മകന്റെ മൃതശരീരത്തിന് അരികെ തളര്‍ന്നു വീണ ഭാരതിരാജ; ആരായിരുന്നു മനോജ്, ആഗ്രഹിച്ച ഇടത്ത് എത്താതെ പോയ താരപുത്രന്‍!

Authored byഅശ്വിനി പി | Samayam Malayalam | Updated: 26 Mar 2025, 7:46 am

Samayam Malayalamഭാരതിരാജയുടെ മകൻ മനോജ് ഭാരതിരാജ

ഇന്നലെയായിരുന്നു ഭാരതി രാജയുടെ മകനും നടനുമായ മനോജ് ഭാരതി രാജ മരണപ്പെട്ടത്. 48 വയസ്സായിരുന്നു. ഹൃദയാഘാതത്തെ തുടര്‍ന്നുള്ള മനോജിന്റെ മരണം സിനിമ ഇന്റസ്ട്രിയിലുള്ളവര്‍ക്കും ആരാധകര്‍ക്കും ഏറെ ഞെട്ടലായിരുന്നു. തനിക്ക് മുന്നേ പോയ മകന്റെ ചേതനയറ്റ ശരീരത്തിന് മുന്നില്‍ തളര്‍ന്നു വീണുപോയ ഭാരതി രാജയുടെ വീഡിയോകളും, അദ്ദേഹത്തെ ആശ്വസിപ്പിക്കാന്‍ എത്തുന്ന സഹപ്രവര്‍ത്തകരുടെ വീഡിയോകളുമൊക്കെയാണ് ഇപ്പോള്‍ പുറത്തുവരുന്നത്.

Also Read: ഒരു ദുരുദ്ദേശവും എനിക്കുണ്ടായിരുന്നില്ല, വേദനിപ്പിക്കാനല്ല, അസൂയ കൊണ്ടുമല്ല; എലിസബത്തിനോട് കേണപേക്ഷിച്ച് അഭിരാമി, മാപ്പ്! അമ്മയുടെ കരച്ചില്‍ സഹിക്കാന്‍ പറ്റുന്നില്ല

അച്ഛന്റെ പാരമ്പര്യം പിന്തുടര്‍ന്ന് സിനിമയില്‍ എത്തിയിട്ടും ആഗ്രഹിച്ച ഉയരങ്ങള്‍ കീഴടക്കാന്‍ കഴിയാതെ പോയ താരപുത്രനാണ് മനോജ് ഭാരതി രാജ. തമിഴ് സിനിമയുടെ മുഖമുന്ദ്രയായ ഒട്ടനവധി സിനിമകള്‍ ഒരുക്കിയ സംവിധായകനാണ് ഭാരതിരാജ. ഇന്ന് അഭിനയത്തിലും അദ്ദേഹം സജീവമാണ്. മകന്‍ മനോജ് അച്ഛനെ കണ്ടു തന്നെയാണ് അഭിനയത്തിലേക്ക് വന്നത്. അസിസ്റ്റന്റ് ഡയരക്ടറായി കരിയര്‍ ആരംഭിച്ചു.

Also Read: 25 വയസ്സുകാരിയുടെ അമ്മ! ഒരുമിച്ച് നിന്നാല്‍ മീനാക്ഷിയ്ക്ക് ഏറ്റവും വലിയ വെല്ലുവിളി മഞ്ജു വാര്യര്‍ തന്നെയാണ്, അതിന് ഇതില്‍ കൂടുതല്‍ തെളിവ് വേണ്ട!

അതിന് ശേഷമാണ് സിനിമയെ മനോജ് സീരിയസായി എടുത്തത്, സൗത്ത് ഫ്‌ളോറിഡ യൂണിവേഴ്‌സിറ്റിയില്‍ നിന്നും തിയേറ്റര്‍ ആട്‌സ് പഠിച്ചതിന് ശേഷമാണ് പിന്നീട് മനോജ് സിനിമയിലേക്ക് തിരിച്ചെത്തിയത്. 1999 ല്‍ പുറത്തിറങ്ങിയ താജ്മഹല്‍ എന്ന ചിത്രത്തിലൂടെ അഭിനയത്തിലേക്ക് കടന്നു. മണിരത്‌നത്തിന്റെ രചനയില്‍ അച്ഛന്‍ ഭാരതി രാജ സംവിധാനം ചെയ്ത താജ് മഹല്‍ വന്‍ വിജയവുമായി. എആര്‍ റഹ്‌മാന്റെ മ്യൂസിക് ആയിരുന്നു താജ്മഹലിന്റെ ഹൈലൈറ്റ്.


പിന്നീട് ശരത് കുമാറിനൊപ്പെ ചെയ്ത സമുന്തിരം എന്ന ചിത്രമുള്‍പ്പടെ നിരവധി സിനിമകളില്‍ മനോജ് അഭിനയിച്ചു. പക്ഷേ ഒരു നായക നടന്‍ എന്ന നിലയില്‍ സ്ഥാനമുറപ്പിക്കാന്‍ താരുപുത്രന് സാധിച്ചില്ല. വര്‍ഷങ്ങള്‍ക്ക് ശേഷം ചിമ്പു നായകനായ മാനാട് എന്ന വെങ്കട് പ്രഭു ചിത്രത്തിലൂടെയായിരിന്നു മനോജിന്റെ സിനിമയിലേക്കുള്ള തിരിച്ചുവരവ്. കാര്‍ത്തി നായകനായ വിരുമാന്‍ എന്ന ചിത്രത്തിലാണ് നടന്‍ ഏറ്റവുമൊടുവില്‍ അഭിനയിച്ചത്. അതിനിടയില്‍ സ്‌നേക്കേഴ്‌സ് ആന്റ് ലേഡേഴ്‌സ് എന്ന വെബ് സീരീസിലും മനോജ് അഭിനയിച്ചിരുന്നു.