രാധേച്ചിക്ക് കൈ നീട്ടവുമായി നവ്യ! എന്റെ കണ്ണന്റെ മായാജാലം; എന്നോട് ഭഗവാൻ പറയാൻ ആഗ്രഹിച്ചത് ചേച്ചിയിലൂടെയെത്തി

Authored byഋതു നായർ | Samayam Malayalam | Updated: 9 Apr 2025, 8:28 am

Samayam Malayalamനവ്യ നായർ

നവ്യ നായർ എന്ന പേര് കേൾക്കുമ്പോൾ തന്നെ അവരുടെ ആരാധകർക്ക് വേഗം ഓർമ്മ വരുന്നത് നന്ദനത്തിലെ നവ്യയെ ആകും. അത്രയും ഗംഭീരമായി തന്നെ നവ്യ ബാലാമണിയെ അവതരിപ്പിച്ചു. തിരിച്ചുവരവിൽ നിരവധി കഥാപാത്രങ്ങൾ സമ്മാനിച്ച നവ്യ ഇപ്പോൾ നൃത്ത വിദ്യാലയം കൂടി നടത്തുകയാണ്. കേരളത്തിന് അകത്തും പുറത്തും നൃത്ത വേദികളിൽ സജീവമായ നവ്യ അടുത്തിടെ ഗുരുവായൂർ ക്ഷേത്രനടയിൽ നൃത്തം അവതരിപ്പിച്ചിരുന്നു. വൈകാരികരംഗങ്ങൾ ആണ് വേദിയിൽ അരങ്ങേറിയത്.

ഒരു നേരമെങ്കിലും കാണാതെ വയ്യെന്റെ എന്ന് തുടങ്ങുന്ന ഗാനത്തിന് ചുവട് വച്ച് തീർന്നപ്പോളേക്കും ഒരു അമ്മൂമ്മ നവ്യയുടെ അടുത്തേക്ക് ഓടിയെത്തിയതും വേഗത്തിലായിരുന്നു. സെക്യൂരിറ്റി ഗാർഡുകൾ തടയാൻ ശ്രമിച്ചു എങ്കിലും നവ്യയുടെ അടുത്തേക്ക് അവർ ഓടിയെത്തുകയും നവ്യയെ വാരി പുണരുകയും ചെയ്തു. പിന്നീട് അവിടെ നടന്ന രംഗങ്ങൾ എല്ലാം സമൂഹ മാധ്യമങ്ങളിൽ വൈറലായി. കുറ്റിമുക്ക് സ്വദേശിയായ രാധയാണ് നവ്യയെ വാരിപുണർന്നത്. ഇപ്പോഴിതാ അവരെ കാണാൻ നവ്യ എത്തിയതാണ് സമൂഹ മാധ്യമങ്ങളിൽ നിറയുന്നത്.

ALSO READ: അമ്മയുടെ അമ്പോറ്റിപെണ്ണാണ്! അവളുടെ അച്ഛന്റെ ഒപ്പമുള്ള ഗുരുവായൂർ ദർശനത്തിനു ശേഷം; മകളുടെ മുഖം മറച്ച ചിത്രവുമായി ഭാമ
കുറ്റിമുക്ക് എന്ന സ്ഥലത്താണ് രാധമ്മ ഉള്ളത്.ഇപ്പോൾ ആണ് കാണാൻ ആകുന്നത്. കക്കാട് മഹാഗണപതി ക്ഷേത്രത്തിൽ ആണ് ഇന്ന് പരിപാടി അപ്പോൾ അമ്മ യെയും ഒന്നു കാണാം എന്ന് വിചാരിച്ചു. നവ്യ പറഞ്ഞു തുടങ്ങുന്നു

സ്റ്റേജിലേക്ക് ഒരു അമ്മ ഓടിവരികയും എന്നെ അനുഗ്രഹിക്കുകയും ചെയ്തിരുന്നു. ആ അമ്മ എന്നെ കാണണം എന്ന ആഗ്രഹം പ്രകടിപ്പിച്ചു അത് പ്രകാരം ഞാൻ കാണാൻ വേണ്ടി പോവുകയാണ്.പ്രോഗ്രാം ഒക്കെയായി ഇപ്പോൾ സമയം കിട്ടാറില്ല . അങ്ങനെ ഈ യാത്ര ഇത്തിരി വൈകി. ഇതിനു മുൻപ് ഞാൻ പ്രോഗ്രാം ചെയ്തത് പതിനാറുവര്ഷം മുൻപാണ്. അന്നും എന്റെ കൈയ്യിൽ നിന്നും പോയ അവസ്ഥ ആയിരുന്നു ഗുരുവായൂരിൽ. അത് വല്ലാത്ത ഒരു ഫീൽ ആണ്. ആളുകളെ പറഞ്ഞു മനസിലാക്കാൻ എനിക്ക് അറിയില്ല. കൃഷ്ണ എന്ന് വിളിക്കുന്ന സമയത്താണ് ഈ അമ്മ അടുത്തേക്ക് വരുന്നത്. ആ സമയത്തെ ഒരു അനുഭവം വർണ്ണിക്കാൻ എനിക്ക് വാക്കുകൾ പോരാ

ഈ അമ്മയുടെ അടുത്ത് വേറെ ആളുകൾ പോയി വീഡിയോ എടുത്തിരുന്നു. അങ്ങനെയാണ് കുറ്റിമുക്ക് കാരിയാണ് എന്ന് മനസിലാക്കുന്നത്. രാധ ചേച്ചി എന്റെ അടുത്തേക്ക് വന്നപ്പോൾ ഭഗവാൻ എന്റെ അടുത്തേക്ക് വന്നപോലെ ആയിരുന്നു. എന്റെ മനസ്സിൽ ഭഗവാൻ എന്നോട് പറയാൻ ആഗ്രഹിച്ചത് ചേച്ചി എന്നോട് പറഞ്ഞു എന്നാണ് അത് അങ്ങനെ ഇരുന്നോട്ടെ ആളുകൾ ഇത് എങ്ങനെ എടുക്കു എന്ന് അറിയില്ല. പക്ഷെ ഇത് സാക്ഷാൽ ഗുരുവായൂരപ്പന്റെ മായാജാലം തന്നെയാണ്- നവ്യ പറയുന്നു.