മാലി ദ്വീപിൽ ഹണിമൂൺ ആഘോഷിക്കാൻ പോകുന്നവരോട് റെബയ്ക്ക് പറയാനുള്ളത് ഇത് മാത്രം !

മാലി ദ്വീപിൽ ഹണിമൂൺ ആഘോഷത്തിനിടെ പകർത്തിയ ചിത്രങ്ങൾ പങ്കുവയ്ക്കുകയാണ് ഇരുവരുമിപ്പോൾ. 'ബീച്ച് ലൈഫ്' എന്ന ക്യാപ്ഷനോടെയാണ് ചിത്രം പങ്കുവച്ചിരിക്കുന്നത്. ശ്രീലങ്കയിലെ ഹണിമൂൺ ആഘോഷങ്ങൾക്ക് ശേഷമാണ് റെബയും ജോയ്മോനും മാലി ദ്വീപിലെത്തിയത്. ഹണിമൂൺ സമയത്ത് നിരവധി വീഡിയോകളും ചിത്രങ്ങളും റെബ സോഷ്യൽ മീഡിയയിൽ പങ്കുവച്ചിരുന്നു. 'അഞ്ച് ദിവസം എങ്ങനെ കടന്നു പോയി എന്ന് പറയാനാകില്ലെന്നും, ഈ യാത്ര ഒരിക്കലും മറക്കാനാകില്ലെന്നും' ഇരുവരും സോഷ്യൽ മീഡിയയിൽ കുറിച്ചു.

ഹണിമൂൺ ആഘോഷിക്കാൻ മാലി ദ്വീപിൽ പോകാൻ ആഗ്രഹിക്കുന്നവർക്കുള്ള നിർദേശങ്ങളും റെബ പങ്കുവയ്ക്കുന്നുണ്ട്. മാലി ദ്വീപിൽ പോകാൻ ആഗ്രഹിക്കുന്നവർ പാർക്ക് ഹയാത്ത് മാൽദീവ്സ് ഹദാഹ എന്ന ഹോട്ടൽ തെരഞ്ഞെടുക്കണമെന്നാണ് ഇരുവരും പറയുന്നത്. ദ്വീപിന്റെ മുഴുവൻ കാഴ്ചകളും കാണാൻ പറ്റുന്ന സൗകര്യമാണിവിടെ ഒരുക്കിയിരിക്കുന്നത്. സെലിബ്രിറ്റികളുടെ പ്രിയപ്പെട്ട വിനോദസഞ്ചാര കേന്ദ്രങ്ങളിൽ ഒന്നു കൂടിയാണ് മാലി ദ്വീപ്.

കഴി‍ഞ്ഞ വർഷം റെബയുടെ ജന്മദിനത്തിലാണ് ജോയ്മോൻ തന്റെ പ്രണയം റെബയേ അറിയിച്ചത്. ഒരു വർഷത്തിനിപ്പുറം ഇവർ വിവാഹിതരാവുകയും ചെയ്തു. ദുബായ് സ്വദേശിയായ ജോയ്മോൻ ആണ് റെബയേ പ്രൊപ്പോസ് ചെയ്ത വിവരം ആദ്യം സോഷ്യൽ മീഡിയയിലൂടെ അറിയിച്ചത്. അങ്ങനെ ഞങ്ങൾ യെസ് പറഞ്ഞു. ആറ് മാസത്തിന് ശേഷമാണ് ദുബായിൽ വച്ച് ഞങ്ങൾ വീണ്ടും കാണുന്നത്. ഒരു രാത്രിയിൽ രണ്ടു പേരും ഒരുപോലെ പ്രപ്പോസ് ചെയ്യാനുള്ള സാധ്യത എത്രത്തോളമായിരിക്കും എന്നായിരുന്നു ജോയ്മോൻ ചിത്രങ്ങൾ പങ്കുവച്ച് കുറിച്ചത്.

'ജേക്കബിന്റെ സ്വർഗ രാജ്യം' എന്ന ചിത്രത്തിലൂടെ നിവിൻ പോളിയുടെ നായികയായിട്ടായിരുന്നു റെബയുടെ സിനിമ അരങ്ങേറ്റം. പിന്നീട് 'പൈപ്പിൻ ചുവട്ടിലെ പ്രണയം', 'മിഖായേൽ', 'ഫോറൻസിക്' എന്നീ ചിത്രങ്ങളിലും റെബ അഭിനയിച്ചു. വിജയ് ചിത്രം 'ബിഗിലി'ലൂടെ റെബ തമിഴിലും അരങ്ങേറ്റം കുറിച്ചു. 'ബിഗിലി'ലെ അനിതയെന്ന കഥാപാത്രം തമിഴിലും റെബയ്ക്ക് ആരാധകരെ നേടിക്കൊടുത്തു. വിഷ്ണു വിശാൽ നായകനായെത്തിയ 'എഫ്ഐആർ' ആയിരുന്നു റെബയുടെ ഏറ്റവും ഒടുവിൽ പുറത്തിറങ്ങിയ ചിത്രം. മനു ആനന്ദ് സംവിധാനം ചെയ്ത ചിത്രത്തിൽ ഗൗതം വാസുദേവ മേനോൻ, മഞ്ജിമ മോഹൻ എന്നിവരും പ്രധാന വേഷത്തിലെത്തിയിരുന്നു.