മൈക്കിൾ ജാക്സിണിന്റെ അഴുകിയ സോക്സ് ലേലത്തിന് വച്ചു; എത്ര ലക്ഷം രൂപയ്ക്കാണ് വിറ്റത് എന്നറിയാമോ?

Authored by: അശ്വിനി പി|Samayam Malayalam•4 Aug 2025, 11:53 am

പോപ് രാജാവ് എന്ന് സ്വയം വിശേഷിപ്പിച്ച മൈക്കൾ ജാക്സൺ 16 വർഷങ്ങൾ പൂർത്തിയാവുന്നു. എന്നിട്ടും അദ്ദേഹം സൃഷ്ടിച്ച ഓളവും, ലെഗസിയും ഇന്നും പലരുടെയും ഉള്ളിൽ മായാത്ത ആവേശമാണ്. പാട്ടുകൾ കൊണ്ടും ചുവടുകൾ കൊണ്ടും അമ്പരപ്പിച്ച സാക്ഷാൽ മൈക്കിൾ ജാക്സൺ ഉപയോഗിച്ച ഓരോ സാധനത്തിനും ലക്ഷങ്ങളും കോടികളും വില കൊടുത്ത് ലേലത്തിൽ സ്വന്തമാക്കിയവരുണ്ട്.

സ്റ്റേജുകളിൽ മൈക്കൾ ജാക്സൺ ഉപയോഗിച്ച തൊപ്പി, അദ്ദേഹം ഒപ്പുവച്ച മ്യൂസിക് ആൽബങ്ങൾ, റെഡ‍് വിങ്സ് ജാക്കറ്റ്, മൈക്കിൾ ജാക്സണിന്റെ പേഴ്സണൽ ഷൂ, സ്വന്തം കൈപ്പടയിൽ എഴുതിയ നോട്സ്, ഒപ്പുവച്ച ഫോട്ടോഗ്രാഫ്സ്, അദ്ദേഹത്തിന്റെ ഗിറ്റാ‍ർ എന്നിങ്ങനെ നൂറിലധികം സാധനങ്ങൾ ലേലം ചെയ്ത് വിറ്റഴിച്ചു.

Also Read: നവാസിൻറെ ഏറ്റവും നല്ല ഗുണവും ചീത്തയും അതാണ്, ഒന്നിനും ഒരു പരാതിയും ഇല്ലാത്ത, പോസീറ്റീവായ മനുഷ്യൻ; ഭാര്യ രഹ്ന പറഞ്ഞത്

അതിലേക്ക് ഇതാ ഒരു അഴുകിയ സോക്സ് കൂടെ! 1997 ൽ ഫ്രാൻസിലെ നിംസ് സിറ്റിയിൽ വച്ചു നടന്ന മൈക്കിൾ ജാക്സണിൻരെ ഒരു പാരിപാടിയിൽ അദ്ദേഹം ധരിച്ച അഴുകിയ സോക്സ് ആണ് ലേലത്തിൽ വച്ചത്. അന്ന് അദ്ദേഹത്തിന്റെ കൂടെ ഉണ്ടായിരുന്ന ഒരു ടെക്നീഷ്യനാണ് ഡ്രസ്സിങ് റൂമിൽ ഓഫ് വൈറ്റ് നിറത്തിലുള്ള ആ സോക്സ് കണ്ടെത്തിയത്.

Also Read: കോണ്ഫിഡൻസിന്റെ പര്യായം; എന്തിനും ഏതിനും ഞാൻ റെഡി! ഫ്ലവർഅല്ലെടാ ഫയർ ഫയർ! രേഷ്മയിൽ നിന്നും രേണുവിലേക്കുള്ള ദൂരം

28 വർഷത്തിന് മുൻപ് ഉപയോഗിച്ച് ഉപേക്ഷിച്ച മൈക്കിൾ ജാക്സണിന്റെ സോക്സ് ഇത്രയും കാലം ഭദ്രമായി സൂക്ഷിക്കുകയും, കഴി‍ഞ്ഞ ദിവസം ലേലത്തിൽ വൈയ്ക്കുകയും ഏഴ് ലക്ഷം (8000 യുഎസ് ഡോളർ) രൂപയ്ക്ക് വിൽക്കുകയും ചെയ്തു എന്നാണ് റിപ്പോർട്ടുകൾ


1997 ൽ നടന്ന ആ പ്രോഗ്രാം മൈക്കിൾ ജാക്സണിന്റെ ഹിസ്റ്ററി വേൾഡ് ടൂർ എന്നാണ് അറിയപ്പെടുന്നത്. 35 രാജ്യങ്ങളിലായി, 57 സിറ്റികളിൽ 82 ഷോകൾ ചെയ്ത കൺസേർട്ട് ആയിരുന്നു അത്. 2009 ൽ ആണ് മൈക്കിൾ ജാക്സൺ അമിതമായ മയക്ക് മരുന്ന് ഉപയോഗത്തെ തുടർന്ന് മരണപ്പെട്ടത്, 50 വയസ്സായിരുന്നു അദ്ദേഹത്തിന്.