മാർക്കോക്ക് ശേഷം പാൻ ഇന്ത്യൻ പ്രൊജക്ടുമായി ഉണ്ണി മുകുന്ദൻ; സംവിധാന അരങ്ങേറ്റത്തിൽ കരിയറിലെ അമ്പതാമത്തെ ചിത്രം

2 months ago 5
ഒറ്റക്ക് വഴി വെട്ടി വന്നവനെന്നു മലയാളികൾ പലപ്പോഴും വിശഷിപ്പിക്കാറുള്ള നടൻ ഉണ്ണി മുകുന്ദൻ തന്റെ അമ്പതാമത്തെ ചിത്രം പ്രഖ്യാപിച്ചിരിക്കുകയാണ് . നടനായും നിർമ്മാതാവായും തിളങ്ങിയ ഉണ്ണി , സംവിധായകനായി തുടക്കം കുറിക്കുന്നുവെന്ന വലിയ പ്രത്യേകതയും ഇതിനുണ്ട് . മാർക്കോക്ക് ശേഷം ആദ്യമായാണ് പാൻ ഇന്ത്യൻ പ്രൊജക്ടുമായി ഉണ്ണി മുകുന്ദൻ എത്തുന്നത് . ഹൈ - വോൾടേജ് ആക്ഷൻ പശ്ചാത്തലത്തിലൊരുങ്ങുന്ന സിനിമയുടെ രചനയും ഉണ്ണി തന്നെയാണ് നിർവ്വഹിക്കുന്നത്.

പനോരമ സ്റ്റുഡിയോസ് , ഉണ്ണി മുകുന്ദൻ ഫിലിംസ് എന്നീ ബാനറുകളിൽ കുമാർ മംഗത് പഥക് ,അഭിഷേക് പഥക് , ഉണ്ണി മുകുന്ദൻ എന്നിവർ ചേർന്നാണ് ചിത്രം നിർമ്മിക്കുന്നത് . ദേശീയ പുരസ്‌കാര പട്ടികയിൽ ഇടം നേടിയ മേപ്പടിയാൻ മുതൽ ,100 കോടി ക്ലബ്ബിൽ കയറി ബോക്സ് ഓഫീസ് തകർത്ത മാർക്കോ വരെ നീളുന്ന സിനിമകൾ നിർമ്മിച്ച ഉണ്ണി മുകുന്ദൻ ഫിലിംസ് , ദേശീയ തലത്തിൽ ബിഗ് ബജറ്റ് സിനിമകൾ നിർമ്മിക്കുന്ന പനോരമ സ്റ്റുഡിയോസുമായി പങ്ക് ചേരുമ്പോൾ നിർണ്ണായക വഴിത്തിരിവുകൾ ഉണ്ടാവുമെന്നാണ് കണക്ക് കൂട്ടലുകൾ .

Samayam Malayalam50 കോടിയിലേറെ വിലവരുന്ന ചെക്കുകൾ തട്ടിയെടുത്തു: സഹോദരി അംബികയ്ക്കും സഹോദരൻ അർജുനുമെതിരെ നടി രാധയുടെ പരാതി
വിവിധ തെന്നിന്ത്യൻ ഭാഷകളിൽ സാന്നിധ്യം അറിയിച്ച ഉണ്ണി മുകുന്ദൻ മാർക്കോയിലൂടെയാണ് തന്റെ പാൻ ഇന്ത്യൻ താര പരിവേഷം ചടുലമായി ഉറപ്പിക്കുന്നത് . നടനിൽ നിന്നും , നിർമ്മാതാവിൽ നിന്നും സംവിധായകനിലേക്കെത്തുമ്പോൾ കരിയറിലെ വിജയ തേരോട്ടത്തിന്റെ പതിനഞ്ചു വർഷങ്ങളാണ് മിന്നിമായുന്നത് .


പാൻ ഇന്ത്യൻ താരമായ ഉണ്ണിമുകുന്ദനൊപ്പവും അദ്ദേഹത്തിന്റെ നിമ്മാണകമ്പനിയുമായും സഹകരിക്കുന്നതിൽ സന്തോഷമുണ്ടെന്നാണ് പനോരമ സ്റ്റുഡിയോസ് ചെയർമാൻ കുമാർ മംഗത് പഥക് പറഞ്ഞത് . ഉണ്ണിമുകുന്ദന്റെ സംവിധാനാരങ്ങേറ്റത്തിൽ പുറത്തു വരുന്ന അമ്പതാമത്തെ ചിത്രത്തിന്റെ ഭാഗമാകാൻ കഴിയുന്നതിൽ സന്തോഷമുണ്ടെന്നാണ് പനോരമ സ്റ്റുഡിയോസ് മാനേജിംഗ് ഡയറക്ടർ അഭിഷേക് പഥക് പറഞ്ഞത് . സിനിമയുടെ പ്രാംരംഭ ചർച്ചകളിൽ തന്നെ ഉണ്ണിമുകുന്ദനുമായി ക്രിയേറ്റീവ് ആയ കണക്ഷൻ വന്നിരുന്നെന്നെന്നും ആ ക്രിയേറ്റിവിറ്റിയിൽ വിശ്വസിക്കുന്നുവെന്നും ഇരുവരും സൂചിപ്പിച്ചു .

അതേ സമയം സ്വന്തം ശൈലിയിൽ കഥ പറയണമെന്നത് തന്റെ ഏറ്റവും വലിയ ആഗ്രഹമാണെന്നാണ് ഉണ്ണി മുകുന്ദൻ തന്റെ ആദ്യ സംവിധാന സംരംഭത്തിൽ പറഞ്ഞത് . ദേശ - ഭാഷാതിർത്തികൾക്കപ്പുറത്തേക്ക് ചിത്രം പ്രേക്ഷകർ സ്വീകരിക്കുമെന്ന് പ്രതീക്ഷിക്കുന്നതായും ഉണ്ണി പറഞ്ഞു . ചിത്രത്തിന്റെ പേര് , കാസ്റ്റിംഗ് സംബന്ധിച്ച കൂടുതൽ വിവരങ്ങൾ അണിയറ പ്രവർത്തകർ ഇപ്പോൾ പുറത്തു വിട്ടിട്ടില്ല .
Read Entire Article