിലൂടെ ഇപ്പോഴും ആരാധകരുമായി നിരന്തരം സംവദിക്കാറുണ്ട്. സാരിയിൽ ശാലീനി സുന്ദരിയായും, വെസ്റ്റേൺ വസ്ത്രത്തിൽ സുന്ദരിയായുമുള്ള സംവൃതയുടെ ചിത്രങ്ങൾ ആളുകൾ പെട്ടന്ന് ഏറ്റെടുക്കുകയും ചെയ്യാറുണ്ട്

38 വയസ്സായിട്ടും, രണ്ട് കുട്ടികളുടെ അമ്മയായിട്ടും സംവൃത എങ്ങനെയാണ് ഈ സൗന്ദര്യം അതേ പോലെ നിർത്തുന്നത്, 13 വർഷങ്ങൾക്ക് മുൻപ്, 2012 ൽ അഖിൽ ജയരാജുമായുള്ള വിവാഹം നടക്കുമ്പോൾ എത്ര സുന്ദരിയായിരുന്നോ അത് പോലെ തന്നെയാണ് ഇന്ന് 10 വയസ്സുകാരന്റെ അമ്മയായി നിൽക്കുമ്പോഴും എന്ന് ആരാധകർ പറയുന്നു.

Also Read: ഗർഭിണിയായ ഭാര്യയുടെ വയറ്റിൽ തൊട്ട് സത്യം ചെയ്തതാണ് ഇനി അഭിനയിക്കില്ല എന്ന്; അന്ന് സംഭവിച്ചതിനെ കുറിച്ച് വിജയ് സേതുപതി

ഇപ്പോഴിതാ പത്ത് വയസ്സുകാരൻ മകന്റെ കണ്ണിലൂടെയുള്ള സംവൃതയുടെ സൗന്ദര്യം നടിയുടെ ആരാധകരും കാണുന്നു. മകനെടുത്ത ഫോട്ടോകൾ പങ്കുവച്ചുകൊണ്ട് സംവൃത ആ സന്തോഷം അറിയിച്ചു. എന്റെ മകന്റെ കണ്ണുകളിലൂടെ- എന്ന ക്യാപ്ഷനോടെയാണ് സംവൃത രണ്ട് ചിത്രങ്ങൾ പോസ്റ്റ് ചെയ്തിരിയ്ക്കുന്നത്.

ഔറ ബിയോണ്ട് ദ ഫാഷന്റെ സാരിയിൽ അതീവ സുന്ദരിയായ സംവൃതയെ ചിത്രങ്ങളിൽ കാണാം. സംവൃത കാലിൻമേൽ കാലേറ്റി വച്ചു ഇരിക്കുന്ന ഫോട്ടോയും, മറ്റൊന്ന് കുപ്പിവളകളിള്ള സംവൃതയുടെ മനോഹരമായ കൈകളുമാണ് മകൻ അഗസ്ത്യ പകർത്തിയത്. ഫോട്ടോയിലെ സംവൃതയുടെ അഴികിനെയും, മകന്റെ ഫോട്ടോഗ്രാഫിയിലുള്ള കഴിവിനെയും പ്രശംസിച്ചാണ് കമന്റുകൾ വരുന്നത്.


ലാൽ ജോസിന്റെ രസികൻ എന്ന ചിത്രത്തിലൂടെ അഭിനയാരങ്ങേറ്റം കുറിച്ച സംവൃത വളരെ പെട്ടന്ന് പ്രേക്ഷക ശ്രദ്ധ നേടിയിരുന്നു. 2012 ൽ അഖിൽ ജയരാജുമായുള്ള വിവാഹത്തിന് ശേഷം അഭിനയത്തിൽ നിന്ന് ബ്രേക്കെടുത്ത സംവൃത പിന്നീട് നായികാ നായകൻ എന്ന ഷോയിലൂടെ തിരിച്ചെത്തി. ഭർത്താവിനൊപ്പം വിദേശത്ത് സെറ്റിൽഡ് ആയ സംവൃത ഇടയ്ക്ക് വന്ന് ബിജു മേനോനൊപ്പം സത്യം പറഞ്ഞാൽ വിശ്വസിക്കുമോ എന്ന ചിത്രത്തിൽ അഭിനയിച്ചിരുന്നു.