മകൾ വന്നതോടെ കൂടുതൽ ലക്കിയായി! ബോളിവുഡും ബോക്സോഫീസും ധുരന്ധർ മയം; ഹിറ്റുകൾ കൊയ്ത് രൺവീർ സിങ്ങിന്‍റെ ചിത്രം

ഇന്ത്യൻ ബോക്സ് ഓഫീസ് ചരിത്രത്തിലേക്ക് ധുരന്ധർ . ഒമ്പത് ദിവസത്തെ മൊത്തം വരുമാനം ഏകദേശം 270 കോടി രൂപയായി ഉയർന്നാണ് റെക്കോർഡിലേക്ക് കുതിക്കുന്നത്. രണ്ടാം വാരാന്ത്യത്തിൽ ചിത്രം 135-140 കോടി രൂപയുടെ വരുമാനം നേടാനുള്ള ശ്രമത്തിലാണ്, ആദ്യ വാരാന്ത്യത്തേക്കാൾ 50 ശതമാനം കൂടുതൽ ആണ് ഇത്. ആദിത്യ ധർ സംവിധാനം ചെയ്ത സ്പൈ ത്രില്ലർ ചിത്രമാണ് ധുരന്ധർ. രൺവീർ സിങ്ങും അക്ഷയ് ഖന്നയും ഒരുമിച്ചെത്തിയ ചിത്രം വെള്ളിയാഴ്ച മാത്രം ഏകദേശം 32.5 കോടി രൂപയാണ് നേടിയത്. ആദ്യ ദിവസത്തെ കലക്ഷൻ 28 കോടിയായിരുന്നു.

ഹിന്ദി സിനിമകളുടെ റെക്കോർഡാണ് രണ്ടാം ശനിയാഴ്ചയിലെ കണക്കുകൾ സൂചിപ്പിക്കുന്നത്, പുഷ്പ 2 (ഹിന്ദി), ഛാവ (ഛാവ) എന്നിവയുടെ 41.50 കോടി രൂപയുടെ നെറ്റ് മറികടന്നു. 2023 ൽ മാത്രമാണ് രണ്ടാം ശനിയാഴ്ച ആദ്യമായി 30 കോടി രൂപ കടന്നത്, ഇപ്പോൾ 50 കോടി രൂപയും കടന്നിരിക്കുകയാണ് ധുരന്ധർ. . വാസ്തവത്തിൽ, ആദ്യ ആഴ്ചയ്ക്ക് ശേഷം ഒരു ദിവസം ഒരു സിനിമ 50 കോടി രൂപയുടെ നെറ്റ് നേടുന്നത് ഇതാദ്യമാണ്. പുഷ്പ 2 (ഹിന്ദി) നേക്കാൾ 20 ശതമാനം മുന്നിലാണ് ചിത്രം, അതിന്റെ ശേഷിക്കുന്ന ഓട്ടം നിലനിർത്തിയാൽ 600 കോടി രൂപയിലധികം തുക നേടും. ഒരുപക്ഷെ അതിനേക്കാൾ തുക കൂടാനുള്ള സാധ്യതയുണ്ട്, കാരണം ഇതുവരെയുള്ള ട്രെൻഡ് പുഷ്പയേക്കാൾ ശക്തമാണ്.

40 കാരനായ രൺവീർ സിങ്ങും നായികയായ സാറ അർജുനും തമ്മിലുള്ള പ്രായവ്യത്യാസവും നേരത്തെ ചർച്ചയായിരുന്നു. 20 വയസ്സ് വ്യത്യാസമാണ് അവർക്കിടയിലുള്ളത്. അതിനെ ഒരുകൂട്ടം ആളുകൾ ചോദ്യം ചെയ്തിരുന്നു. ഒരു ഘട്ടത്തിൽ 'ധുരന്ധറി'ന്റെ റിലീസ് അനിശ്ചിതത്വത്തിലായിരുന്നു. മേജർ മോഹിത് ശർമയുടെ മാതാപിതാക്കൾ ചിത്രത്തിന്റെ റിലീസ് തടയണമെന്ന് ആവശ്യപ്പെട്ട് ഡൽഹി ഹൈകോടതിയെ സമീപിച്ചിരുന്നു. കശ്മീരിലെ ഭീകരവിരുദ്ധ ദൗത്യത്തിനിടെ വീരമൃത്യു വരിച്ച തങ്ങളുടെ മകന്റെ യഥാർത്ഥ ജീവിതത്തെ ആസ്പദമാക്കിയുള്ളതാണ് ചിത്രത്തിന്റെ കഥയെന്ന് അവർ വാദിച്ചു. എന്നാൽ, ചിത്രം മേജർ മോഹിത് ശർമയുടെ ജീവിതത്തെ ആസ്പദമാക്കിയുള്ളതല്ലെന്ന് സംവിധായകൻ ആദിത്യ ധർ വ്യക്തമാക്കി.

അതേസമയം ഇത്രയും തുക നേടിയതോടെ ധുരന്ധർ. ഈ വർഷത്തെ ഏറ്റവും കൂടുതൽ കളക്ഷൻ നേടിയ ബോളിവുഡ് റിലീസുകളുടെ പട്ടികയിൽ എത്തുകയും ചെയ്തു. എന്നാൽ രൺവീറിന്റെ മകളുടെ ഭാഗ്യം ആണ് ഇതെന്ന് ഫാൻസ്‌ അഭിപ്രായപ്പെടുന്നു.