മുന്‍ ഭര്‍ത്താവിന്റെ ഇപ്പോഴത്തെ പ്രണയ ബന്ധത്തെ കുറിച്ച് സോഫി ഗ്രിഗോയര്‍; എന്തൊക്കെ പറഞ്ഞാലും ചിലത് ബാധിക്കും

Authored by: അശ്വിനി പി|Samayam Malayalam•21 Nov 2025, 4:58 pm

ഓര്‍ലാന്റോ ബ്ലൂമുമായുള്ള ഒന്‍പത് വര്‍ഷത്തെ പ്രണയ ബന്ധം അവസാനിച്ചതിന് ശേഷം കേറ്റി പെറിയുടെ മറ്റൊരു പ്രണയ ബന്ധം സോഷ്യല്‍ മീഡിയയില്‍ വലിയ ചര്‍ച്ചയായിരുന്നു. മുന്‍ കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോയുമായുള്ള പ്രണയ നിമിഷങ്ങളും ഫോട്ടോകളും എല്ലാം വളരെ പെട്ടന്നാണ് സോഷ്യല്‍ മീഡിയയില്‍ വൈറലായത്. ഇപ്പോഴിതാ ഈ പ്രണയ ബന്ധത്തെ കുറിച്ച് ജസ്റ്റിന്‍ ട്രൂഡോയുടെ മുന്‍ ഭാര്യയുടെ പ്രതികരണം വൈറലാവുന്നു.

അര്‍ലീന്‍ അലോണ്‍ എന്ന പോട്കാസ്റ്റ് വീഡിയോയില്‍ സംസാരിക്കവെയാണ് അന്‍പതുകരായിയ സോഫി ഗ്രിഗോയര്‍ പ്രതികരിച്ചത്. നിങ്ങള്‍ കാര്യങ്ങള്‍ വളരെ കൂള്‍ ആയി എടുക്കുന്നതില്‍ ഞാന്‍ അഭിനന്ദിക്കുന്നു എന്ന് പറഞ്ഞപ്പോഴായിരുന്നു സോഫി ഗ്രിഗോയറിന്‍രെ പ്രതികരണം. നിങ്ങള്‍ക്കറിയാമോ, നമ്മള്‍ മനുഷ്യരാണ്, എന്തൊക്കെ പറഞ്ഞാലും ചിലതൊക്കെ നമ്മളെ ബാധിക്കും. അത് സ്വാഭാവികമാണ്- എന്ന് പറഞ്ഞുകൊണ്ടാണ് സോഫി സംസാരിച്ചു തുടങ്ങിയത്.

Also Read: വിലായത്ത് ബുദ്ധ- പ്രേക്ഷക പ്രതികരണം; സച്ചിയുടെ ആത്മാവ് പൂര്‍ണ സംതൃപ്തനായിരിക്കും!

ഇത്തരം കാര്യങ്ങളോട് എങ്ങനെ പ്രതികരിക്കണം എന്നത് ഓരോരുത്തരുടെയും സ്വന്തം തീരുമാനമാണ്. അതിനാല്‍ പുറത്തെ ശബ്ദകോലാഹലങ്ങള്‍ക്കിടയില്‍ സംഗീതം കേള്‍ക്കാനാണ് ഞാന്‍ തീരുമാനിച്ചത്. പൊതു ജനങ്ങള്‍ക്കിടയില്‍ നമ്മളെ ട്രിഗര്‍ ചെയ്യുന്ന പലതും സംസാരിക്കുന്നുണ്ടാവാം. അതിനോട് എങ്ങനെ പ്രതികരിക്കണം എന്നത് എന്റെ തീരുമാനമാണ്.


മറ്റുള്ളവരുടെ പ്രവൃത്തിയില്‍ നിരാശ തോന്നണമോ, ദേഷ്യപ്പെടണമോ, സങ്കടപ്പെടണമോ എന്നതൊക്കെ ഞാന്‍ തിരഞ്ഞെടുക്കുന്നതാണ്. ഒരു മാനസികാരോഗ്യ വക്താവ് എന്ന നിലയില്‍, ആ വികാരങ്ങള്‍ അനുഭവിക്കേണ്ടത് എത്ര പ്രധാനമാണെന്ന് എനിക്കറിയാം. പിന്നെ മക്കളുടെ കാര്യത്തില്‍, ഞാന്‍ ഒരിക്കലും ഒരി സിംഗിള്‍ മദര്‍ അല്ല. തന്റെ മക്കളെ അത്രയദികം സ്‌നേഹിക്കുകയും അവര്‍ക്കാവശ്യമുള്ളപ്പോള്‍ അടുത്തുണ്ടാവുന്ന അവരുടെ അച്ഛന്‍ എന്ന നിലയില്‍ എനിക്ക് ബന്ധമുണ്ട്- സോഫി ഗ്രിഗോ.ര്‍ പറഞ്ഞു.

ഇക്കഴിഞ്ഞ ജൂലൈയിലാണ് ജസ്റ്റിന്‍ ട്രൂഡോ യും കാറ്റി പെറിയും ഒരു ഡിന്നര്‍ പാര്‍ട്ടി ഒന്നിച്ച് ആഘോഷിക്കുന്ന ചിത്രങ്ങള്‍ പുറത്തുവന്നത്. കാറ്റി പെറിയുടെ ലൈഫ് ടൈംസ് ടൂറിന്റെ സമാപന ചടങ്ങിലും ജസ്റ്റിന്‍ ട്രൂഡോ പങ്കെടുത്തിരുന്നു.