രൂപം തന്നെ മാറാന്‍ എന്തായിരുന്നു രാജേന്ദ്രന് അസുഖം? ആ ഫോട്ടോ വൈറലായപ്പോള്‍ നടന്‍ നല്‍കിയ മറുപടി

രാജേന്ദ്രന്റെ മരണ വാര്‍ത്ത അറിഞ്ഞ നടുക്കത്തിലാണ് ആരാധകര്‍. ആരോഗ്യമായ അസ്വസ്ഥതകള്‍ ഉണ്ടായിരുന്നുവെങ്കിലും സീരിയല്‍ രംഗത്ത് അദ്ദേഹം സജീവമായിരുന്നു. സിനിമ പ്രൊഡ്യൂസര്‍ എന്ന നിലയില്‍ കഴിഞ്ഞ ദിവസവും പാക്കപ് വരെ കൂടെ ഉണ്ടായിരുന്ന ആള്‍ ഇല്ല എന്നത് സഹപ്രവര്‍ത്തകര്‍ക്കും വിശ്വസിക്കാന്‍ സാധിക്കുന്നില്ല. ആരോഗ്യ പരമായ പ്രശ്‌നങ്ങള്‍ നേരിടുമ്പോഴും സീരിയല്‍ പ്രൊഡക്ഷനിലും കൊല്ലം കാലിദാസ കലാക്ഷേത്രത്തിന്റെ പ്രവര്‍ത്തനങ്ങളിലും അദ്ദേഹം സജീവമായിരുന്നു.

പട്ടാഭിഷേകത്തിലെ വില്ലന്‍ വേഷം ഉള്‍പ്പടെ രാജേന്ദ്രന്‍ ചെയ്ത കഥാപാത്രങ്ങള്‍ ഇന്നും പ്രേക്ഷക മനസ്സില്‍ തങ്ങി നില്‍ക്കുന്നു. സിനിമ അഭിനയത്തില്‍ നിന്ന് അദ്ദേഹം കൂറേ ഏറെ കാലമായി മാറി നില്‍ക്കുന്ന സാഹചര്യത്തിലായിരുന്നു അടുത്തിടെ ഒരു ഫോട്ടോ സോഷ്യല്‍ മീഡിയയില്‍ വൈറലായത്. താരസംഘടനയായ അമ്മയുടെ തെരഞ്ഞെടുപ്പ് സമയത്ത് എത്തിയ ആ ഫോട്ടോയ്ക്ക് പിന്നാലെ പല കിംവദന്തികളും പ്രചരിച്ചു. അതുവരെ കണ്ടിരുന്ന മുഖമോ രൂപമോ ഒന്നുമായിരുന്നില്ല ആ ഫോട്ടോയില്‍ അദ്ദേഹത്തിന്.

Also Read: എവിടെ പോയാലും ഞങ്ങള്‍ ഒരുമിച്ചാണ്, അസുഖം വന്നപ്പോഴാണ് ഇല്ലാതെ പറ്റില്ലെന്ന് ബോധ്യമായത്; അന്ന് സന്ധ്യ പറഞ്ഞത്

ഗുരുതരമായ അസുഖമാണ്, അമ്മയില്‍ നിന്നുള്ള പെന്‍ഷന്‍ കാശുകൊണ്ടാണ് കുടുംബം കഴിഞ്ഞു പോകുന്നത് എന്നൊക്കെയുള്ള തരത്തില്‍ പല വാര്‍ത്തകളും പ്രചരിച്ചു. പിന്നാലെ അതിന് വിശദീകരണം നല്‍കി രാജേന്ദ്രനും ഭാര്യ സന്ധ്യയും നല്‍കിയ അഭിമുഖം സോഷ്യല്‍ മീഡിയയില്‍ വൈറലാകുകയും ചെയ്തു.

സ്വന്തമായി പ്രൊഡക്ഷന്‍ ഹൗസുള്ള ആളാണ് ഞാന്‍, ആ ഞാന്‍ എന്തിന് അമ്മയില്‍ നിന്നുള്ള പെന്‍ഷന്‍ കാശിന് വേണ്ടി വോട്ട് ചെയ്യാന്‍ പോകണം എന്നായിരുന്നു രാജേന്ദ്രന്റെ ചോദ്യം. ദേവന് വോട്ട് ചെയ്യാന്‍ വേണ്ടിയാണ് ഞാന്‍ ആരോഗ്യ പരമായി അത്ര നല്ല സ്ഥിതിയില്‍ അല്ലാതിരുന്നിട്ടും പോയത്. ആരോഗ്യസ്ഥിതി ന്നെത് അത്ര ഗുരുതരവും അല്ല. കരള്‍ സംബന്ധമായ അസുഖമുണ്ടായിരുന്നു. അതിന് ട്രീറ്റ്‌മെന്റ് എടുത്തു. ഡോക്ടറുടെ നിര്‍ദ്ദേശപ്രകാരം അമിതമായി വണ്ണം പാടില്ല, നിശ്ചയത ഭാരത്തില്‍ നിലനില്‍ക്കണം. നേരത്തെ നന്നായി ഭക്ഷണം കഴിച്ചിരുന്നു, അത് കുറച്ചപ്പോള്‍ മെലിഞ്ഞു. പിന്നെ പ്രായമാവുകയല്ലേ - എന്നായിരുന്നു ചിരിയോടെയുള്ള രാജേന്ദ്രന്റെ ചോദ്യം. നല്ല വേഷങ്ങള്‍ വരാത്തത് കൊണ്ടും, പ്രൊഡക്ഷനുമായി ബന്ധപ്പെടട് തിരക്കുകള്‍ ഉള്ളതിനാലും അഭിനയത്തില്‍ നിന്ന് ബ്രേക്ക് എടുക്കുകയും ചെയ്തു എന്ന് അദ്ദേഹം വിശദീകരണം നല്‍കിയിരുന്നു