മുഖത്ത് ചെറിയൊരു ക്ഷീണമുണ്ടെങ്കിലും, മമ്മൂട്ടി പഴയ ഫോമിലേക്ക് തിരിച്ചെത്തി; യൂസഫ് അലിയുടെ ഫോട്ടോകൾ എടുക്കുന്ന മമ്മൂക്ക

Authored by: അശ്വിനി പി|Samayam Malayalam•20 Oct 2025, 11:19 am

മമ്മൂക്ക, എന്ന മമ്മൂട്ടി മലയാളികളെ സംബന്ധിച്ച് ഒരു വികാരമാണ് എന്ന് തിരിച്ചറിഞ്ഞ മാസങ്ങളാണ് കഴിഞ്ഞ കുറച്ച് കാലങ്ങൾ. ആരോഗ്യ പരമായ കാരണങ്ങളാൽ ഏഴ്- എട്ട് മാസത്തോളം വിശ്രമത്തിലായിരുന്നു മമ്മൂട്ടി. ഒരു ഫോട്ടോ പോയിട്ട്, മമ്മൂട്ടിയുടെ ആരോഗ്യ നിലയെ കുറിച്ചുള്ള യാതൊരു തര അപ്ഡേറ്റും ആരാധകർക്ക് ലഭിച്ചില്ല. ഒരു ദിവസം, മമ്മൂക്കയുടെ ടെസ്റ്റ് റിസൾട്ട് നെഗറ്റീവ് ആയി എന്ന പോസിറ്റീവ് വാർത്തയ്ക്കൊപ്പമാണ് മലയാളികൾ ഉണർന്നത്.

ആരോഗ്യ സ്ഥിതി വീണ്ടെടുത്ത മമ്മൂക്കയ്ക്ക് ആശംസകളുമായി സോഷ്യൽ മീഡിയ ഒരു ദിവസം മുഴുവൻ ആഘോഷിച്ചു. സെലിബ്രേറ്റികളും ആരാധകരും എല്ലാം അതിൽ പെടുന്നു. ആരോഗ്യ പരമായ അവസ്ഥകളെ അതിജീവിച്ച് മമ്മൂക്ക വീണ്ടും തിരിച്ചെത്തിയതും മലയാളികൾ ആഘോഷിച്ചു. തനിക്ക് വേണ്ടി പ്രാർത്ഥിച്ചവർക്കെല്ലാം കൈ കൂപ്പി നന്ദി അറിയിച്ചുകൊണ്ടാണ് മഹേഷ് നാരായണൻ ചിത്രത്തിലേക്ക് മമ്മൂട്ടി തിരിച്ചെത്തിയത്. ഹൈദരബാദിലായിരുന്നു തിരിച്ചെത്തിയതിന് ശേഷമുള്ള മമ്മൂട്ടിയുടെ ആദ്യത്തെ ഷെഡ്യൂൾ.

Also Read: എല്ലാം മഞ്ജു വാര്യർ ക്ഷമിയ്ക്കുന്നതിന്റെ കാരണം ഇതോ? ശരിക്കുള്ള പ്രണയം അതാണെന്ന് നടി

ഇപ്പോൾ ഇതേ സിനിമയുടെ ഷൂട്ടിങുമായി ബന്ധപ്പെട്ട് യുഎസ്സിലാണ് മമ്മൂട്ടി. മമ്മൂട്ടി യുഎസ്സിൽ സ്റ്റൈലായി വന്നിറങ്ങുന്ന വീഡിയോ മമ്മൂട്ടി കമ്പനി എന്ന ഇൻസ്റ്റഗ്രാം പേജിലൂടെ എല്ലാം പുറത്തു വന്നിരുന്നു. ഇപ്പോഴിതാ യുഎസ്സിൽ നിന്ന് അതേ ഗെറ്റപ്പിൽ ലുലു ഗ്രൂപ് ചെയർമാൻ എം എ യൂസഫ് അലിയ്ക്കൊപ്പമുള്ള ചിത്രങ്ങളും പുറത്തുവരുന്നു.

മമ്മൂട്ടിയും യൂസഫ് അലിയും ചേർന്ന് നിൽക്കുന്ന ഒരു ഫോട്ടോയും, മമ്മൂട്ടി യൂസഫ് അലിയുടെ ചിത്രങ്ങൾ ക്യാമറയിൽ പകർത്തുന്നതും, പകർത്തിയത് കാണിച്ചു കൊടുക്കുന്നതുമൊക്കെയായ ചിത്രങ്ങൾ യൂസഫ് അലിയുടെ ഇൻസ്റ്റഗ്രാം പേജിലൂടെയാണ് പങ്കുവച്ചിരിയ്ക്കുന്നത്. മമ്മൂക്കയുടെ മുഖത്ത് അല്പം ക്ഷീണം തോന്നാമെങ്കിലും, പഴയ ഫോമിലേക്ക് തിരിച്ചെത്തി എന്ന് തെളിയിക്കുന്നതാണ് യൂസഫ് അലിയെ ക്യാമറയിൽ പകർത്തുന്ന ഈ ചിത്രങ്ങളെന്നാണ് ആരാധകരുടെ പക്ഷം.


വർഷങ്ങൾക്ക് ശേഷം മമ്മൂട്ടിയും മോഹൻലാലും ഒന്നിക്കുന്ന ചിത്രമാണ് മഹേഷ് നാരായണൻ സംവിധാനം ചെയ്യുന്ന പാട്രിയേറ്റ് . ആന്റോ ജോസഫ് ഫിലിം കമ്പനി നിർമിയ്ക്കുന്ന ചിത്രത്തിൽ മമ്മൂട്ടിയ്ക്കും മോഹൻലാലിനുമൊപ്പം കുഞ്ചാക്കോ ബോബൻ, നയൻതാര തുടങ്ങിയൊരു വലിയ താരനിരയുമുണ്ട്. കളങ്കാവലാണ് വരാനിരിയ്ക്കുന്ന മറ്റൊരു മമ്മൂട്ടി ചിത്രം.