മറ്റുള്ളവർ ചെയ്യുന്ന തെറ്റിന് ലാലേട്ടൻ പഴികേൾക്കേണ്ടി വരുന്നു! പെൺകരുത്ത് തെളിയിക്കാൻ ശ്വേത; ജഗദീഷും ബാബുരാജും നേർക്കുനേർ

Authored by: ഋതു നായർ|Samayam Malayalam•24 Jul 2025, 2:27 pm

മലയാള സിനിമാ സംഘടനയായ അമ്മ ( AMMA )യുടെ നേതൃത്വവുമായി ബന്ധപ്പെട്ട നിർണായക തീരുമാനങ്ങൾ ആണ് ഇപ്പോൾ പുറത്തുവരുന്നത്. സൂപ്പർസ്റ്റാർ മോഹൻലാൽ, തിരഞ്ഞെടുപ്പ് നടന്നാൽ വീണ്ടും ആ സ്ഥാനം ഏറ്റെടുക്കില്ലെന്ന് വ്യക്തമാക്കിയതോടെയാണ് ഇത്തവണത്തെ മത്സരത്തിന് പ്രസിഡന്റ് സ്ഥാനത്തേക്ക് മത്സരിക്കാൻ ജഗദീഷും രവീന്ദ്രനും ശ്വേതാ മേനോനും മത്സരത്തിന് തയ്യാറെടുക്കുന്നത് . അതേസമയം, നടൻ ഉണ്ണി മുകുന്ദൻ ട്രഷറർ സ്ഥാനത്ത് നിന്ന് ഔദ്യോഗികമായി പിന്മാറിയിരുന്നു, സംഘടനയ്ക്കുള്ളിലെ ഏതെങ്കിലും ഔദ്യോഗിക സ്ഥാനത്ത് തുടരുന്നതിൽ താൽപ്പര്യമില്ലെന്ന് വീണ്ടും വ്യക്തമാക്കിയതോടെയാണ് 24 ന് മത്സരം സംബന്ധിച്ച അന്തിമതീരുമാനം വരും എന്ന് ബോധ്യം ആകുന്നത്.

ഇത്തവണത്തെ മത്സരത്തിൽ ജഗദീഷും നടൻ രവീന്ദ്രനും ബാബുരാജ് എന്നിവർക്ക് ഒപ്പം നടി ശ്വേതാ മേനോനും പത്രിക സമർപ്പിച്ചു കഴിഞ്ഞു. മറ്റുള്ളവർ ചെയ്ത തെറ്റിന് പഴി കേൾക്കേണ്ടി വന്ന ആളാണ് ലാലേട്ടൻ അതുകൊണ്ടാണ് ഇത്തവണ മത്സരത്തിന് പങ്കെടുക്കാൻ എത്താത്തത് എന്നും രവീന്ദ്രൻ മാധ്യമങ്ങളോട് പ്രതികരിച്ചു.

ALSO READ: വിവാഹം കഴിഞ്ഞിട്ട് രണ്ടുവർഷം! കാത്തിരിക്കുന്ന പുത്തൻ സന്തോഷം റിലീസ് ആകാൻ ദിവസങ്ങൾമെയ് 31 ന് കമ്മിറ്റി അവസാനമായി യോഗം ചേർന്നിരുന്നു, തലപ്പത്ത് മോഹൻലാൽ തുടരണമെന്ന് അംഗങ്ങൾ കൂട്ടായ ആഗ്രഹം പ്രകടിപ്പിച്ചു എങ്കിലും , അന്തിമ തീരുമാനം ജനറൽ ബോഡിയുടെ കൈയിലായിരുന്നു, ലാലേട്ടൻ മത്സരിക്കാൻ ഉണ്ടാകില്ല എന്ന് വ്യക്തമായതോടെ ആണ് തലപ്പത്തേക്ക് ജഗദീഷ് മത്സരത്തിന് എത്തിയത് .

നടൻ ബാബു രാജിനെ പുതിയ ജനറൽ സെക്രട്ടറിയായി നിയമിക്കുന്നതും ചർച്ച ചെയ്തിരുന്നു , ഈ അടിസ്ഥാനത്തിൽ ആണ് നാമനിർദ്ദേശപട്ടിക അദ്ദേഹം സമർപ്പിച്ചത് . സംഘടനാ സ്ഥാനങ്ങൾ വഹിക്കുന്നതിൽ താൽപ്പര്യമില്ലെന്ന് ചൂണ്ടിക്കാട്ടി ഉണ്ണി മുകുന്ദൻ ട്രഷറർ സ്ഥാനത്ത് നിന്ന് പിന്മാറാൻ നേരത്തെ തീരുമാനിച്ചിരുന്നു അതോടെ അസോസിയേഷൻ തിരഞ്ഞെടുക്കുന്ന പുതിയ അംഗത്തിന് ഈ സ്ഥാനം കൈമാറുന്നത്. ഉണ്ണി മുകുന്ദൻ ഇതേക്കുറിച്ച് സോഷ്യൽ മീഡിയയിൽ ഒരു കുറിപ്പ് പങ്കുവെച്ചിരുന്നു, അതേസമയം ഇന്ന് വൈകുന്നേരത്തോടെയാണ് അന്തിമ പട്ടിക പുറത്തുവരുന്നത്.

ആരോപണവിധേയരും മത്സരിക്കാൻ എത്തുന്നതിലെ അഭിപ്രായം അൻസിബയും പങ്കുവച്ചു. ആരോപണവിധേയരായ മന്ത്രിമാർ ഭരണപക്ഷത്തിൽ തുടരുന്നില്ലേ പിന്നെ എന്താണ് അമ്മയിലെ അംഗങ്ങൾ മത്സരിക്കുന്നതിൽ തെറ്റ് എന്നാണ് അൻസിബ ചോദിച്ചത്.