​രവി മോഹനും ആര്‍തിയും പിരിയാന്‍ കാരണം കെനീഷയോ? വല്ലതും പറയാനുണ്ടെങ്കില്‍ നേരിട്ടാവാമെന്ന് മറുപടി! വൈറലായി ഇന്‍സ്റ്റഗ്രാം സ്റ്റോറി

നെഗറ്റീവ് കമന്റുകള്‍ തന്നെ ഒരുതരത്തിലും ബാധിക്കാറില്ലെന്ന് അടുത്തിടെ ഒരു അഭിമുഖത്തില്‍ കെനിഷ തുറന്നുപറഞ്ഞിരുന്നു. അത്തരം കാര്യങ്ങള്‍ക്ക് ചെവി കൊടുക്കാനുള്ള സമയം എനിക്കില്ല. പാട്ട് പഠിക്കാനും, തെറാപ്പി ചെയ്യാനുമായാണ് ഞാന്‍ ആഗ്രഹിക്കുന്നത്. മുഴുവന്‍ ശ്രദ്ധയും അതിലാണ്. നിലവിലെ കമന്റുകളോ, ചര്‍ച്ചകളോ ഒന്നും തന്നെ ഒരുതരത്തിലും ബാധിക്കുന്നില്ലെന്നും അവര്‍ വ്യക്തമാക്കിയിരുന്നു.

ആര്‍തിയുമായി പിരിയുന്നതിന്റെ നിയമപരമായ കാര്യങ്ങള്‍ ചെയ്തതിന് ശേഷമാണ് രവി മോഹന്‍ തനിക്ക് അരികിലേക്ക് വന്നതെന്ന് നേരത്തെ കെനിഷ വ്യക്തമാക്കിയിരുന്നു. ഇക്കാര്യം അധികമാരും അറിയരുതെന്ന് അന്ന് പറഞ്ഞിരുന്നു. പേഴ്‌സണല്‍ ലൈഫിലെ കാര്യങ്ങള്‍ അദ്ദേഹം തന്നെയാണ് തീരുമാനിച്ചത്. ആര്‍തി ആരോപിച്ചത് പോലെ ഏകപക്ഷീയമായിരുന്നില്ല ആ തീരുമാനം. ഇരുവരും ചര്‍ച്ചകള്‍ നടത്തിയിരുന്നുവെന്നും ഒരുതരത്തിലും ഒത്തുപോവില്ലെന്ന് വന്നതോടെയാണ് പിരിയാന്‍ തീരുമാനിച്ചതെന്നും അവര്‍ പറഞ്ഞിരുന്നു.

കെനിഷ തന്റെ സുഹൃത്താണ്, തെറാപ്പിസ്റ്റുമാണ്. ഒരു ഹീലിംഗ് സെന്റര്‍ തുടങ്ങുന്നതിന്റെ ഭാഗമായാണ് അവരെ പരിചയപ്പെടുന്നത്. പ്രതിസന്ധികള്‍ തരണം ചെയ്ത് സ്വന്തമായി മുന്നേറുന്ന വ്യക്തിയാണ്. വിവാഹമോചന ചര്‍ച്ചകളില്‍ അവരെ ഭാഗമാക്കരുത്. അവരെ അവരുടേതായ വഴിക്ക് വിടുക എന്നായിരുന്നു കെനിഷയെക്കുറിച്ച് രവി മോഹന്‍ ആദ്യം പ്രതികരിച്ചത്.