രാം ചരൺ 200! ഭർത്താവിന്റെ കോൺടാക്റ്റ് തന്റെ ഫോണിൽ സേവ് ചെയ്തിരിക്കുന്നത്തിനു പിന്നിലെ സത്യം; ഉപാസന പറയുന്നു

Authored by: ഋതു നായർ|Samayam Malayalam•13 Aug 2025, 11:24 pm

തെലുങ്ക് സിനിമ ഇന്ഡസ്ട്രിയിലെ പവർ കപ്പിൾസാണ് രാം ചരണും ഭാര്യ ഉപാസന കൊനിഡേലയും. ഭർത്താവ് സിനിമ ഇൻഡസ്ട്രയിൽ ഹീറോ ആകുമ്പോൾ ഭാര്യ ബിസിനസ് ഇൻഡസ്ട്രിയിൽ തിളങ്ങുന്നു. ഇരുവരുടെയും ജീവിതത്തിലെ ഏറ്റവും രസകരമായ ഒരു വാർത്തയാണ് ഇപ്പോൾ സോഷ്യൽ മീഡിയയിൽ നിറയുന്നത്.

ഉപാസനയുടെ ഫോണിൽ രാം ചരണിന്റെ നമ്പർ എങ്ങനെയാണ് സേവ് ചെയ്തിരിക്കുന്നത് എന്ന സംഗതിയാണ് ഇപ്പോൾ ആരാധകർ കൂടി ഏറ്റെടുത്തിരിക്കുന്നത്. റാം ചരൺ 200 എന്നാണ് തന്റെ ഫോണിൽ ഭർത്താവിന്റെ പേര് സേവ് ചെയ്തിരിക്കുന്നത് എന്നാണ് ഉപാസന പറയുന്നത്. അതിനുള്ള കാരണം ആണ് രസകരം. അത്രയും തവണ അദ്ദേഹം നമ്പർ മാറ്റിയിരിക്കുന്നു അതാണ് അങ്ങനെ സേവ് ചെയ്തിരിക്കുന്നത് എന്നുപറഞ്ഞ ഉപാസന ഭർത്താവിന്റെ ഇഷ്ടപെട്ട സിനിമകളെക്കുറിച്ചും സംസാരിച്ചു.

റാമിന്റെ ഏത് സിനിമയാണ് തനിക്ക് ഏറ്റവും ഇഷ്ടപ്പെട്ടതെന്ന് ഉപാസനയോട് ചോദിച്ചപ്പോൾ അദ്ദേഹത്തിന്റെ എല്ലാ സിനിമകളും തനിക്ക് ഇഷ്ടമാണെന്ന് ഉപാസന വെളിപ്പെടുത്തി, പ്രത്യേകിച്ചും ഓരോ പ്രോജക്റ്റിലും അദ്ദേഹം അത്രയും എഫർട്ട് ഇടുന്ന ആളാണ്.

അദ്ദേഹത്തിന്റെ എല്ലാ സിനിമകളും എനിക്ക് ഇഷ്ടമാണ്, കാരണം അദ്ദേഹം ഓരോ കഥാപാത്രത്തിലും ചുമത്തുന്ന കഠിനാധ്വാനം എനിക്കറിയാം ഉപാസന പറയുന്നു.
ALSO READ:ഒലിവിയ റോഡ്രിഗോയും ലൂയിസ് പാർട്രിഡ്ജുമായുള്ള വിവാഹ നിശ്ചയം കഴിഞ്ഞോ? രണ്ട് വർഷത്തെ പ്രണയം, ഇത് സർപ്രൈസ് ആണല്ലോ?2011 ഡിസംബറിൽ ആണ് ഉപാസന രാം ചരണുമായി വിവാഹിതയായത്. തന്റെ വിവാഹദിനത്തെക്കുറിച്ച് ഓർക്കുമ്പോൾ ഇപ്പോഴും മറക്കാൻ കഴിയാത്ത മറ്റൊരു നിമിഷം ഉണ്ടെന്നും ദേശീയ മാധ്യമങ്ങൾക്ക് നൽകിയ അഭിമുഖത്തിൽ താരം പറയുന്നു. , എന്റെ സ്വന്തം വിവാഹത്തിൽ സുരക്ഷാ ഉദ്യോഗസ്ഥർ എന്നെ അകത്തേക്ക് കടത്തിവിട്ടില്ല എന്റെ കാറിന്റെ ഗ്ലാസ് താഴ്ത്തിവെച്ച് ഞാൻ ആരാണെന്ന് അവരോട് പറയേണ്ടി വന്നു എന്നിട്ടാണ് മണ്ഡപത്തിലേക്ക് എന്നെ വിടുന്നത്- ഉപാസന ഓർക്കുന്നു.

ALSO READ: കഴിവിൽ അമ്പിളിയും ഒട്ടും മോശമല്ല! നൃത്തത്തിൽ മിടുക്കി എന്നതിനേക്കാൾ ഏറ്റവും നല്ല മനസിന്റെ ഉടമയെന്ന് നവ്യ നായർ

അതേസമയം ബുച്ചി ബാബു സന സംവിധാനം ചെയ്യുന്ന പെഡിയിലാണ് രാം ചരൺ അഭിനയിക്കുന്നത്. ഒരു സ്പോർട്സ് ആക്ഷൻ ഡ്രാമ ചിത്രമാണ് പെഡി.

ജാൻവി കപൂർ സഹനടിയായി അഭിനയിക്കുന്ന ചിത്രത്തിൽ ശിവ രാജ്കുമാർ, ദിവ്യേന്ദു, ജഗപതി ബാബു തുടങ്ങി നിരവധി പേർ പ്രധാന വേഷങ്ങളിൽ അഭിനയിക്കുന്നു. കൂടാതെ, ചിത്രത്തിന്റെ സംഗീതം ഒരുക്കിയിരിക്കുന്നത് എ ആർ റഹ്മാനാണ്.