മൂന്ന് ആണ്കുഞ്ഞുങ്ങൾ! മാധവ്, വിനായക്, കാർത്തികേയ! വിഷ്ണുവിനും ഐശ്വര്യക്കും ആശംസകൾ നേർന്ന് പ്രിയപെട്ടവർ

Authored by: ഋതു നായർ|Samayam Malayalam•24 Nov 2025, 7:46 am

ഈ അടുത്താണ് താൻ വീണ്ടും അച്ഛൻ ആയ സന്തോഷം വിഷ്ണു ഉണ്ണി കൃഷ്ണൻ അറിയിച്ചത്. ഇരട്ടക്കുട്ടികളുടെ അച്ഛനായ സന്തോഷം ആണ് വിഷ്ണു ഉണ്ണികൃഷ്ണൻ പങ്കിട്ടത്. ഇരട്ടി മധുരം, ഇരട്ടി സന്തോഷം, ഇരട്ടി സ്നേഹം...ഐശ്വര്യക്കും എനിക്കും ഇരട്ടക്കുട്ടികൾ പിറന്നു എന്നാണ് അദ്ദേഹം കുഞ്ഞിക്കാലുകളുടെ ചിത്രം മാത്രം ഷെയർ ചെയ്തുകൊണ്ട് എത്തിയത്. ഇപ്പോഴിതാ തന്റെ മക്കൾക്ക് പേരിട്ട സന്തോഷമാണ് അദ്ദേഹം പങ്കുവച്ചത്.

മാധവന്റെ അനിയന്മാർക്ക് പേരിട്ടു..കുഞ്ഞാവകൾ ഇനി മുതൽ,വിനായക് ” & “കാർത്തികേയ എന്ന് അറിയപ്പെടും എന്നും കുടുംബത്തിന് ഒപ്പമുള്ള ചിത്രങ്ങൾ പങ്കിട്ടുകൊണ്ട് അദ്ദേഹം കുറിച്ചു.

2020 ഫെബ്രുവരിയിൽ ആയിരുന്നു വിഷ്ണുവിനും ഐശ്വര്യയ്ക്കും വിവാഹം. ഇവർക്ക് മാധവ് എന്ന മകനുമുണ്ട്. ഇടിയൻ ചന്തു, താനാര തുടങ്ങിയ ചിത്രങ്ങളാണ് വിഷ്ണുവിന്റേതായി അവസാനമായി പുറത്തിറങ്ങിയത്.

ALSO READ: ഇറച്ചിവെട്ട് പഠിച്ചു കൊടും ചൂടത്തും മഴയത്തും ഷൂട്ടിങ്; സ്ലീവ്‌ലെസ് ഇടാൻ മടിച്ച പെൺകുട്ടിയിൽ നിന്നും റേച്ചലിലേക്ക് ഉള്ള ദൂരം; മനസ് തുറന്ന് ഹണി

നടനും തിരക്കഥാകൃത്തും ആണ് വിഷ്ണു ഉണ്ണി കൃഷ്ണൻ.

2003ല്‍ 'എന്‍റെ വീട് അപ്പൂന്‍റേം' എന്ന സിനിമയിലൂടെ അഭിനയരംഗത്തെത്തിയ വിഷ്ണു 2015ല്‍ അമര്‍ അക്ബര്‍ അന്തോണി എന്ന ചിത്രത്തിലൂടെയാണ് ബിബിൻ ജോര്‍ജ്ജിനൊപ്പം തിരക്കഥാകൃത്തായി എത്തിയത്. തുടര്‍ന്ന് കട്ടപ്പനയിലെ ഋത്വിക് റോഷന്‍, ഒരു യമണ്ടന്‍ പ്രേമകഥ എന്നീ ചിത്രങ്ങള്‍ക്കും ഇരുവരും ചേര്‍ന്ന് തിരക്കഥ രചിച്ചു.

ALSO READ: അന്ന് ഓപ്പോൾ പറഞ്ഞത് അച്ചട്ടായി! മമ്മൂട്ടിയുടെ മകളായി;വിവാഹത്തിലൂടെ ചിപ്പിക്ക് സംഭവിച്ചത് നേട്ടങ്ങൾ; നിർമാണത്തിലും അഭിനയത്തിലും താരം

കട്ടപ്പനയിലെ ഋത്വിക് റോഷനിലും വികടകുമാരനിലും നായകനായും അഭിനയിച്ച വിഷ്ണു. രാപ്പകൽ, അമൃതം, പളുങ്ക്, കഥ പറയുമ്പോൾ, മായാവി, അസുരവിത്ത്, ബാച്ച്ലർ പാര്‍ട്ടി, ഇയ്യോബിന്‍റെ പുസ്തകം, ശിക്കാരി ശംഭു, നീയും ഞാനും, ഒരു യമണ്ടൻ പ്രേമകഥ, ചിൽഡ്രൻസ് പാര്‍ക്ക്, മാര്‍ഗ്ഗം കളി എന്നീ ചിത്രങ്ങളിലും തിളങ്ങി. സിദ്ദീഖ് സംവിധാനം ചെയ്ത മോഹന്‍ലാല്‍ ചിത്രം ബിഗ് ബ്രദറിലും മികച്ച അഭിനയം ആണ് അദ്ദേഹം കാഴ്ചവച്ചത്.