രോഗത്തിന് മതമുണ്ടോ! നമ്മൾ ശ്വസിക്കുന്നത് ഒരേ വായു ഒരു സൂര്യന്റെ എനർജിയിൽ ജീവിക്കുന്നവർ; മമ്മൂട്ടി

സൂര്യനും മഴയ്ക്കും രോഗത്തിനും മതവും ജാതിയുമില്ല , മനുഷ്യര്‍ പരസ്പരം വിശ്വസിക്കുന്നതാണ് മതമെന്ന് മമ്മൂട്ടി . കൾച്ചറൽ കോൺഗ്രസിന്റെ സമാപനത്തിൽ ആണ് താരം ഇങ്ങനെ പറഞ്ഞത് .

മമ്മൂട്ടിയുടെ വാക്കുകൾ

നമ്മൾ ഭയന്കര അഭിമാനത്തോടെ പറയുന്ന കാര്യമാണ് നമ്മൾക്കൊക്കെ ഭയങ്കര കൾച്ചർ ആണെന്ന്. നമ്മൾ ഭയങ്കര സംസ്കാര സമ്പന്നർ ആണെന്നൊക്കെ. ഞാൻ ആലോചിക്കാറുണ്ട് എന്താണ് ഈ സംസ്കാരം എന്താണ് ഈ കൾച്ചർ എന്നൊക്കെ. കാര്യമായ പിടിപാട് ഒന്നും എനിക്ക് കിട്ടിയിട്ടില്ല. എന്നാലും എനിക്ക് തോന്നിയത്, സംസ്കാരം എന്ന് പറയുന്നത് മറ്റുള്ളവരുടെ സാന്നിധ്യം കൂടി തിരിച്ചറിയുക എന്നുള്ളതാണ്. ഈ ലോകത്ത് നമ്മൾ മാത്രമല്ല, മറ്റുള്ള മനുഷ്യരും ജീവ സമൂഹവും അവർക്കും കൂടി അവകാശപ്പെട്ടതാണ് ഈ ലോകം എന്ന തിരിച്ചറിവ് ആണ് സംസ്കാരം. അപ്പോഴാണ് നമ്മൾ സംസ്കരസമ്പന്നർ ആകുന്നത്. വിദ്യാഭ്യാസം ഉള്ളവർ ആണ് സംസ്കാര സമ്പന്നർ എന്നാണ് പൊതുവെ പറയുക. വിദ്യാഭ്യാസം ഉള്ള ആളുകൾക്ക് മാത്രമേ സംസ്കാരം ഉള്ളൂ എന്ന് ചിന്തിക്കുന്ന ആളല്ല ഞാൻ, എന്റെ അനുഭവവും അങ്ങനെ അല്ല . വിദ്യാഭ്യാസം സംസ്കാരത്തിന്റെ ഒരു ഭാഗമാണ്. അതുണ്ടെങ്കിൽ കുറച്ചുകൂടി സംസ്കാരം തിരിച്ചറിയാൻ ആകും. അല്ലാതെ വിദ്യാഭ്യാസം ഉള്ളവർക്കേ സംസ്കാരം ഉണ്ടാകൂ എന്നതിനോട് എനിക്ക് യോജിക്കാൻ ആകില്ല.

ALSO READ : 2 കോടിയ്ക്ക് ശ്രീനിവാസന്‍ പണിത സ്വര്‍ഗം കണ്ടനാട്ടെ പാലാഴി! ജപ്തി ചെയ്ത വീട്ടിൽ നിന്നും അന്ന് ഇറങ്ങിയശേഷം പണിത വീട്
സംസ്കാരത്തെ കുറിച്ച് നമ്മളെ തന്നെ ഓർമ്മപെടുത്താൻ ഉള്ള പ്രസ്ഥാനം ആയിട്ടാണ് ഞാൻ ഇതിനെ കാണുന്നത്. എന്നെ കേൾക്കുന്ന എല്ലാരും അതിനെകുറിച്ച് ബോധം ഉണ്ടാകും എന്ന് വിശ്വസിക്കുന്നു. മതേതരത്വം മത സഹിഷ്ണുതയെ കുറിച്ച് പറയുമ്പോൾ ആണ് ഇതേകുറിച്ച് കൂടുതൽ പറയേണ്ടി വരുന്നത്. മതത്തെ കുറിച്ചല്ല, മനുഷ്യരെ വിശ്വസിക്കുകയാണ് വേണ്ടത്. മനുഷ്യർ തമ്മിൽ വിശ്വസിക്കുന്നതാണ് ഏറ്റവും വലുത്,. നമ്മൾ എല്ലാവരും ഒരേ വായു ശ്വസിച്ചുകൊണ്ട് ഒരേ സൂര്യന്റെ എനർജി കൊണ്ട് ജീവിക്കുന്നവർ ആണ്. സൂര്യനും മഴക്കും വെള്ളത്തിനും ഒന്നും ജാതിയോ മതമോ ഇല്ല. രോഗത്തിനും മതമില്ല. പക്ഷേ നമ്മൾ ഇതിൽ എല്ലാം അത് കണ്ടെത്താൻ ശ്രമിക്കുകയാണ്. വേർതിരിവ് കണ്ടെത്താൻ ശ്രമിക്കുന്നത് സ്വാർത്ഥ താത്പര്യങ്ങൾക്ക് വേണ്ടിയാണു. പക്ഷേ അതെല്ലാം മനുഷ്യസ്നേഹത്തിൽ ആണ് അവസാനിക്കുന്നത്. സ്നേഹം ഉണ്ടാകുന്നത് തന്നെ നമ്മുടെ ഉള്ളിൽ നിന്നാണ്. എല്ലാ മനുഷ്യർക്കും ഉള്ളിൽ ഉറങ്ങിക്കിടക്കുന്ന സംഭവം ആണ് ഇത്. ഈ യുദ്ധം നമ്മുടെ ഉള്ളിൽ ഉള്ള നന്മയും തിന്മയും തമ്മിൽ ഉള്ളതാണ് അതിനെ വേർതിരിച്ചറിയുമ്പോൾ ആണ് നമ്മൾ വിജയിക്കുന്നത്.