മമ്മൂട്ടി പോകുന്നിടത്തെല്ലാം പിഷാരടിയും ഉണ്ടല്ലോ എന്ന് പറയുന്നവർ ഇത് കാണുക! പിറന്നാൾ സമ്മാനമായി ഇതിനപ്പുറം എന്തുവേണം?

Authored by: അശ്വിനി പി|Samayam Malayalam•10 Oct 2025, 10:59 am

മിമിക്രി വേദിയിൽ നിന്ന്, ടെലിവിഷൻ ഹാസ്യ ഷോകളിലൂടെ മലയാള സിനിമയിലും ടെലിവിഷൻ ലോകത്തും തന്റേതായ ഇടം കണ്ടെത്തിയ താരമാണ് രമേഷ് പിഷാരടി . നടൻ, സംവിധായകൻ, ഹാസ്യ താരം, പ്രാസംഗികൻ എന്നിങ്ങനെയുള്ള നിലകളിൽ എല്ലാം പിഷാരടി തന്റെ കരിയർ കെട്ടിപ്പടുത്തതാണ്. ആ യാത്രയിൽ നല്ല കുറേ സൗഹൃദങ്ങൾ ഉണ്ടാക്കിയെടുക്കാൻ പിഷാരടിയ്ക്ക് സാധിച്ചു എന്നതാണ് ഏറ്റവും വലിയ നേട്ടം.

മമ്മൂട്ടി , കുഞ്ചാക്കോ ബോബൻ, മഞ്ജു വാര്യർ എന്നിവരൊക്കെയാണ് പിഷാരടിയുടെ പുതിയ സുഹൃത്തുക്കൾ. പണ്ട് രമേഷ് പിഷാരടി - ധർമജൻ ബോൾഗാട്ടി എന്നായിരുന്നു എല്ലായിടത്തും കേട്ടിരുന്നത് ഒരിടയ്ക്ക് അത് മമ്മൂട്ടി- രമേഷ് പിഷാരടി എന്ന നിലയിലേക്ക് മാറിയിരുന്നു. മമ്മൂട്ടി പോകുന്നിടങ്ങളിലെല്ലാം രമേഷ് പിഷാരടിയും ഉണ്ടാവും, ക്ഷണിക്കാത്ത ചടങ്ങുകളിലും എത്തി എന്നൊക്കെ പറഞ്ഞ് പല ട്രോളുകളും വന്നു.

Also Read: അടുത്ത വീട്ടിലെ പയ്യൻ, ജീവിത പങ്കാളിയാവും എന്ന് എപ്പോൾ തീരുമാനിച്ചു: പ്രണയ കഥ വെളിപ്പെടുത്തി നദിയ മൊയ്തു

എന്നാൽ ട്രോളന്മാർക്കെല്ലാം ഒന്ന് അസൂയപ്പെടാം, രമേഷ് പിഷാരടി തനിക്ക് എത്രത്തോളം വേണ്ടപ്പെട്ടവനാണ് എന്ന് മമ്മൂട്ടി ഒരിടയ്ക്ക് പറഞ്ഞിട്ടുള്ളതാണ്. പിഷാരടിയും ഹാസ്യവും സംസാരവും എല്ലാം മമ്മൂക്കയ്ക്ക് ഇഷ്ടപ്പെട്ടതാണ്. ഇപ്പോഴിതാ പിഷാരടിയുടെ പിറന്നാളിന് കേക്ക് മുറിച്ച് വായിൽ വച്ചു കൊടുക്കുകയാണ് മമ്മൂട്ടി. ആ ചിത്രങ്ങൾ രമേഷ് പിഷാരടി തന്റെ സോഷ്യൽ മീഡിയയിൽ പങ്കുവച്ചു.

മമ്മൂട്ടി, കുഞ്ചാക്കോ ബോബൻ തുടങ്ങിയവർക്കൊപ്പം പിറന്നാൾ ആഘോഷിച്ച ചിത്രങ്ങളാണ് രമേഷ് പിഷാരടി പങ്കുവച്ചത്. അസുഖ ബാധിതനായി അഭിനയത്തിലേക്ക് തിരിച്ചുന്നതിന് ശേഷം മമ്മൂട്ടി വീണ്ടും ആക്ടീവാകുകയാണ്. അതിന്റെ ഭാഗമായുള്ള ഈ ഫോട്ടോ ആരാധകർക്കൊരു ആഘോഷവുമാണ്.

Also Read: ഒരിക്കൽ പ്രണയിച്ചവർ, വിവാഹ നിശ്ചയം കഴിഞ്ഞു, ബ്രേക്കപ് ആയി; 8 വർഷങ്ങൾക്ക് ശേഷം രശ്മികയും രക്ഷിത് ഷെട്ടിയും ഒരേ വേദിയിൽ!


ആയിരം വർണങ്ങൾ കൂടെ വന്നു... അഴകാർന്നോരാടകൾ നെയ്തു തന്നു... അമാടപെട്ടി തുറന്നു തന്നു.... ആകാശം പൂത്തു.. എന്ന പാട്ടിന്റെ വരികളാണ് പോസ്റ്റിനൊപ്പം രമേഷ് പിഷാരടി കൊടുത്തിരിയ്ക്കുന്നത്. രമേഷ് പിഷാരടിയ്ക്ക് പിറന്നാൾ ആശംസകൾ അറിയിച്ച് നിരവധി കമന്റുകളും പോസ്റ്റിന് താഴെ വരുന്നുണ്ട്.