മിൻ ഹീൻ-ജിൻ ഒരു തെറ്റും ചെയ്തിട്ടില്ല എന്ന് തെളിഞ്ഞു, ഏജൻസിയുടെ ആരോപണം വ്യാജം; സത്യം എപ്പോഴും വിജയിക്കും എന്ന് ആരാധകർ

Authored by: അശ്വിനി പി|Samayam Malayalam•16 Jul 2025, 1:28 pm

ദക്ഷിണ കൊറിയൻ മ്യൂസിക് പ്രൊഡ്യൂസറും കലാ സംവിധായികയും ഗ്രാഫിക്സ് ഡിസൈനറുമാണ് മിൻ ഹീ ജിൻ. എന്റർടൈൻമെന്റ് കമ്പനിയായ ഹൈബ് കോർപറേഷന്റെ ADOR ന്റെ മുൻ സിഇഒയും കെ-പോപ്പ് ഗേൾ ഗ്രൂപ്പായ ന്യൂജീൻസിൻ്റെ മുൻ എക്സിക്യൂട്ടീവ് പ്രൊഡ്യൂസറുമായ മിൻ ഹീ ജീൻ കഴിഞ്ഞ ഒരു വർഷത്തോളമായി തനിക്കെതിരെ ഉയർന്ന കമ്പനി ആരോപണത്തെ നിയമപരമായി നേരിട്ടുകൊണ്ടിരിയ്ക്കുകയായിരുന്നു. അവസാനം കേസിൽ മിനിന്റെ നിരപരാധിത്വം തെളിഞ്ഞു

ADOR ന്റെ സിഇഒ ആയിരുന്ന സമയത്ത് മിൻ ഹീ ജീൻ വിശ്വാസ വഞ്ചന കാണിച്ചു എന്നായിരുന്നു കേസ്. സിഇഒ എന്ന നിലയിലുള്ള ഉത്തരവാദിത്വം നിറവേറ്റുന്ന കാര്യത്തിൽ പരാജയപ്പെട്ടു എന്നും, ADOR ന്റെ നിയന്ത്രണം കൈക്കലാക്കാൻ ശ്രമിച്ചു എന്നും, കമ്പനിയുടെ ഓഹരി ഉടമകളുടെ താൽപ്പര്യങ്ങൾക്ക് മുകളിൽ വ്യക്തിപരമായ താൽപ്പര്യങ്ങൾക്ക് മുൻഗണന നൽകിയെന്നുമൊക്കെയായിരുന്നു മിിൻ ഹീ ജീനിന് എതിരെ ഉയർന്ന ആരോപണം.

Also Read: 23 വർഷത്തെ ദാമ്പത്യം! ദിലീപിന്റെയും കുഞ്ചാക്കോ ബോബന്റെയുമൊക്കെ ഹിറ്റ് നായിക ഇന്ന് മൂന്ന് മക്കളുടെ അമ്മ, ഹാപ്പി ലൈഫ്

ഒരു വർഷത്തോളമായി കേസിൽ പൊലീസ് അന്വേഷണം തുടർന്നുവരികയായിരുന്നു. ഒരു വർഷത്തെ വിശദമായ അന്വേഷണത്തിന് ശേഷം ക്രിമിനൽ കുറ്റങ്ങളൊന്നും നടന്നിട്ടില്ല എന്ന് തെളിയുകയും ഏജൻസി നൽകിയ പരാതി തള്ളിക്കളയുകയും ചെയ്തു. ഇത്രയും കാലം നേരിട്ട മാനസികമായ സമ്മർദ്ദങ്ങൾക്കും കുറ്റപ്പെടുത്തലുകൾക്കുമെല്ലാം ഒടുവിൽ ഇപ്പോൾ മിൻ ഹീ ജീൻ പങ്കുവച്ച സോഷ്യൽ മീഡിയ പോസ്റ്റ് സോഷ്യൽ മീഡിയയിൽ വൈറലാവുന്നു

വിധി വന്നതിന് ശേഷം മിൻ ഹീ ജീൻ പരസ്യമായി എവിടെയും വിഷയത്തെ കുറിച്ച് പ്രതികരിച്ചിരുന്നില്ല. അതേ സമയം ഇൻസ്റ്റഗ്രാമിൽ ഒരു പോസ്റ്റ് പങ്കുവയ്ക്കുകയുണ്ടായി. ദി ഫ്രാങ്ക് കുനിമോണ്ടോ ട്രിയോ'യുടെ 'ബിയോണ്ട് ദി ക്ലൗഡ്‌സ്' എന്ന പാട്ടിനൊപ്പമായിരുന്നു പോസ്റ്റ്. ഇത് ഇത്ര കാലം അനുഭവിച്ചതിനെ കുറിച്ചും, തന്നെ കുറ്റപ്പെടുത്തിയവർക്കുമുള്ള മറുപടിയാണ് എന്ന് ആരാധകർ അനുമാനിക്കുന്നു


ബിയോണ്ട് ദ ക്ലൗഡിന്റെ വരികൾ - മേഘങ്ങൾക്കപ്പുറം നിങ്ങൾ കാണുന്നു.. സന്തോഷത്തോടെ ജീവിക്കുന്നു.. ആരും നിങ്ങളെ അധികകാലം പിടിച്ചു നിർത്തില്ല.. നിങ്ങളുടെ ലോകം എപ്പോഴും ശോഭയും സ്വാതന്ത്ര്യവും ഉള്ളതാണ്- എന്നാണ്. ഇത് ജീവിതത്തിലെ കാർമേഘങ്ങൾ മാഞ്ഞു, തനിക്കെതിരെയുള്ള ആരോപണങ്ങൾ തെളിഞ്ഞു എന്നൊക്കെയുള്ളതിന്റെ സൂചനയാണ് ഈ വരികൾ എന്നാണ് കമന്റുകൾ വരുന്നത്. ആരോപണങ്ങളെ എല്ലാം നേരിട്ടിട്ടും പതറാതെ നിന്ന മിനിനെ പ്രശംസിക്കുന്നവരും, അഭിനന്ദിക്കുന്നവരുമാണ് കമന്റിൽ. നിങ്ങൾ ശരിക്കും ധീരയായ സ്ത്രീയാണ്, സത്യം എപ്പോഴും വിജയിക്കും എന്ന് കമന്റുകൾ പറയുന്നു