ലക്‌നൗവിനെ നേരിടാൻ സഞ്ജു ഉണ്ടാകുമോ; എൽഎസ്ജി - ആർആർ മത്സരത്തിൽ റോയൽസ് നേരിടുന്ന പ്രധാനവെല്ലുവിളികൾ

Edited byഅനുഷ ഗംഗാധരൻ | Samayam Malayalam | Updated: 18 Apr 2025, 6:56 pm

ജയ്പൂർ: ഐപിഎൽ 2025 പോയിന്റ് പട്ടികയിൽ എട്ടാം സ്ഥാനത്താണ് രാജസ്ഥാൻ റോയൽസ് നിലവിലുള്ളത്. മലയാളികളുടെ പ്രിയ താരം സഞ്ജു സാംസൺ നായകനായതിന് ശേഷം ആദ്യമയിയാണ് രാജസ്ഥാൻ റോയൽസ് ഒരു സീസണിൽ ഇത്രയും ദയനീയ ഫോമിലേക്ക് വീഴുന്നത്. പരിശീലന ക്യാമ്പിലേക്ക് ഏറെ വൈകിയെത്തിയ താരം പതിനെട്ടാമത് സീസൺ ആരംഭിച്ച് റോയൽസ് മൂന്ന് മത്സരങ്ങൾ കളിച്ചതിന് ശേഷമാണ് ക്യാപ്റ്റൻ കുപ്പായം അണിയുന്നത്. ഇത് ടീമിനെ മോശം രീതിയിൽ ബാധിച്ചിട്ടുമുണ്ട്. നിർണായക ഘട്ടങ്ങളിൽ തീരുമാനങ്ങൾ എടുക്കുന്നതിലും ടീം വീഴ്ച വരുത്തുന്നുണ്ട്.
സഞ്ജു ഇല്ലാതെ നിർണായക ടീം ചർച്ച; സൂപ്പർ ഓവറിലെ വീഴ്ചയ്ക്ക് കാരണം ദ്രാവിഡോ? വൈറലായി വീഡിയോഐപിഎല്ലിൽ മുന്നോട്ടുള്ള യാത്രയിൽ ടീം നേരിടുന്ന പ്രധാന വെല്ലുവിളി ഈ ഫോമില്ലാത്തതാണ്. സീസണിലെ അടുത്ത മത്സരം ലക്‌നൗവിന് എതിരെയാണ്. പലപ്പോഴും താരതമ്യ പെടുത്തുന്ന രണ്ടുപേരാണ് സഞ്ജു സാംസണും ഋഷഭ് പന്തും. ഇവർ നയിക്കുന്ന ടീമുകൾ നാളെ ഏറ്റുമുട്ടുമ്പോൾ ഇരുവരുടെയും ക്രിക്കറ്റ് ഭാവിയിൽ ആ മത്സരം ഏറെ നിർണായകവുമാണ്. സീസണിൽ ഇതുവരെ കളിച്ച 7 മത്സരങ്ങളിൽ 4 ജയങ്ങൾ സ്വന്തമാക്കി ടീം ടേബിളിൽ അഞ്ചാം സ്ഥാനത്താണ്. സഞ്ജുവിന്റെ റോയൽസ് 7 മത്സരങ്ങളിൽ 2 ജയം മാത്രമാണ് സ്വന്തമാക്കിയത്. അതുകൊണ്ടു ഇനിയെങ്കിലും ഫോമിലേക്ക് തിരിച്ചെത്തിയില്ലങ്കിൽ പ്ലേ ഓഫ് പോലും കാണാതെ പുറത്തേക്ക് പോകേണ്ടി വരും.

രാജസ്ഥാൻ റോയൽസ് നേരിടുന്ന പ്രധാന വെല്ലുവിളി

ബാറ്റർമാരുടെ സ്ഥിരതയില്ലാത്ത പ്രകടനം തന്നെയാണ് റോയൽസിന്റെ പ്രധാന പ്രശ്നം. കഴിഞ്ഞ മത്സരത്തിൽ ഷിംറോൺ ഹെറ്റ്മെയറിൽ നിന്ന് മികച്ച പ്രകടനം പ്രതീക്ഷിച്ച ആരാധകരെ നിരാശപെടുത്തുകയാണ് താരം ചെയ്തത്. ഡൽഹിയ്ക്ക് എതിരെ നടന്ന മത്സരത്തിൽ സൂപ്പർ ഓവറിലേക്ക് മത്സരം എത്തിയത് ഹെറ്റ്മെയറിന്റെ മെല്ലെപോക്ക് കാരണമാണ്. റിയാൻ പരാഗിന്റെ ഫോമില്ലായിമയും തലവേദനയാകുകയാണ്. സഞ്ജുവിൽ ആരാധകർക്ക് പ്രതീക്ഷയുണ്ടെങ്കിലും കഴിഞ്ഞ ദിവസം റിബ് ഇഞ്ചുറി പറ്റിയതോടെ അടുത്ത മത്സരത്തിൽ താരം കളിക്കുമോ എന്ന് പോലും ഉറപ്പ് പറയാൻ സാധിക്കാത്ത അവസ്ഥയായി. ക്യാപ്റ്റന്റെ ഈ അവസ്ഥയും റോയൽസിന് തവേദനയുണ്ടാക്കുന്നു. അതേസമയം ലക്‌നൗ താരങ്ങളിൽ റോയൽ ശ്രദ്ധിക്കേണ്ട താരങ്ങളുണ്ട്. ഈ താരങ്ങൾക്കായി പ്രത്യേകം കെണിയൊരുക്കേണ്ടതുമുണ്ട്.

റൺ വേട്ടയിൽ ഒന്നാം സ്ഥാനത്തിനായി മത്സരിക്കുന്ന താരങ്ങളിൽ രണ്ടുപേർ ലക്‌നൗവിന്റെ താരങ്ങളാണ്. നിക്കോളാസ് പൂരൻ, മിച്ചൽ മാർഷ് എന്നിവരാണ് ഈ താരങ്ങൾ. ഐപിഎൽ 2025 റൺ റെയ്‌സിൽ 357 റൺസ് നേടി ഒന്നാം സ്ഥാനത്ത് പൂരനും 295 റൺസ് നേടി മൂന്നാം സ്ഥാനത്ത് മിച്ചൽ മാർഷും ഉണ്ട്. ഇവരെ വളരെ പെട്ടന്ന് തന്നെ പവലിയനിലേക്ക് തിരിച്ചയക്കുക എന്നതാണ് റോയൽസ് ബൗളിങ് പടയുടെ പ്രധാന ലക്ഷ്യം.

ഈ സീസണിൽ ഏറ്റവും കൂടുതൽ വിക്കറ്റ് നേടിയ ബൗളർമാരുടെ കൂട്ടത്തിൽ ആദ്യ പത്തിൽ ഇടം നേടിയ ബൗളറും ലക്‌നൗ ടീമിലുണ്ട്. ശാർദുൽ താക്കൂർ. സീസണിൽ ഇതുവരെ 7 മത്സരങ്ങളിൽ ഇന്ന് 11 വിക്കറ്റുകൾ നേടി പട്ടികയിൽ അഞ്ചാം സ്ഥാനത്താണ് ഈ ഇന്ത്യൻ താരം ഉള്ളത്. ഇദ്ദേഹത്തിന്റെ ഇരയാകാതെ രക്ഷപ്പെടുക എന്നതാകും റോയൽസ് ബാറ്റെർമാരുടെ വെല്ലുവിളി. രാജസ്ഥാൻ റോയൽസ് - ലഖ്‌നൗ സൂപ്പർ ജയൻ്റ്‌സ് മത്സരം ഏപ്രിൽ 19 രാത്രി 7.30 നാണ്.