മനോജ് കെ. ജയൻ മുതൽ വിനീത് വരെ: 'ധീരൻ' - വെറുമൊരു സിനിമയല്ല, ഒരു തലമുറയുടെ ആഘോഷം എന്ന് ദേവദത്ത്

Authored by: നിമിഷ|Samayam Malayalam•2 Jul 2025, 2:00 pm

12 വര്‍ഷമായി സിനിമയെന്ന സ്വപ്‌നത്തിന് പിന്നാലെ സഞ്ചരിക്കുകയായിരുന്നു ദേവദത്ത് ഷാജി. ഇപ്പോഴിതാ ആ ആഗ്രഹം ധീരനിലൂടെ സാക്ഷാത്ക്കരിക്കുകയാണ്. ജൂലൈ നാലിനാണ് ചിത്രം തിയേറ്ററുകളിലേക്ക് എത്തുന്നത്. മാര്‍ക്കറ്റ് വാല്യൂ കൂടുതലുള്ള താരങ്ങളൊന്നും ചിത്രത്തില്‍ ഇല്ലല്ലോ എന്നുള്ള വിമര്‍ശനങ്ങള്‍ തുടക്കം മുതലേ ഉണ്ടായിരുന്നു. മനോജ് കെ ജയനും, വിനീതും, ജഗദീഷും, അശോകനും അടക്കമുള്ളവരുടെ റീയൂണിയന്‍ പ്രേക്ഷകര്‍ക്ക് ഇഷ്ടമാവുമെന്ന വിശ്വാസമാണ് തന്നെ നയിച്ചതെന്ന് ദേവദത്ത് പറയുന്നു. ഫേസ്ബുക്ക് പോസ്റ്റിലൂടെയായിരുന്നു അദ്ദേഹം 'ധീരനെ'ക്കുറിച്ച് വാചാലനായത്.

പന്ത്രണ്ട് വർഷങ്ങളാണ് സ്ക്രീനിലെന്ന പോലെ മുന്നിൽ തെളിയുന്നത്. 2013-ൽ ആദ്യത്തെ ഷോർട്ട് ഫിലിം ചെയ്യുമ്പോൾ ആഗ്രഹിച്ചത് എന്തായിരുന്നോ, അത് റിയാലിറ്റിയാവാൻ ഇനി മണിക്കൂറുകളേ ഉള്ളൂ. ഒരു കളങ്കവുമില്ലാതെ ആത്മാർത്ഥമായി ജീവിതത്തിൽ ചെയ്തിട്ടുള്ള ഒരേയൊരു കാര്യം സിനിമയാണ്. ക്രിഞ്ചെന്നോ, ക്ലീഷെയെന്നോ വിളിക്കാവുന്ന ഈ പോസ്റ്റിടുന്നത് പോലും ഇത്രയും കാലമെടുത്ത എഫർട്ട് ആളുകളിലേക്ക് എത്താൻ മാത്രമാണ്.

Also Read:സിന്ധു ലേബര്‍ റൂമില്‍! ഹെല്‍ത്ത് കാര്‍ഡിന് പകരം പ്രോഗ്രസ് കാര്‍ഡ് കൊടുത്ത കിച്ചു! ജനിച്ച് എട്ടാംനാള്‍ കുട വെച്ച് അടിയും കിട്ടി ഓസിക്ക്! മറക്കാനാവാത്ത ഓര്‍മ്മകള്‍

'ധീരനിൽ' മാർക്കറ്റ് വാല്യൂ ഉള്ള താരങ്ങളില്ല എന്ന അഭിപ്രായം നാലു ദിക്കിൽ നിന്നും കേൾക്കാറുണ്ട്. അപ്പോഴെല്ലാം എന്റെയും, ചിയേഴ്‌സ് എന്റർടൈൻമെന്റ്സിന്റെയും കോൺഫിഡൻസ് ഒരേയൊരു കാര്യത്തിലായിരുന്നു. പല തലമുറകളുടെ നായകന്മാർ. മനോജ്‌ കെ ജയൻ, വിനീത്, ജഗദീഷ്, അശോകൻ, സുധീഷ്. ഇവരുടെ റീ യൂണിയൻ കാണാൻ പ്രേക്ഷകരുണ്ടാവും എന്ന വിശ്വാസം. രാജേഷ് മാധവനും ശബരീഷ് വർമ്മയും സിദ്ധാർഥ് ഭരതനും, അഭിറാമും, അരുൺ ചെറുകാവിലും അശ്വതിയുമെല്ലാം ഇവരുടെയൊപ്പം മത്സരിച്ച് അഭിനയിച്ചപ്പോൾ, മുന്നേ പറഞ്ഞ റിയാലിറ്റിയ്ക്കിപ്പോൾ ഇരട്ടി മധുരമാണെന്ന് ദേവദത്ത് പറയുന്നു.


'ധീരൻ' ഞങ്ങളുടെ പരിശ്രമമാണ്, സന്തോഷമാണ്, സ്വപ്നമാണ്, വിയർപ്പാണ്. നല്ലതെങ്കിൽ നല്ലതെന്നും, മോശമെങ്കിൽ മോശമെന്നും പറയണം. പക്ഷെ ഇത് രണ്ടിനാണെങ്കിലും തീയറ്ററിൽ വന്ന് പടം കാണണമെന്ന് സ്നേഹത്തോടെ അഭ്യർത്ഥിക്കുന്നു. ജൂലൈ നാലിന് ധീരന് എത്തും എന്നുമായിരുന്നു കുറിപ്പ്. സിനിമ സ്വപ്‌നം കാണുന്നവര്‍ക്ക് മാതൃകയാണ് നിങ്ങള്‍. തിയേറ്ററില്‍ പോയി തന്നെ സിനിമ കാണും. സത്യസന്ധമായി തന്നെ അഭിപ്രായവും പറയും. ഇത് ഞങ്ങളുടെ കൂടെ സിനിമയാണ്. എല്ലാവിധ വിജയാശംസകളും നേരുന്നു, ധീരമായി തന്നെ മുന്നേറട്ടെ, തുടങ്ങി നിരവധി പേരാണ് പോസ്റ്റിന് താഴെയായി ദേവദത്തിന് ആശംസകള്‍ അറിയിച്ചെത്തിയത്.