മദ്യപിച്ച് മദോന്മത്തനായി പൃഥ്വിരാജിനെ തെരുവില്‍ കാണേണ്ടി വരുമോ? ശ്രീകണ്ഠന്‍ നായരുടെ ചോദ്യത്തിന് പൃഥ്വി നല്‍കിയ മറുപടി

Authored byഅശ്വിനി പി | Samayam Malayalam | Updated: 9 Apr 2025, 5:59 pm

Samayam Malayalamപൃഥ്വിരാജ്

ഇന്ന് മലയാള സിനിമയില്‍ ഏറ്റവും ക്ലാരറ്റിയുള്ള നടന്‍ ഏതാണ് എന്ന് ചോദിച്ചാല്‍ ആദ്യത്തെ ഉത്തരം പൃഥ്വിരാജ് എന്ന് തന്നെയായിരിക്കും. പറയുന്ന വാക്കുകളിലും, ചെയ്യുന്ന പ്രവൃത്തിയിലും അത്രയധികം വ്യക്തതയും നിലപാടും ഉള്ള വ്യക്തിയാണ് പൃഥ്വിരാജ്. സിനിമയെ കുറിച്ചും അതിന്റെ സാങ്കേതികതയെ കുറിച്ചും ചോദിച്ചാല്‍ പൃഥ്വി ഒരു എന്‍സൈക്ലോപീഡിയയാണെന്ന് പറഞ്ഞവരും ഉണ്ട്.

അഭിമുഖങ്ങളില്‍ പൃഥ്വി പറയുന്ന കാര്യങ്ങള്‍ വൈറലാവാന്‍ കാരണം, ഒന്നും വായില്‍ തോന്നുന്നത് പോലെ വിളിച്ചു പറയുകയല്ല നടന്‍ ചെയ്യുന്നത്. എത്ര വര്‍ഷം കഴിഞ്ഞാലും പറഞ്ഞ വാക്കിന് മാറ്റമുണ്ടാവില്ല, ആ പ്രസ്താവനയ്ക്കും വ്യക്തതയ്ക്കും എക്കാലവും ഒരു ഫ്രഷ്‌നസ്സും ഉണ്ടാവും. എമ്പുരാന്‍ സിനിമ റിലീസ് ചെയ്ത സമയത്ത് ഏറ്റവും അധികം ചര്‍ച്ചയായത് വര്‍ഷങ്ങള്‍ക്ക് മുന്‍പ് പൃഥ്വി ആഗ്രഹിച്ചതും പറഞ്ഞതുമായ പല കാര്യങ്ങളും നേടിയെടുത്തു എന്ന തരത്തിലാണ്.

Also Read: എനിക്ക് അസൂയയാണ്, ഈ ജന്മത്തില്‍ ഇതൊന്നും എനിക്ക് പറ്റില്ല; മഞ്ജു വാര്യര്‍ക്ക് പിന്നാലെ ദിലീപും! ഒരേ വേദിയില്‍, ഒരേ കസേരയില്‍

അത്തരത്തിലിതാ വര്‍ഷങ്ങള്‍ക്ക് മുന്‍പ് ശ്രീകണ്ഠന്‍ നായര്‍ക്ക് നല്‍കിയ അഭിമുഖത്തില്‍ മദ്യപാനം എന്ന ശീലത്തെ താന്‍ എങ്ങനെ നിയന്ത്രിക്കുന്നു എന്നതിനെ കുറിച്ച് പൃഥ്വി പറഞ്ഞ കാര്യങ്ങള്‍ വീണ്ടും വൈറലാവുന്നു. പൃഥ്വിരാജ് എന്ന വ്യക്തിയെ മദ്യപിച്ച് മദോന്മത്തനായി തെരുവില്‍ ആളുകള്‍ കാണേണ്ടി വരുമോ എന്നായിരുന്നു ശ്രീകണ്ഠന്‍ നായരുടെ ചോദ്യം. അതിനൊരിക്കലും ഞാന്‍ ഇടവരുത്തില്ല എന്ന് പറഞ്ഞുകൊണ്ട് പൃഥ്വിരാജ് അത് എന്തുകണ്ടാണ് എന്ന് വ്യക്തമാക്കി.

മദ്യപിയ്ക്കുന്നതിന് ഒരളവ് വേണം. പൃഥ്വിരാജ് എന്ന വ്യക്തിയെ നിങ്ങള്‍ ഒരിക്കലും മദ്യപിച്ച് തിരിച്ചറിവില്ലാത്ത ഒരവസ്ഥയില്‍ ജീവിതത്തില്‍ കാണില്ല. അത് എന്ത് ദുഃഖത്തിലാണെങ്കിലും സന്തോഷത്തിലാണെങ്കിലും. കാര്യം എന്താണെന്ന് വച്ചാല്‍, ദേഷ്യം എന്ന വികാരത്തെ മാറ്റി നിര്‍ത്തിയാല്‍ എന്റെ ഏറ്റവും വലിയ സമ്പാദ്യം എന്റെ നിയന്ത്രണമാണ്. ദേഷ്യത്തില്‍ മാത്രമാണ് എനിക്ക് നിയന്ത്രണം ഇല്ലാത്തത്, അതുകൊണ്ട് എനിക്കിഷ്ടമില്ലാത്ത ഒരു വികാരവും ദേഷ്യമാണ്. മദ്യപിയ്ക്കുമ്പോള്‍ ഒരാളുടെ കണ്‍ട്രോള്‍ നഷ്ടപ്പെട്ടുപോകുന്നു, ഞാന്‍ മറ്റൊരാളുടെ മുന്നില്‍ ദുര്‍ബലനായ അവസ്ഥയില്‍ നില്‍ക്കില്ല. ഒരാളുടെ മുന്നില്‍ ഞാന്‍ അങ്ങനെ നിയന്ത്രണമില്ലാത്ത ഒരാളായി നില്‍ക്കുന്നത് എനിക്കിഷ്ടമില്ലാത്തതിനാല്‍ ഒരിക്കലും മദ്യപിച്ച് മദോന്‍മത്തനായി എന്നെ ഈ ജന്മത്തില്‍ ആരും കാണില്ല- പൃഥ്വിരാജ് പറഞ്ഞു