മാളവിക നാട്ടിലെത്തിയിരുന്നു! താരിണി മരുമകളല്ല മകളായിട്ടാണ് വന്നതെന്ന് പാർവതിയും; ജയറാം വീട്ടിലെ വിശേഷങ്ങൾ

Authored by: ഋതു നായർ|Samayam Malayalam•18 Aug 2025, 11:55 am

സോഷ്യൽ മീഡിയയിൽ ഏറെ വൈറൽ ആയ വിവാഹ വീഡിയോസ് ആയിരുന്നു ജയറാമിന്റെ മക്കളുടേത്. മാളവിക യുടേത് ആയിരുന്നു ആദ്യം നടന്ന വിവാഹം. പാലക്കാട് സ്വദേശി ആണ് മാളവികയുടെ ഭർത്താവ് എങ്കിലും ലണ്ടനിൽ സെറ്റിൽഡ് ആണ് അദ്ദേഹം. നവനീത് ഗിരീഷ് ആണ് മാളവികയുടെ ഭർത്താവ്. ലണ്ടനിൽ ഉയർന്ന ഉദ്യോഗത്തിൽ ജോലി നോക്കുന്ന നവനീത് അച്ഛനും അമ്മയ്ക്കും ഏകമകൻ ആണ്.

ഏറെ നാളായി കാത്തിരുന്നാണ് വിവാഹത്തിലേക്ക് എത്തിയതെന്ന് ഒരിക്കൽ കുടുംബം പറഞ്ഞിരുന്നു. കണ്ണന്റെ മുൻപിൽ കണ്ണന്റെ രാധയെപോലെ ഒരാളെ ഞങ്ങളുടെ മകന് വേണം എന്ന് പറയുമായിരുന്നു. കണ്ണന് രുഗ്മിണി എന്ന പോലെ നവനീതിന് തുണയായി മാളവികയും എത്തി. ഞങ്ങൾക്ക് അവൾ മുത്താണ് എന്നായിരുന്നു നവനീതിന്റെ 'അമ്മ തുറന്നു പറഞ്ഞത്. കുടുംബത്തിൽ എല്ലാവരെയും സ്നേഹിക്കാൻ ഉള്ള മനസ്സ്, എന്ത് കാര്യത്തെയും ക്ഷമയോടെ നോക്കി കാണാനുള്ള മാളവികയുടെ രീതികൾ ഒക്കെയാണ് നവനീതിന്റെ കുടുംബത്തെ ആകർഷിക്കുന്നത്. അതേസമയം തന്റെ വീട്ടിലേക്ക് വലതുകാൽ വച്ച് നടന്നു കയറിയ താരിണി തങ്ങൾക്ക് മരുമകൾ അല്ല മകൾ എന്നാണ് പാർവതിക്ക് പറയാൻ ഉള്ളത്. കണ്ണന്റെ പെണ്ണ് ആണെങ്കിലും ഞങ്ങൾക്ക് അവൾ മകൾ ആണ്. ചക്കി ഇല്ലാത്ത മിസ്സിംഗ് ഒക്കെയും അവൾ മാറ്റുന്നുണ്ട് എന്നും അടുത്തിടെ പാർവതി പറഞ്ഞിരുന്നു.

ഏറെ ചർച്ച ചെയ്യപ്പെട്ട ഒരു വിവാഹം ആയിരുന്നു മാളവികയുടെയും കാളിദാസിന്റെയും. മാളവികക്ക് പ്രണയ വിവാഹം ആയിരുന്നില്ല എങ്കിൽ കാളിദാസിന് വർഷങ്ങൾ നീണ്ട പ്രണയം ആയിരുന്നു. മകന്റെ ഇഷ്ടത്തിന് ഒപ്പം നിന്നു ജയറാമും പാർവ്വതിയും. അതേസമയം ഈ അടുത്താണ് കുടുംബസമേതനായി ജയറാം തിരുപ്പതി ദർശനത്തിനു എത്തിയത്. നവനീത് എത്തിയിരുന്നില്ലെങ്കിലും നാട്ടിൽ മാളവിക ഉണ്ടെന്ന് ചിത്രങ്ങൾ വൈറൽ ആയതോടെ ആരാധകർ കണ്ടെത്തി.

ALSO READ: അമ്മയല്ല ചേച്ചിയമ്മ! കാവ്യക്ക് ഇറങ്ങാൻ പറ്റാത്തപ്പോൾ മീനാക്ഷി അല്ലാതെ ആരിറങ്ങും; വൈറൽ ചിത്രങ്ങളും ചർച്ചകളുംഅത്യന്തം ആർഭാടത്തോടെ നടന്ന വിവാഹത്തിന്റെ ദൃശ്യങ്ങൾ ഇപ്പോഴും ഇടയ്ക്കിടെ സോഷ്യൽ മീഡിയയിൽ എത്താറുണ്ട്. ജയറാമിന്റെയും പാർവതിയുടെയും വിവാഹത്തിന് എത്തിയ ആൾകൂട്ടം പോലെ മക്കളുടെ വിവാഹം കാണാനും നിറയെ തിരക്ക് ആണ് ഗുരുവായൂരിൽ എത്തിയത്.