മക്കളോട് നയന്‍താരയ്ക്ക് പാര്‍ഷ്യാലിറ്റിയാണെന്ന്, എങ്ങനെ പറയാന്‍ തോന്നുന്നു; ഇനിയെത്ര ജന്മം എടുത്താലും നിങ്ങള്‍ മതിയെന്ന് നയന്‍

മൂക്കുത്തി അമ്മന്‍ 2 -വിന്റെ പൂജയില്‍ നയന്‍താര മീനയെ അവഗണിച്ചു, ഈഗോ കാണിച്ചു എന്നൊക്കെ പറഞ്ഞായിരുന്നു വിമര്‍ശനം. പിന്നാലെ സെറ്റില്‍ വച്ച് നയന്‍താരയും സംവിധായകനും വഴക്കിട്ടു എന്നും, ചിത്രത്തിന്റെ ഷൂട്ടിങ് നിര്‍ത്തിവച്ചു എന്നും, നയന്‍താരയ്ക്ക് പകരം തമന്ന ഭട്ടിയ എത്തുമെന്നുമൊക്കെ വാര്‍ത്തകള്‍ വന്നു. അവസാനം അതെല്ലാം കിംവദന്തിയാണെന്നും മൂക്കുത്തി അമ്മന്‍ 2 വിന്റെ ചിത്രീകരണം സുഖകരമായി പോകുകയാണെന്നും സംവിധായകന്റെ ഭാര്യയും നിര്‍മാതാക്കളില്‍ ഒരാളുമായ ഖുശ്ബു സോഷ്യല്‍ മീഡിയയിലൂടെ അറിയിച്ചു.

വിവാദങ്ങള്‍ എല്ലാം ഒരു ഭാഗത്ത് സംഭവിക്കവെ, തന്റെ ജീവിത്തിലെ സന്തോഷമുള്ള ഓരോ നിമിഷവും ആസ്വദിക്കുകയാണ് നയന്‍താര. മക്കളായ ഉലകിനും ഉയിരിനും ഒരുമിച്ചുള്ള മനോഹരമായ സെല്‍പി ചിത്രങ്ങളാണ് നയന്‍ പങ്കുവച്ചിരിയ്ക്കുന്നത്. 'എല്ലാ ജീവിതത്തിലും ഞാന്‍ നിങ്ങള്‍ രണ്ടു പേരെ തന്നെ തിരഞ്ഞെടുക്കും' എന്നാണ് നയന്‍താര ചിത്രങ്ങള്‍ക്ക് ക്യാപ്ഷനായി കൊടുത്തിരുന്നത്. നയന്‍താര മക്കളോട് പാര്‍ഷ്യാലിറ്റി കാണിക്കുന്നു എന്ന് പറഞ്ഞവര്‍ക്കുള്ള മറുപടികൂടെയാണിത്.

നയന്‍ മിക്കപ്പോഴു ഉലകിന് മാത്രമാണ് കൂടുതല്‍ ശ്രദ്ധ കൊടുക്കുന്നത് എന്ന വിമര്‍ശനവും കമന്റുകളും വന്നിരുന്നു. എന്നാല്‍ നയന്‍ മക്കളുടെ കാര്യത്തില്‍ എത്രത്തോളം പൊസസ്സീവ് ആണ് എന്ന് നടി പലപ്പോഴും തുറന്ന് പറഞ്ഞിട്ടുണ്ട്. വീട്ടില്‍ മക്കളെ നോക്കാന്‍ ആയമാരൊക്കെ ഉണ്ടെങ്കിലും മക്കലെ ഉണ്ണുന്നതും ഉറക്കുന്നതും എല്ലാം നയന്‍താര തന്നെയാണ്. ഫോണ്‍ കാണിച്ച് മക്കള്‍ക്ക് ഭക്ഷണം കൊടുക്കരുത് ന്നാണ് നയന്‍താര പറയാറുള്ളത്.

ബിസിനസ് തിരക്കുകളും സിനിമ തിരക്കുകളും ഉണ്ടെങ്കിലും മക്കളോടൊപ്പമുള്ള സമയം താന്‍ മിസ്സ് ചെയ്യാറില്ല എന്നും, അവര്‍ വന്നതിന് ശേഷം ജീവിതം ആകെ മാറി എന്നും നയന്‍താര ഒരു അവാര്‍ഡ് ഷോയില്‍ പറഞ്ഞിരുന്നു.