10 months ago
13
Authored byഅശ്വിനി പി | Samayam Malayalam | Updated: 26 Apr 2025, 4:04 pm
വിജയ് ബാബുവും ലാലി പി എമ്മു ഒന്നിക്കുന്ന മദര് മേരി എന്ന ചിത്രത്തിന്റെ ട്രെയിലര് പുറത്തുവന്നു
മദർ മേരി (ഫോട്ടോസ്- Samayam Malayalam) പ്രായമായ അമ്മയും മുതിര്ന്ന മകനും തമ്മിലുള്ള ആത്മബന്ധത്തിന്റെ കഥയാണ് ചിത്രം പറയുന്നത്. ഓര്മ്മക്കുറവും വാര്ദ്ധക്യ സഹജമായ അസുഖങ്ങളും മൂലം വിഷമിക്കുകയും ഒറ്റപ്പെട്ട ജീവിതം നയിക്കുകയും ചെയ്യുന്ന അമ്മയുടെ സംരക്ഷണം ഏറ്റെടുക്കാന് മകന് ജയിംസ്, അമേരിക്കയിലെ തന്റെ ഉയര്ന്ന ജോലിയെല്ലാം വിട്ട് നാട്ടിലെത്തുന്നു. സംരക്ഷണവുമായി മുന്നോട്ടു പോകവെ ജയിംസ്, അമ്മയുടെ ശത്രുവായി മാറുന്ന സാഹചര്യങ്ങളിലേക്ക് കാര്യങ്ങള് ചെന്നെത്തുന്നു. ഈ അവസ്ഥാവിശേഷം എങ്ങനെ മറികടക്കുമെന്നതാണ് ചിത്രത്തിന്റെ കാതലായ വിഷയം.
Also Read: പുതിയ അംഗം എത്തി, ഞങ്ങള് ഹാപ്പിയാണ് എന്ന് സായി ലക്ഷ്മിയും അരുണ് രാവണും; പാര്വ്വതിയുമായ ബന്ധത്തില് നിന്ന് പൂര്ണമായും മൂവ് ഓണ് ആയി!
ജയിംസിനെ വിജയ്ബാബുവും അമ്മയെ ലാലി പി എമ്മും അവതരിപ്പിക്കുന്നു. കുമ്പളങ്ങി നൈറ്റ്സിലൂടെ സിനിമയില് അരങ്ങേറ്റം കുറിച്ച ലാലി തുടര്ന്ന് മോഹന്കുമാര് ഫാന്സ്, 2018, മാംഗോ മുറി, കൂടല് തുടങ്ങി ഇരുപതോളം ചിത്രങ്ങളില് അഭിനയിച്ചു. ഇവരെ കൂടാതെ നിര്മ്മല് പാലാഴി, സോഹന് സീനുലാല്, ഡയാന ഹമീദ്, അഖില നാഥ്, ബിന്ദുബാല തിരുവള്ളൂര്, സീന കാതറിന്, പ്രസന്ന, അന്സില്, ഗിരീഷ് പെരിഞ്ചീരി, മനോരഞ്ജന് എന്നിവര്ക്കു പുറമെ ഏതാനും പുതുമുഖങ്ങളും മദര് മേരിയില് അഭിനയിക്കുന്നു.
മദര് മേരി തിയേറ്ററുകളിലേക്ക്; വിജയ് ബാബവിന്റെ അമ്മയായി ലാലി പി എം!
ബാനര് - മഷ്റൂം വിഷ്വല് മീഡിയ, നിര്മ്മാണം - ഫര്ഹാദ്, അത്തിക്ക് റഹിമാന്, രചന, സംവിധാനം -എ ആര് വാടിക്കല്, ഛായാഗ്രഹണം -സുരേഷ് റെഡ് വണ്, എഡിറ്റിംഗ്- ജര്ഷാജ് കൊമ്മേരി, പശ്ചാത്തലസംഗീതം - സലാം വീരോളി, ഗാനങ്ങള് - ബാപ്പു വാവാട്, കെ ജെ മനോജ്, സംഗീതം - സന്തോഷ്കുമാര്, കല - ലാലു തൃക്കുളം, കോസ്റ്റ്യും - നൗഷാദ് മമ്മി ഒറ്റപ്പാലം, ചമയം - എയര്പോര്ട്ട് ബാബു, സ്പോട്ട് എഡിറ്റര്- ജയ്ഫാല്, അസ്സോസിയേറ്റ് ഡയര്ക്ടേഴ്സ് - എം രമേഷ്കുമാര്, സി ടി യൂസഫ്, പ്രൊഡക്ഷന് കണ്ട്രോളര് - ഷൗക്കത്ത് വണ്ടൂര്, വിതരണം - എഫ് എന് എന്റര്ടെയ്ന്മെന്റ്, സ്റ്റില്സ് - പ്രശാന്ത് കല്പ്പറ്റ, പിആര്ഓ - അജയ് തുണ്ടത്തില്
രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്, ഇന്ത്യ ഫില്മിബീറ്റ് പോലുള്ള ദേശീയ മാധ്യമങ്ങളില് പ്രവൃത്തിച്ചു. നവമാധ്യമ രംഗത്ത് പത്ത് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·