മേക്കപ് ഇട്ടിട്ട് കുളിക്കാന്‍ പോകും; ഭാവനയുടെ ഒരു വിചിത്രമായ ശീലം വെളിപ്പെടുത്തി ശില്‍പ ബാല

ഭാവന എന്നാല്‍ ഇന്ന് മലയാളികളെ സംബന്ധിച്ച്, വളരെ കരുത്തുള്ള ധീരയായ സ്ത്രീയാണ്. പ്രതികൂല സാഹചര്യങ്ങളെയും അതജീവിച്ച്, വേദനകള്‍ ഉള്ളിലൊതുക്കി ചിരിച്ച മുഖവുമായി മുന്നില്‍ വന്നു നില്‍ക്കുന്ന ഭാവനയെ കാണുമ്പോള്‍ ഇതുപോലെയാവണം ഒരു സ്ത്രീ എന്ന് മലയാളികള്‍ പറയുന്നു. കൃത്യ സമയത്ത് പ്രതികരിക്കുകയും പോരാടുകയും ചെയ്ത സ്ത്രീ എന്ന നിലയില്‍ ഭാവന പല തരത്തിലും മാതൃകയാവാറുണ്ട്.

എന്നാല്‍ വളരെ വിചിത്രമായ ചില ശീലങ്ങളും ഭാവനയ്ക്കുണ്ട്. അടുത്ത കൂട്ടുകാരികള്‍ക്കും വീട്ടുകാര്‍ക്കും മാത്രം അറിയാവുന്ന അത്തരം വിചിത്രമായ ഒരു ശീലത്തെ കുറിച്ച് വെളിപ്പെടുത്തിയിരിക്കുകയാണ് സുഹൃത്ത് ശില്‍പ ബാല . അനോമി എന്ന ചിത്രത്തിന്റെ പ്രമോഷന്റെ ഭാഗമായി രഞ്ജിനി ഹരിദാസിന് നല്‍കിയ അഭിമുഖത്തിലാണ് അക്കാര്യം ശില്‍പ പറയുന്നത്. എല്ലാവര്‍ക്കും പരീക്ഷിച്ചു നോക്കാവുന്ന ഒന്നുകൂടെയാണത്.

Also Read: രണ്ട് മക്കളൊക്കെ ആയതിന് ശേഷമാണ് ഞാന്‍ സിനിമയിലേക്ക് വന്നത്; നിലനിന്നു പോകുന്നതിന് നന്ദി എന്ന ആശ ശരത്ത്

മേക്കപ്പിട്ടതിന് ശേഷം കുളിക്കാന്‍ പോകുന്ന ശീലം ഭാവനയ്ക്കുണ്ടത്രെ. അത് വളരെ കൗതുകമാവുന്നത്, മുഖത്തെ മേക്കപ്പിന് യാതൊരു കേടുപാടും ഇല്ലാതെ വൃത്തിക്ക് കുളിച്ച് ഭാവന ഇറങ്ങും. എന്തിനാണ് അത് ചെയ്യുന്നത്, എങ്ങനെ അത് സാധിക്കുന്നു എന്ന ചോദ്യത്തിന് ഭാവന തന്നെ വിശദമായ മറുപടി നല്‍കുന്നുണ്ട്.

മേക്കപ് ഇടാനാണെങ്കില്‍ അധിക നേരം ഭാവനയ്ക്ക് വേണ്ടത്രെ. പക്ഷേ ഒറ്റയിരിപ്പിന് ചെയ്തു തീര്‍ക്കാനുള്ള ബുദ്ദിമുട്ടുകള്‍ കാരണം മണിക്കൂറുകള്‍ എടുത്താണ് അത് പൂര്‍ത്തിയാക്കുന്നത്. അതായത് ഒരു കണ്ണ് എഴുതി കഴിഞ്ഞാല്‍, ഒന്ന് ചുറ്റിലും പോയി ചെയ്യേണ്ട ഓരോ കാര്യങ്ങള്‍ ചെയ്ത് തിരിച്ചുവന്നാണ് അടുത്ത കണ്ണ് എഴുതുന്നത്. അതുപോലെ മേക്കപ്പിന്റെ ഓരോ സ്‌റ്റെപ്പും പൂര്‍ത്തിയാക്കും.


അങ്ങനെ മേക്കപ് പൂര്‍ത്തിയാക്കുമ്പോഴേക്കും വിയര്‍ത്തത് പോലെയൊക്കെ ഭാവനയ്ക്ക് ഫീലാകുമത്രെ. അപ്പോള്‍ മുടി വാരിക്കെട്ടി, ഒന്ന് ബോഡി വാഷ് ചെയ്യും. ഹാന്റ് ഷവര്‍ ഉപയോഗിച്ച്, മുഖത്തെ മേക്കപ്പൊന്നും പോകാതെ വൃത്തിയായി കുളിച്ചിറങ്ങും. പിന്നെ ഡ്രസ്സ് ചെയ്ത്, മുടിയൊക്കെ സെറ്റ് ചെയ്ത് പോകുമ്പോള്‍ വല്ലാത്തൊരു ഫ്രഷ്‌നസ്സ് അനുഭവപ്പെടും എന്നാണ് ഭാവന പറയുന്നത്. കുറച്ച് ഓസിഡി പ്രശ്‌നം ഉള്ളത് കൊണ്ട് ഇതില്‍ കംഫര്‍ട്ടാണ് എന്ന് ഭാവന പറയുന്നു. അതൊന്ന് ട്രൈ ചെയ്തു നോക്കിയ പരിചയത്തില്‍, വളരെ കംഫര്‍ട്ടായ ഒന്നാണെനനാണ് ശില്‍പയുടെയും അഭിപ്രായം