മറ്റാരെക്കാളും ഞാൻ അവളെ സ്നേഹിച്ചിരുന്നു, കാരി ബ്രാഡ്ഷോ ഇനിയില്ല: ഇമോഷണലായി സാറ ജെസീക്ക പാർക്കർ

Authored by: അശ്വിനി പി|Samayam Malayalam•2 Aug 2025, 5:30 pm

സെക്സ് ആൻഡ് ദ സിറ്റി ഫ്രാഞ്ചൈസി അവസാനിക്കുകയാണ് എന്ന സൂചന അണിയറ പ്രവർത്തക‍‍ർ നൽകിയതിന് പിന്നാലെ ഇമോഷണൽ പോസ്റ്റുമായി സാറ ജെസീക്ക പാ‍ർക്കർ. സെക്സ് ആൻഡ് ദ സിറ്റി ഫ്രാഞ്ചൈസിയിലെ, ആൻഡ് ജസ്റ്റ് ലൈക്ക് ദാറ്റ് എന്ന സീരീസിന്റെ മൂന്നാം സീസൺ അവസാനത്തേതായിരിക്കുമെന്ന് അണിയറ പ്രവർത്തക‍ർ അറിയിച്ചിരുന്നു

സീരീസിലെ കാരി ബ്രാഡ്ഷോ എന്ന കഥാപാത്രം തനിക്ക് എത്രത്തോളം പ്രിയപ്പെട്ടതായിരുന്നു എന്നും, ഹൃദയത്തോടു ചേർന്നു നിൽക്കുന്നതാണ് എന്നും നായിക സാറ ജെസീക്ക പാർക്കർ ഇൻസ്റ്റഗ്രാമിൽ പോസ്റ്റ് ചെയ്ത നീണ്ട പോസ്റ്റിലൂടെ പങ്കുവയ്ക്കുകയായിരുന്നു.

Also Read: പർക്ക് ഗോ ഗമ്മിന് ബിടിഎസിൻറെ വി നൽകിയ സർപ്രൈസ്: താനൊരു ബെസ്റ്റ് ഫ്രണ്ട് ആണ് എന്ന് വീണ്ടും തെളിയിച്ചിരിയ്ക്കുന്നു

കഴിഞ്ഞ 27 വർഷമായി എന്റെ അഭിനയ ജീവിതത്തിലെ ഒരു പ്രധാന ഭാഗമാണ് കാരി ബ്രാഡ്ഷോ. മറ്റാരെക്കാളും ഞാൻ അവളെ സ്നേഹിച്ചു. എന്നെ പോലെ തന്നെ സീരീസ് കണ്ട പ്രേക്ഷകരും അവളെ സ്നേഹിച്ചിരുന്നു എന്ന് എനിക്കറിയാം. ചിലപ്പോഴൊക്കെ കാരി ബ്രാഡ്ഷോയോട് പ്രേക്ഷകർക്ക് ദേഷ്യവും വെറുപ്പുമൊക്കെ തോന്നിയിരിക്കാമെങ്കിലും അവളോടൊപ്പം അവരുണ്ടായിരുന്നു.

Also Read: മരണം മുന്നിൽ കണ്ടാണോ രഹ്നയെ കൊണ്ടുവന്നത്! അയ്യോ എന്റെ മോൾ ഇതെങ്ങനെ സഹിക്കുമെന്ന പ്രിയങ്കയുടെ വാക്കുകളും

കാരി ബ്രാഡ്ഷോയെ സ്നേഹിച്ചവരോട് എന്നും, ഒരു ജീവിതകാലം മുഴുവൻ നീണ്ട നന്ദിയും കടപ്പാടുമുണ്ട് എന്ന് സാറ ജെസീക്ക പാർക്കർ.

ആഡ് ജസ്റ്റ് ലൈക്ക് ദാറ്റിലെ അഭിനയാനുഭവത്തെ കുറിച്ചും നടി സംസാരിക്കുന്നുണ്ട്. വളരെ സന്തോഷത്തോടെ പൂർത്തിയാക്കിയ സീരീസ് ആണ്. ഏറ്റവും മികച്ച അഭിനേതാക്കൾക്കൊപ്പം പ്രവൃത്തിക്കാൻ കഴിഞ്ഞതിലും വളരെ അധികം സന്തോഷമുണ്ട്- സാറ ജെസീക്ക പാർക്കർ പറഞ്ഞു.



നായിക മാത്രമല്ല, നായക നടൻ ക്രിസ്റ്റിൻ ഡേവിസും ഇമോഷണൽ പോസ്റ്റുമായി സോഷ്യൽ മീഡിയയിൽ എത്തിയിരുന്നു. സീരീസ് അവസാനിക്കുന്നതിൽ വളരെ അധികം വിഷമത്തിലാണ് ഞാൻ. ഞങ്ങളുടെ ടീമിലെ എല്ലാം സഹതാരങ്ങളെയും അണിയ പ്രവർത്തകരെയും ഞാൻ സ്നേഹിക്കുന്നു. 400 ഓളം കാലകാരന്മാർ അത്രയേറെ സ്നേഹത്തോടെയാണ് ഷോ പൂർത്തിയാക്കിയത്. വശ്വസ്തരായ ആരാധകർക്കും, നങ്ങളുടെ സ്നേഹത്തിനും നന്ദി- ഡേവിസ് കുറിച്ചു.