മുൻ ഭർത്താവിന് സുഖമില്ല, പ്രോഗ്രാമുകൾ ഒഴിവാക്കി മക്കളുടെ അടുത്തേക്ക് കെല്ലി ക്ലാക്സൺ

Authored by: അശ്വിനി പി|Samayam Malayalam•7 Aug 2025, 4:43 pm

ക്യൂൻ ഓഫ് കവേർസ് എന്ന പേരിൽ അറിയപ്പെടുന്ന അമേരിക്കൻ ഗായികയാണ് കെല്ലി ക്ലാർക്സൺ . നിരവധി സ്റ്റേജ് ഷോകളൊക്കെയായി തിരക്കിലാണ് താരം. എന്നാൽ അതിനെക്കാൾ എല്ലാം പ്രാധാന്യമാണ് തനിക്ക് തന്റെ കുടുംബം എന്ന് ഗായികയുടെ ഏറ്റവും പുതിയ ഇൻസ്റ്റഗ്രാം പോസ്റ്റ് വ്യക്തമാക്കുന്നു.

തന്റെ പ്രോഗ്രാമുകളും ഷെഡ്യൂളുകളും മാറ്റി വച്ച് മക്കൾക്ക് വേണ്ടി പോകുകയാണ് എന്നാണ് സോഷ്യൽ മീഡിയ പോസ്റ്റിലൂടെ കെല്ലി ക്ലാർക്സൺ അറിയിച്ചത്. എന്റെ മുൻ ഭർത്താവിന് സുഖമില്ലാത്തതിനാൽ എട്ടും, പത്തും വയസ്സുള്ള മക്കളെ പരിപാലിക്കുന്നതിനായി പോകുകയാണ് എന്ന് കെല്ലി ക്ലാക്സൺ ഇൻസ്റ്റഗ്രാം പോസ്റ്റിലൂടെ അറിയിച്ചു.

Also Read: കല്യാണം കഴിച്ചത് 2 വയസ്സ് മൂത്ത ആളെ, ഇപ്പോൾ പ്രണയിക്കുന്ന ആളുടെ വയസ്സോ? ധനുഷും മൃണാളും തമ്മിലുള്ള പ്രായ വ്യത്യാസം?

നിർഭാഗ്യവശാൽ എനിക്ക് ലാസ് വേഗസിലെ ആഗസ്റ്റ് സ്റ്റുഡിയോ സെഷൻ മാറ്റി വയ്ക്കേണ്ട ഒരു അവസ്ഥ വന്നു. സാധാരണ ഗതിയിൽ എന്റെ സ്വകാര്യ ജീവിതം ഞാൻ പരസ്യപ്പെടുത്താറില്ല. കഴിഞ്ഞ ഒരു വർഷമായി എന്റെ കുട്ടികളുടെ അച്ഛൻ ആരോഗ്യ പ്രശ്നങ്ങൾ നേരിടുകയാണ്. മക്കളെ നോക്കാൻ എനിക്ക് അവിടെ ചെന്നേ പറ്റൂ.

ഈ സെഷന് വേണ്ടി ടിക്കറ്റ് എടുത്ത എല്ലാവരോടും ഞാൻ ആത്മാർത്ഥമായി മാപ്പ് ചോദിയ്ക്കുന്നു. നിങ്ങൾ എന്റെ ഈ അവസ്ഥ മനസ്സിലാക്കുന്നതിനും മനുഷ്യത്വം കാണിക്കുന്നതിനും നന്ദി എന്നാണ് കെല്ലി ക്ലാക്സൺ ഇൻസ്റ്റഗ്രാമിൽ കുറിച്ചത്.

Also Read: ഇത്രയും കുശുമ്പ് കുത്തേണ്ട കാര്യമില്ല! അവർ ഹണിമൂൺ പോയതല്ല; പർച്ചേസിങ്ങിന് പോയതാണ്; ബഷീറിനും കുടുംബത്തിനും പിന്തുണ

2013 ൽ ആയിരുന്നു കെല്ലി ക്ലാർക്സണിന്റെയും ബ്രാന്റൺ ബ്ലാക്സ്റ്റോക്കിന്റെയും വിവാഹം കഴിഞ്ഞത്. ഏഴ് വർഷത്തെ ദാമ്പത്യത്തിന് ശേഷം 2020 ൽ ഇരുവരും വേർപിരിഞ്ഞു. നിയമ പരമായി ബന്ധം വേർപെടുത്തിയത് 2022 ൽ ആണ്.


വേർപിരിയലിന് ശേഷം അത് എത്രത്തോളം മാനസികമായി തന്നെ തകർത്തു എന്ന് ഗായിക ഒരു അഭിമുഖത്തിൽ തുറന്നു പറഞ്ഞിരുന്നു. വല്ലാത്ത ഒറ്റപ്പെടൽ തോന്നും. അമിതമായ വികാരങ്ങൾ കടലുപോലെ വരുമ്പോൾ, അതിനെ വഴി തിരിച്ചുവിടാൻ തന്റെ കെമിസ്ട്രി എന്ന ആൽബം എത്രത്തോളം സഹായിച്ചു എന്നാണ് കെല്ലി പറഞ്ഞത്.