രശ്മികയുടെയും വിജയ് ദേവരുടെയും കല്യാണം ഇന്ന്? വിവാഹ മണ്ഡപത്തില്‍ നിന്നുള്ള കാഴ്ചയുമായി പ്രചരിക്കുന്ന വീഡിയോയുടെ സത്യാവസ്ഥ?

രശ്മിക മന്ദാനയും വിജയ് ദേവരകൊണ്ടയും പ്രണയത്തിലാണ് എന്ന വാര്‍ത്തകള്‍ പ്രചരിക്കാന്‍ തുടങ്ങിയിട്ട് നാലഞ്ച് വര്‍ഷം പൂര്‍ത്തിയാവുന്നു. ഗീതാ ഗോവിന്ദം എന്ന ചിത്രത്തിന് ശേഷം ഇരുവരും വിദേശ രാജ്യങ്ങളില്‍ ഡേറ്റിങ് നടത്തുന്ന ചിത്രങ്ങളെല്ലാം സാമൂഹ്യ മാധ്യമങ്ങളില്‍ വൈറലായിരുന്നു. എന്നാല്‍ പ്രണയത്തിലാണ് എന്ന് സമ്മതിക്കാന്‍ ഇതുവരെ ഇരുവരും തയ്യാറായിട്ടില്ല. ഇതിനോടരം വിവാഹ നിശ്ചയം കഴിഞ്ഞു എന്ന വാര്‍ത്തയും നിലനില്‍ക്കുന്നുണ്ട്.

ഇതിനിടയിലാണ് ഫെബ്രുവരി 26 ന് ഉദയ്പൂരില്‍ വച്ച് രശ്മികയും വിജയ് ദേവരകൊണ്ടയും വിവാഹിതരാകുന്നു എന്ന വാര്‍ത്തകള്‍ വന്നത്. ഈ പ്രചരിക്കുന്നതില്‍ എന്തെങ്കിലും സത്യമുണ്ടോ, വിവാഹം എപ്പോഴാണ് എന്നൊക്കെയുള്ള ചോദ്യത്തിന് രശ്മിക വ്യക്തമായ മറുപടി നല്‍കാനും തയ്യാറായില്ല. അതിനെ കുറിച്ച് സംസാരിക്കേണ്ട സമയം വരുമ്പോള്‍ സംസാരിക്കും എന്നായിരുന്നു ഒരാഴ്ച മുന്‍പ് നല്‍കിയ അഭിമുഖത്തില്‍ രശ്മിക മന്ദാന പറഞ്ഞത്.

Also Read: ഭക്ഷണം ഉണ്ടാക്കാറേയില്ല, ഓഡര്‍ ചെയ്യുകയാണ്; വിവാഹ ശേഷം വന്ന മാറ്റത്തെ കുറിച്ച് ശോഭിത ധൂലിപാല

എന്നാല്‍ ഇന്നലെ മുതല്‍ ഒരു വീഡിയോ സോഷ്യല്‍ മീഡിയയില്‍ വൈറലാണ്. രണ്ട് സോഷ്യല്‍ മീഡിയ ഇന്‍ഫ്‌ളുവന്‍സേഴ്‌സ് ഉദയ്പൂരില്‍ നിന്നും പകര്‍ത്തിയ വീഡിയോ, അതില്‍ ഫെബ്രുവരി 2 ന് രശ്മിക മന്ദാനയുടെയും വിജയ് ദേവരകൊണ്ടയുടെയും വിവാഹം ഇവിടെ വച്ച് നടക്കുന്നു എന്ന് പറയുന്നു.

ഞങ്ങളിപ്പോള്‍ ഉള്ളത് ഉദയ് പൂരിലാണ്. ഇവിടെ വലിയൊരു വിവാഹത്തിന്റെ ഒരുക്കങ്ങള്‍ നടന്നുകൊണ്ടിരിക്കുകയാണ്. അതാരുടേതാണ് എന്ന് ഗസ്സ് ചെയ്യാന്‍ സാധിക്കുമോ. അതെ രശ്മിക മന്ദാനയുടെയും വിജയ് ദേവരകൊണ്ടയുടെയും. വിവാഹത്തിന്റെ കൂടുതല്‍ അപ്‌ഡേഷന്‍സ് ഞങ്ങള്‍ ഇനി നല്‍കുന്നതായിരിക്കും- എന്നാണ് വീഡിയോയില്‍ പെണ്‍കുട്ടികള്‍ പറയുന്നത്.

ഇതിനൊപ്പം രശ്മിക മന്ദാന ഉദയ്പൂരില്‍ എത്തിയ എന്ന ഗോസിപ്പുകളും ആയതോടെയാണ് ഇന്ന്, ഫെബ്രുരി 2 ന് രശ്മികയുടെ വിവാഹമാണെന്ന തരത്തിലുള്ള വാര്‍ത്തകള്‍ ശക്തമായത്. എന്നാല്‍ അങ്ങനെ ഒരു സംഭവമില്ല, ഫെബ്രുവരി 2 ന് തന്റെ വിവാഹമല്ല എന്ന് രശ്മിക അറിയിച്ചതായിട്ടാണ് നിലവിലെ റിപ്പോര്‍ട്ടുകള്‍. മറ്റാരുടെയോ കല്യാണ ഒരുക്കത്തിന്റെ വീഡിയോ ആണ് സോഷ്യല്‍ മീഡിയ ഇന്‍ഫ്‌ളുവന്‍സേഴ്‌സ് ആയ പെണ്‍കുട്ടികള്‍ തെറ്റായി പ്രചരിപ്പിച്ചിരിക്കുന്നതത്രെ.