മുടങ്ങിയ പഠനം തുടരുന്നു! മകളെ ചേർത്തുനിർത്തി ക്രിസ് പറയുന്നു ഇത് അഭിമാനനിമിഷമെന്ന്; ആശംസകൾ നേർന്ന് ആരാധകരും

Authored by: ഋതു നായർ|Samayam Malayalam•29 Jul 2025, 9:43 am

ക്രിസ് വേണുഗോപാൽ - ദിവ്യ ശ്രീധർ ദമ്പതികളുടെ ജീവിതത്തിലെ ഏറ്റവും സന്തോഷകരമായ നിമിഷങ്ങൾക്കാണ് സോഷ്യൽമീഡിയ സാക്ഷ്യം വഹിക്കുന്നത്. ദിവ്യ ശ്രീധറിന്റെ മകൾ മായ ഇടക്ക് വച്ച് പഠനം നിർത്തി വച്ചിരുന്നു. ഇപ്പോൾ വീണ്ടും ആ പഠനം തുടർന്ന് പോവുന്നു എന്നാണ് ക്രിസും ദിവ്യയും കുറിച്ചത്. മകളുടെ പഠനം വീണ്ടും തുടങ്ങാൻ കഴിഞ്ഞതിൽ അച്ഛനും അമ്മയും എന്ന നിലയിൽ ഏറെ സന്തോഷകരമായ നിമിഷം എന്നാണ് ക്രിസും ദിവ്യയും സോഷ്യൽ മീഡിയയിൽ കുറിച്ചത്. ഇവരുടെ മകൾ ബിസിനസ് മാനേജ്‌മെന്റ് ഏവിയേഷൻ കോഴ്സിനാണ് ചേർന്നിരിക്കുന്നത്.

ഇരുവരുടെയും വാക്കുകൾ

മാതാപിതാക്കളായ ഞങ്ങൾക്ക് അഭിമാനകരമായ ഒരു നിമിഷം ആണിത്, ഞങ്ങളുടെ മകൾ ബിസിനസ് മാനേജ്‌മെന്റ് ഏവിയേഷൻ ബിരുദ കോഴ്‌സ് പഠിക്കാൻ വേണ്ടി ജോയിൻ ചെയ്തു, അവളുടെ ഭാവിയിലേക്കുള്ള ഒരു ചുവടുവയ്പ്പ്....നിങ്ങളുടെ പ്രാർത്ഥനകളും അനുഗ്രഹങ്ങളും അവൾക്ക് ആവശ്യമാണ്; ഇരുവരും കുറിച്ചപ്പോൾ സീരിയൽ സിനിമ താരങ്ങളും ഇവരുടെ ആരാധകരും ആശംസകൾ നേർന്നുകൊണ്ട് എത്തി. ഏറെ സന്തോഷം നിറഞ്ഞ നിമിഷങ്ങൾക്ക് ഒപ്പം മകളുടെ ആഗ്രഹത്തിന് ഒപ്പം നിൽക്കുന്ന ക്രിസിനെ കുറിച്ചാണ് ആരാധകരുടെ സംസാരം.

ALSO READ: മോനിഷ മാത്രമല്ല ഒരാൾ കൂടിയുണ്ട്! എന്റെ ജന്മസാഫല്യമാണ് മോനിഷയെ വെള്ളിത്തിരയിൽ കാണാൻ കഴിഞ്ഞത്

ജന്മം കൊണ്ടല്ല മറിച്ചു കർമ്മം കൊണ്ട് മകളെ ചേർത്തുനിർത്തുന്ന അച്ഛനായി ക്രിസിനെ കാണുമ്പൊൾ അഭിനന്ദിക്കാതെ തരമില്ല. കാരണം മക്കളുടെ ഉയർച്ച കാണാൻ വേണ്ടി അദ്ദേഹം ഇടുന്ന എഫേർട്ട് ആണ് മകളുടെ മുടങ്ങിയ പഠനം തുടങ്ങാൻ നിമിത്തം ആയതെന്നും ദിവ്യ ഭാഗ്യവതിയെന്നുമുള്ള കമന്റുകൾ ആണ് പോസ്റ്റിനു ലഭിക്കുന്നത്. ഇക്കഴിഞ്ഞ വർഷമാണ് ക്രിസും ദിവ്യയും ഒന്നായത്. സോഷ്യൽ മീഡിയ ഏറെ ആഘോഷിച്ച വിവാഹം ഗുരുവായൂർ ക്ഷേത്ര നടയിൽ വച്ചാണ് നടന്നത്. മകളെ കൂടാതെ ഒരു മകൻ കൂടിയുണ്ട് ദിവ്യക്ക്. ദിവ്യയുടെ മക്കളെ സ്വന്തം കുഞ്ഞുങ്ങളായി ഏറ്റെടുക്കാനും അവരുടെ വിജയങ്ങൾക്ക് ഒപ്പം നിൽക്കാനുമുള്ള ക്രിസിന്റെയും അദ്ദേഹത്തിന്റെ വീട്ടുകാരുടെയും നന്മയെക്കുറിച്ചാണ് ആരാധകരുടെ സംസാരം.