മീര ജാസ്മിനെ കുറിച്ച് പലതും കേട്ടിട്ടുണ്ട്, അഡ്ജസ്റ്റ് ചെയ്യാൻ പാടാണെന്നും അറിഞ്ഞു; പക്ഷേ കേട്ടതൊന്നുമല്ല സത്യം എന്ന് മഞ്ജു പത്രോസ്

Authored by: അശ്വിനി പി|Samayam Malayalam•22 Aug 2025, 6:40 pm

വിവാഹത്തിന് ശേഷം ഇന്റസ്ട്രിയിൽ നിന്ന് പൂർണമായും അകന്ന് കഴിയുകയായിരുന്ന മീര ജാസ്മിൻ ഇപ്പോഴാണ് സോഷ്യൽ മീഡിയയിലേക്കും സിനിമയിലേക്കും എല്ലാം തിരിച്ചുവന്നത്. അത്രയധികം സജീവമല്ല എങ്കിലും മീര തന്റെ വിശേഷങ്ങൾ എല്ലാം സോഷ്യൽ മീഡിയയിൽ പങ്കുവയ്ക്കാറുണ്ട്. സെലക്ടീവായി സിനിമകളും ചെയ്യുന്നു. ക്യൂൻ എലിസബത്ത് എന്ന ചിത്രത്തിലാണ് മീര ഏറ്റവുമൊടുവിൽ അഭിനയിച്ചത്. ആ സിനിമയിൽ മീരയ്ക്കൊപ്പം മഞ്ജു പത്രോസും ഉണ്ടായിരുന്നു

മീരയ്ക്കൊപ്പമുള്ള അഭിനായനുഭവത്തെ കുറിച്ച് ഒരു അഭിമുഖത്തിൽ സംസാരിക്കവെ മഞ്ജു പത്രോസ് വാചലയായി. മീര ഏറ്റവുമൊടുവിൽ അഭിനയിച്ച ചിത്രത്തിൽ എന്നതല്ല, മഞ്ജു പത്രോസ് ആദ്യമായി അഭിനയിച്ചത് മീരയുടെ ചിത്രത്തിലാണ്. മീര ജാസ്മിനും പൃഥ്വിരാജും കേന്ദ്ര കഥാപാത്രങ്ങളായി എത്തിയ, 2003 ൽ പുറത്തിറങ്ങിയ ചക്രം എന്ന ചിത്രത്തിൽ മഞ്ജു പത്രോസ് ഒരു ചെറിയ വേഷം ചെയ്തിരുന്നു

Also Read: 33 വർഷങ്ങൾ ഒന്നിച്ച് ജീവിച്ചു, പക്ഷേ ആ പ്രണയ കഥ ഇപ്പോഴാണ് ഞാൻ അറിയുന്നത് എന്ന് പാർവ്വതി; പഴയ പ്രണയത്തെ കുറിച്ച് ജയറാം

ക്യൂൻ എലിസബത്തിന്റെ ചിത്രത്തിന്റെ ഷൂട്ടിങ് സെറ്റിൽ എത്തിയപ്പോൾ അക്കാര്യം മഞ്ജു മീരയെ ഓർമപ്പെടുത്തി. നമ്മളൾ നേരത്തെ ഒന്നിച്ചഭിനയിച്ചിട്ടുണ്ട്, ചക്രം എന്ന ചിത്രത്തിൽ എന്ന് മഞ്ജു പറഞ്ഞുവത്രെ. അയ്യോ ആണോ, ഭയങ്കരമായി മാറിപ്പോയി എന്നൊക്കെ പറഞ്ഞ് മീര ഒരുപാട് സംസാരിച്ചു. സത്യത്തിൽ എന്നെക്കാൾ മൂത്തതാണ് മീര, പക്ഷേ കണ്ടാൽ പറയില്ല, കണ്ടാൽ മീരയുടെ അമ്മയെ പോലെയാണ് ഞാൻ


വളരെ നല്ല കുട്ടിയാണ് മീര. ഇമോഷണലി വളരെ വീക്കായ ഒരാളാണ് മീര, മാനേജ് ചെയ്യാൻ വളരെ ബുദ്ധിമുട്ടാണ് എന്നൊക്കെയാണ് ഞാൻ പണ്ട് കേട്ടിട്ടുള്ളത്. പക്ഷേ അങ്ങനയേ അല്ല. നമ്മളോട് ഒരുപാട് സംസാരിക്കും, വിശേഷങ്ങളൊക്കെ ചോദിക്കും. അപ്പോൾ ഞാനെന്റെ വിഷമങ്ങൾ എല്ലാം പറഞ്ഞപ്പോൾ, സാരമില്ല മഞ്ജു അതൊക്കെ ശരിയാവും എന്ന് പറഞ്ഞു. ഞാൻ വളരെ വിഷമത്തിലൂടെയും ഡിപ്രഷനിലൂടെയും എല്ലാം കടന്നു പോയ ആളാണ്. അതൊക്കെ മാറ്റിയെടുത്തു, ലൈഫ്സ്റ്റൈൽ എല്ലാം മാറി, ഇപ്പോൾ ഞാൻ വളരെ ഹാപ്പിയാണ് എന്നൊക്കെ മീര ഇങ്ങോട്ട് സംസാരിച്ചു. അതൊക്കെ കേൾക്കുന്നത് തന്നെ നമുക്കൊരു ആശ്വാസമല്ലേ- മഞ്ജു പത്രോസ് പറഞ്ഞു.